Ephesos 3:8 - Dakota Wowapi Wakan Kin

⁸ Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Ephesos 3:8 ပူးပေါင်းရင်းမြစ်များ

Lukas 14:22

Unkan ookiye qon heya; Itancan kin, ehe cin he wanna ecen econpi, tuka nahaḣin okan ce, eya.

Johannes 1:16

Unkan woojudan tawa kin etanhan unkiye owasin unkicupi, qa he wowaśte wicowaśte in on.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

Olianyanpi kin 9:15

Tuka Itancan kin iś heciya; Hunktiya wo, wakśica wakaḣnige cin he wanji ee, micaje kin Ikcewicaśta, qa wicaśtayatapi kin Israel cinca ko itokam yuha un kta:

Roma 11:33

Wakantanka toksape qa wosdonye tawa wowijica ośbe kin he tanka ḣinca. Woyaco tawa kin okaḣniḣpica śni, qa tacanku kin iyeyepica śni.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Roma 2:4

Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

I. Korinth 15:9

Yewicaśipi kin miye iyotan macistinna, qa Wakantanka taokodakiciye kin śicaya wakuwa qon heon yeśipi emakiyapi kte cin iyemacece śni.

I. Korinth 2:9

Tuka wowapi qon iyececa; Tona Wakantanka waśtedakapi kin taku wicakiciyuśtan kin he wiciśta kin tohinni wanyake śni, qa wicanoge on naḣonpi śni, qa wicaśta cante kin mahen iyoḣpaye śni.

Galatia 1:16

Iye Cinhintku kin sdonye mayan iyokipi qehan, Ikcewicaśta wotanin waśte kin owicawakiyake kte cin heon, kohanna wicaceḣpi, wicawe ko, kici wowahdake śni:

Galatia 2:8

Tuwe bakiḣdayapi kin on yewicaśipi kin en Inyan okihiye cin hee Ikcewicaśta ekta okihimayan;

Ephesos 2:7

Hecen wiconi u kte cin en, Jesus Messiya on cantounhnakapi kin on, towaonśida woyuha wopteca śni kin hduotanin kta.

Ephesos 3:1

Heon Ikcewicaśta kin niyepi on etanhan, Palos, Jesus Messiya on kaśka hnakapi kin he miye.

Ephesos 3:16

Hecen iye towitan woyuha kin eciyatanhan taku nic̣upi kta, iye Taniya kin eciyatanhan, wowadake on wicaśta mahen tanhan waśagniyanpi kta.

Ephesos 3:19

Qa Messiya towaśte okaḣnihpica śni kin he sdonyayapi kte, hecen Wakantanka toojudan kin ocowasin ojuniyanpi kte.

Ephesos 3:2

Niyepi on Wakantanka towaonśida wicoḣtani maqupi kin he nayaḣonpi hecinhan;

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

Philippi 4:19

Taku inicakijapi kin owasin Wakantanka mitawa nic̣upi kta, iye woyuha wowitan kin en un kin hetanhan, Jesus Messiya eciyatanhan.

Kolosse 1:27

Ikcewicaśta kin ekta taku otanin śni kin de wowitan woyuha kin tinskokeca kin, he Wakantanka hena sdonye wicakiye kta, he niyepi kin en Messiya wowitan woape kin hee.

I. Timotheos 1:13

He itokam waośtewahda, qa śicaya wicawakuwa, qa waḣanmic̣ida; tuka wicawada śni icunhan hena iyukcan śni ecamon kin heon onśimadapi.

I. Timotheos 1:15

Wicoie kin de wacinyepica, qa owancaya icupi kta iyececa, Jesus Messiya waḣtanipi sa niwicaye kta e on makata hi; hena en miye imayotan.

I. Timotheos 2:7

He en eyanpaha qa yeśipi kin heca makagapi; Messiya en wowicake epa, itonśni mawanica; wowacinye wowicake ko Ikcewicaśta onspe wicawakiye kte cin heon.

II. Timotheos 1:11

Heon eyanpaha qa yeśipi kin heca makagapi, Ikcewicaśta wowicawakiyake kte cin heon.

Wayuotanin 3:18

Kaken wahokonciciya ce, mazaskazi peta on yuecedan kagapi kin he opemicaton wo, winijica kta ce; qa wokoyake ska, kodake kta e heon, hecen tanconikadan on winiśtece cin he tanin kte śni; qa wiciśta wihdi kin, niiśta iyakiun kta, hecen wawandake kta.