Ephesos 3:7 - Dakota Wowapi Wakan Kin

⁷ He on ookiye makagapi, Wakantanka towaonśida maqupi kin he eciyatanhan, iye towaśake oḣanye cin on.

Ephesos 3:7 ပူးပေါင်းရင်းမြစ်များ

Olianyanpi kin 9:15

Tuka Itancan kin iś heciya; Hunktiya wo, wakśica wakaḣnige cin he wanji ee, micaje kin Ikcewicaśta, qa wicaśtayatapi kin Israel cinca ko itokam yuha un kta:

Roma 1:5

Iye kin eciyatanhan wowaśte unkicupi, qa oyate owasin wacinyanpi kin anagoptanpi kte cin heon yewicaśipi wicoḣan kin he nakun, iye caje kin on:

Roma 12:3

Wowaonśida maqupi kin he eciyatanhan, tona niyepi ekta un kinotoiyohi hecen eciciyapi; Tuwedan token ihdukcan kte cin he isanpa ihdawa kte śni, tuka wacinksamya ihdukcan kta, Wakantanka otoiyohi wacinyanpi iyuta wicaqu kin he eciyatanhan.

Roma 15:16

Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

I. Korinth 15:10

Tuka tomakece cin Wakantanka towaonśida kin on hemaceca. Qa iye towaonśida mici un kin he taku śni wanica, tuka hena owasin iyakapeya nina ḣtawani; qa he miye śni, Wakantanka towaonśida mici un kin hee.

I. Korinth 3:5

Palos he tuwe, qa Apolos he tuwe he; wowidake unpi kin hecapi, on wicayadapi, otoiyohi Itancan kin wicaqu kin iyececa.

II. Korinth 3:6

Iye wicotakuye teca kin en ookiye wawokihika unkagapi, oowa kin he en un śni, woniya kin hee en; oowa kin he waṭeya, tuka woniya kin he waniya ece.

II. Korinth 4:1

Heon etanhan wawokiyapi kin de unhapi kin, wowaonśida unkicupi kin heon wacin ibounśakapi śni.

Galatia 2:8

Tuwe bakiḣdayapi kin on yewicaśipi kin en Inyan okihiye cin hee Ikcewicaśta ekta okihimayan;

Ephesos 1:19

Qa tona wicaundapi kin en iye townśake tanka ḣinca woptecaśni kin he taku kin nakun, iye towaśake waśagya oḣanye cin eciyatanhan.

Ephesos 3:2

Niyepi on Wakantanka towaonśida wicoḣtani maqupi kin he nayaḣonpi hecinhan;

Ephesos 3:20

Tuwe nine waśagya econ okihi, unkiś unkidapi qa awauncinpi kin isanpa, wowaśake kin on oniciḣanyanpi kin he eciyatanhan;

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Ephesos 4:16

Iye eciyatanhan tancan kin ocowasin wayupiya iciyakaśkapi, qa okihe kin owasin wawokiyapi on icicazontapi, huha kin otoiyohi iyacinyan icage cin he iyecen tancan kin icaḣyapi, wowaśtedake en icage kte cin heon.

Kolosse 1:29

Heon miś eya ḣtawani, iye oḣan kin miye en waśagya oḣanye cin he eciyatanhan inawahni.

I. Thessalonike 2:13

Qa heon ohinniyan Wakantanka wopida unkekiciyapi; Wakantanka oie kin unkiyepi etanhan nayaḣonpi, qa iyacupi qehan, wicaśta oie kin iyecen iyacupi śni, tuka awicakehan Wakantanka oie kin hee, niye tona wicayadapi kin en oḣanyan ece kin iyececa.

Hebrew 13:21

Iye tawacin kin ecen ecanonpi kta e, wicoḣan waśte owasin en niyusutapi kte, qa taku iye iśta kin en oiyokipi kin ecaniconpi kta, Jesus Messiya eciatanhan; he wowitan owihane wanica kicihan nunwe.