Ephesos 2:4 - Dakota Wowapi Wakan Kin

⁴ Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

Ephesos 2:4 ပူးပေါင်းရင်းမြစ်များ

Lukas 1:78

Wakantanka unkitawapi canteunkiyapi kin heon etanhan; qa heon wankan tanhan anpao kin hiyounhipi ce;

Roma 10:12

Juda qa Helenes oyate kin kici ocikpanipi wanica. Tuwe owasin en Itancan kin he tona hoyekiyapi kin hena owasin en wijinya un.

Roma 2:4

Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

Roma 5:8

Tuka waḣtanipi sa heuncapi kin he icunhan, Messiya unkiyepi on ṭe cin he en, Wakantanka token canteunkiyapi kin hduotanin.

Roma 9:23

Qa tona wowaonśida wakśica kin otokaheya tanhan wowitan on wiyeya ehnakapi qon, hena en iye towitan wowijice kin hduotanin kta.

Ephesos 1:7

He on wopekitonpi kin unhapi, iye we kin on, woaḣtani kajujupi kin hee, iye towaonśida tanka kin eciyatanhan:

Ephesos 2:7

Hecen wiconi u kte cin en, Jesus Messiya on cantounhnakapi kin on, towaonśida woyuha wopteca śni kin hduotanin kta.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

II. Thessalonike 2:13

Tuka mihunkawanji, Itancan waśtenidakapi kin, niyepi on unkiye ohinniyan Wakantanka wopida unkekiciyapi kta, otokaheya tanhan Woniya wicayuecedan, qa wowicake wicadapi kin on, Wakantanka yanipi kta e on nicaḣnigapi kin heon etanhan.

I. Timotheos 1:14

Qa Itancan unkiyapi towaonśida kin he wacinyanpi qa wacantkiyapi Jesus Messiya en nina yuotapi.

II. Timotheos 1:9

He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:

I. Inyan 1:3

Wakantanka, Jesus Messiya Itancan unyanpi Atkuku kin he yawaśtepi nunwe; iye towaonśida ota eciyatanhan Jesus Messiya wicaṭe cin etanhan kinikiye ciqon he on wowacinyan ni un kin en piya icaḣunyanpi;