Ephesos 2:5 - Dakota Wowapi Wakan Kin

⁵ Unkiye wicoḣan śica ehna unṭapi qehan, Messiya kici niunkiyapi; wowaonśida on wiconi duhapi ece;

Ephesos 2:5 ပူးပေါင်းရင်းမြစ်များ

Lukas 15:24

Micinkśi kin de ṭa, tuka kini; tanin śni, tuka iyeyapi ce, eya. Unkan hinnakaha wiyuśkinpi.

Johannes 5:21

Ateyapi kin tuwe ṭa keś niye c̣a wiconi wicaqu ece; he iyecen Cinḥintku kin iś tona cin kinhan wiconi wicaqu ece.

Johannes 6:63

Woniya kin he wiconi kaga ece, wicaceḣpi kin takudan okihi śni. Wicoie eciciyapi kin hena woniya qa wiconi kin hee.

Olianyanpi kin 15:11

Tuka Jesus Messiya Itancan kin towaonśida kin on, iś iyepi kin wiconi yuhapi kte cin, he iyecen unkiś unhapi kta e wicaundapi ce.

Roma 16:20

Unkan kohanna Wookiye Wakantanka kin niye nisihapi kin ihukuya Satan napan kta. Jesus Messiya Itancan unkiyapi towaonśida kin niyepi en nicipi un nunwe.

Roma 3:24

Qa iye towaonśida kin on iyunwin codan owotanna wicayawapi, wopekitonpi Jesus Messiya en un kin he eciyatanhan.

Roma 4:16

Heon etanhan, he wacinyanpi kin on, wowaonśida eciyatanhan kte cin heon, qa wahoyapi qon cincapi kin owasin en wicakiciyusutapi kta, tona woope eciy atanhan un kin heceedan śni, tuka tona Abraham, unkiye owasin ateunyanpi kin, wacinye ciqon en opapi kin hena koya.

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 5:6

Takudan unkokihipi śni kin he icunhan, wanna iyehantu qehan Messiya waḣtanipi sa kin on ta.

Roma 5:8

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Roma 8:2

Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

Ephesos 2:1

Unkan niś niyepi kin woaḣtani wicoḣan śica ko en niṭapi:

Ephesos 2:8

Wowaonśida kin on yanipi, wacinyanpi kin eciyatanhan, qa he niyepi kin etanhan śni, Wakantanka taku nic̣upi kin hee.

Ephesos 5:14

Heua etanhan kaken eya; Tuwe iśtinbe cin kikta, qa wiconṭe etanhan najin wo, Messiya iyoyamniye kta ce.

Kolosse 2:13

Qa niyepi ehanna wayaḣtanipi, qa niceḣpi baniciḣdayapi śni kin en niṭapi qon, wanna wayaḣtanipi kin owasin nicicajujupi qa niniyanpi.

Titos 2:11

Wakantanka towaorśida wicaśta owasin wiconi wicakahi kin he wanna tanin;

Titos 3:5

Wicoḣan owotanna econkupi kin eciyatanhan śni, tuka iye towaonśida kin eciyatanhan niunyanpi; teca wicatonpi woyujaja kin on, qa Woniya Wakan wicayuteca kin heon etanhan;

Wayuotanin 22:21

Jesus Messiya Itancan unkitawapi kin he towaonśida kin niyepi owasin en nicipi un kta. Amen. JESUS ITANCAN KIN YATANPI NUNWE.