Ephesos 3:1 - Dakota Wowapi Wakan Kin

¹ Heon Ikcewicaśta kin niyepi on etanhan, Palos, Jesus Messiya on kaśka hnakapi kin he miye.

Ephesos 3:1 ပူးပေါင်းရင်းမြစ်များ

Lukas 21:12

Tuka taku kin dena owasin itokaptu, micaje kin on etanhan iyaniḣpayapi, qa śicaya nicuwapi, qa omniciye tipi, kaśka wicahnakapi tipi ko en aniyanpi, qa wicaśtayatapi wicaśta iwicadakapi kin ko wicitokam aniyanpi kta ce:

Olianyanpi kin 21:33

Hehan akicita tancan kin en ye c̣a, icu, qa maza icicaḣiḣa nom on kaśke wicaśi; qa he tuwe kin, qa token econ kin he, eya iwicawanga.

Olianyanpi kin 23:18

Unkan heon he icu, qa akicita tancan tanka kin ekta ai qa, Palos kaśkapi un kin he mico, qa kośka kin de cicahi kta e econ maśi, taku oniciyake kta keya ce, eya.

Olianyanpi kin 26:29

Unkan Polos heya, Wakantanka cewakiya ce, niye niśnana śni, tuka tona anpetu kin de namaḣonpi kin owasin, kitan ecinyan hee śni, tuka ocowasin miś waun kin iyecen yaunpi kta, tuka icaśke kin dena ope kte śni.

Olianyanpi kin 9:15

Tuka Itancan kin iś heciya; Hunktiya wo, wakśica wakaḣnige cin he wanji ee, micaje kin Ikcewicaśta, qa wicaśtayatapi kin Israel cinca ko itokam yuha un kta:

II. Korinth 1:6

Kakiśunyanpi eca he wacintonhnag niyanpi, qa ni niyanpi kte cin heon; he wokakije on kakiśunyanpi kin hena yuha okihi wicaye Kta e oḣanyan ece; qa wacintonhnag unyanpi hecinhan, he wacintonhnake niyanpi, qa ni niyanpi kte cin heon.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 11:23

Hena e Messiya taokiye kin hecapi he; witkotkoke cin iyecen iwaa, miś eya imayotan. Wicoḣtani kin en imayotan; apapi kin en wopteca śni waun; kaśka hnakapi kin en imayotan, qa wiconṭe kin en otakiya waun.

Galatia 5:11

Mihunkawanji, miś miye bakiḣdayapi kin ieyanwapaha kinhan tokeca e śicaya makuwapi he; kinhan, can susbeca iwośihda kin he enakiyapi tuka.

Galatia 5:2

Wanyaka po, Palos he miye e kaken eciciyapi; Banic̣iḣdayapi kinhan Messiya takudan on oniciyapi kte śni ce.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Ephesos 3:11

Wokonze otokahe wanin ehantanhan kage ciqon he eciyatanhan, Jesus Messiya Itancan unkiyapi kin en;

Ephesos 3:13

Heon etanhan niyepi kin on kakiś mayanpi kin heon canwannikapi kte śni wacin.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Ephesos 4:1

Heon etanhan miś miye Itancan caje on makaśkapi, ceciciyapi ce, Wicakicopi on nieopi kin he iyacinyan mayanipi kte.

Ephesos 6:20

Heon wahośiya un wan kaśka hnakapi kin hemaca, hecen on token iwae kte cin he iyecen waditagya iwae kta.

Philippi 1:7

Hecen niyepi owasin wacin en ciyuzapi kte cin he hecetu, cante en mayaduzapi kin heon; makaśkapi kin, ga wotanin waśte omdake c̣a mdasuta kin he en, qa nakun wowaśte mitawa kin en niyepi owasin oyapapi ece.

Kolosse 1:24

Nakaha niyepi kin on etanhan makakije cin neon imduśkin, qa Messiya wokakije tawa, taku miceḣpi kin en yuśtanpi śni kin hena iye tancan kin, okodakiciye kin hee, on weciyuśtan kta.

Kolosse 4:18

Palos he miye, nape kiciyuzapi kin de minape kin on wakaga. Makaśkapi kin kiksuya po. Wowaonśida niyepi en nicipi un nunwe. Amen.

Kolosse 4:3

Qa unkiye on wocekiye unkeyeciyapi kta, Wakantanka iapi tiyopa wan unkiciyuḣdokapi kta, Messiya tawowiyukcan kin unkoyakapi kta, on makaśkapi kin hee:

II. Timotheos 1:16

Onesiphoros tiyohnaka tawa kin Wakantanka onśikida nunwe; iye ota micanpte c̣a makaśkapi kin on iśtece śni.

II. Timotheos 1:8

Hecen Itancan unkiyapi tawootanin kin on iśtece śni wo, qa nakun miye makaśkapi tawa waun kin; tuka Wakantanka towaśake kin eciyatanhan wotanin waśte en wokakije kin en okicipa wo:

Philemon 1:1

Palos, Jesus Messiya on, kaśka hnakapi kin he, qa Timotheos sunkaunyanpi kici, Philemon waśte unkidapi qa ounkiyapi ece kin,

Philemon 1:23

Epaphras, Jesus Messiya on, kici makaśkapi kin he nape niyuza;

Philemon 1:9

Tuka wacantkiyapi kin eciyatanhan ceciciya ce, Palos he miye, wanna wimacaḣinca, qa nakaha Jesus Messiya on kaśka mahnakapi waun.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.