Ephesos 2:8 - Dakota Wowapi Wakan Kin

⁸ Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Ephesos 2:8 ပူးပေါင်းရင်းမြစ်များ

Mattheos 16:17

Unkan Jesus ayupte c̣a heciya; Simon Jona cinhintku niyawaśtepi ce; wicaceḣpi qa wicawe kin he oniciyake śni, tuka Ate maḣpiya ekta un kin he oniciyaka

Mattheos 20:9

Unkan tona oape wanjidan ḣtanipi kin hena hipi, qa otoiyohi kaśpapidan wanji icupi.

Markos 16:16

Tuwe wicada qa baptem qupi kinhan he ni kta; qa tuwe wicada śni kinhan he yacopi kta.

Lukas 7:50

Unkan winoḣinca qon heciya; Wacinyaye cin he niniyan ce; wookiye on hda wo.

Johannes 3:36

Hecen tuwe Cinhintkuyapi kin wacinye cinhao owihanke wanin wiconi kin wanna yuha; tuka tuwe wacinye śni kinhan, he wiconi wanyake kte śni, tuka Wakantanka tocanniye kin wanna akan un.

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Johannes 6:35

Tuka Jesus hewicakiya; Aguyapi wiconi kin he miye ce. Tuwe en mau kinhan wotektehda śni un kta; qa tuwe wicamada kinhan ipuza śni un kta.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Johannes 6:44

Tuwedan iye cinka en mau kte śni, Ate u maśi qon tuwedan en au śni kinhan, qa anpetu ihankeya kin en piya icaḣwaye kta.

Johannes 6:65

Unkan heya; He etanhan heciciyapi qon, Tuwedan iye cinka en mau okihi kte śni, tuwe Atewaye cin he qu kinhan heceyedan okihi kta.

Olianyanpi kin 13:39

Qa taku owasin, Moses tawoahope kin niyuowotanpidan kta e okitpani kin hena ee kaeś etanhan, tuwe wicada kinhan iye on owotanna kagapi kta.

Olianyanpi kin 14:27

Hen hdipi qa okodakiciye kin mniciye wicaśipi, qa Wakantanka token econ wicakiye cin hena owasin owicakiyakapi, qa wacinyanpi tiyopa wan Ikcewicaśta kin wicakiyuḣdoke cin he nakun.

Olianyanpi kin 15:11

Tuka Jesus Messiya Itancan kin towaonśida kin on, iś iyepi kin wiconi yuhapi kte cin, he iyecen unkiś unhapi kta e wicaundapi ce.

Olianyanpi kin 16:14

Unkan winoḣinca wan, Ludia eciyapi, Thuatira otonwe kin etanhan, wokoyake duta ece wiyopeye cin heca, Wakantanka kokipeyahan un he naḣon yanka: unkan cante kin Itancan kin yuzamni, on Palos oie kin anagoptan.

Olianyanpi kin 16:31

Unkan, Jesus Messiya Itancan kin wacinyan wo, hecen nicinca om yani kta ce, eciyapi.

Roma 10:14

Tuka tuwe kin wacinyanpi śni kinhan token on he hoyekiyapi kta he; qa he nahaḣin naḣonpi śni kinhan token wacinyanpi kta he; qa tuwedan oyake śni kinhan token naḣonpi kta he.

Roma 10:17

Heon etanhan wanaḣonpi kin eciyatanhan wicadapi kin u, qa wanaḣonpi kin he Wakantanka oie kin eciyatanhan.

Roma 4:16

Heon etanhan, he wacinyanpi kin on, wowaonśida eciyatanhan kte cin heon, qa wahoyapi qon cincapi kin owasin en wicakiciyusutapi kta, tona woope eciy atanhan un kin heceedan śni, tuka tona Abraham, unkiye owasin ateunyanpi kin, wacinye ciqon en opapi kin hena koya.

Roma 4:5

Tuka tuwe oḣanye śni, qa tuwe tona waḣtanipi kin wicayaowotanna kin he wacinye cinhan, wacinyanpi kin he wicoowotanna kiciyawapi ece.

Roma 9:16

Heon etanhan tuwe cin kin eciyatanhan śni, qa tuwe inyankecin he nakun eciyatanhan śni, tuka Wakantanka onśiwicakida kin he eciyatanhan ece.

Galatia 3:14

Hecen Jesus Messiya eciyatanhan Abraham wowaśte tawa kin he Ikcewicaśta kin en awicau kta; hecen wacinyanpi kin on Woniya iwahounyanpi kin he unkicupi kta.

Galatia 3:22

Tuka Wowapi Wakan kin he owasin woaḣtani oḣdateya un wicayawa, qa hecen tona wicadapi kin hena, Jesus Messiya wacinyanpi wahoyapi qon he wicaqupi kta.

Ephesos 1:19

Qa tona wicaundapi kin en iye townśake tanka ḣinca woptecaśni kin he taku kin nakun, iye towaśake waśagya oḣanye cin eciyatanhan.

Ephesos 2:10

Iye taku kage cin he unkiyepi, Jesus Messiya en wicoḣan waśte aicaḣ unyanpi, hena ohna maunnipi kte cin heon otokaheya tanhan Wakantanka wiyeya ehnaka.

Ephesos 2:5

Unkiye wicoḣan śica ehna unṭapi qehan, Messiya kici niunkiyapi; wowaonśida on wiconi duhapi ece;

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

Kolosse 2:12

Baptem on iye kici nihnakapi, qa nakun kici ekicetu niyanpi, Wakantanka wicaṭe cin etanhan najin kiye cin he wowaśake kin wicayadapi kin heon etanhan.

II. Thessalonike 1:9

Hena e Itancan itohnake kin etanhan, wicotakuni śni owihanke wanica on kakiświcayapi kta.

Hebrew 6:4

Tona wancadan iyoyanpapi, qa maḣpiya tanhan taku wicaqupi kin he utapi, qa Woniya Wakan kin etanhan okinipi;

I. Inyan 1:5

Wacinyanpi eciyatanhan Wakantanka towaśake kin on wiconi anikpatanpi, eqe anpetu ehake kin en yuotaninpi kta.