Ephesos 2:3 - Dakota Wowapi Wakan Kin

³ Hena om, unkiyepi owasin ehanna unnipi, unceḣpipi wacin yuze cin en, wicaceḣpi wicotawacin ko wacinpi kin ecetu unyanpi, qa unmanpi kin iyecen wocantiyahde cinca kin neuncapi.

Ephesos 2:3 ပူးပေါင်းရင်းမြစ်များ

Markos 4:19

Unkan maka kin de awacinpi, qa wijicapi on wicahnayanpi, qa taku tokeca cantiheyapi kin hena en u, qa wicoie kin yuoṭinza, hecen wasuton śni, hena eepi.

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Olianyanpi kin 14:16

He wicoicage hekpata un kin en, oyate kin owasin canku tawapi kin ohna manipi kta e iyowinwicakiya.

Roma 1:24

Heon iye cantiheyapi śice cin en Wakantanka awicayuśtan, ihduśapapi kte c̣a, iye tancanpi kin kiciyuśihtinpi kte cin heon.

Roma 11:30

Unkan niś niyepi kin ehanna Wakantanka anayagoptanpi śni, tuka nakaha hena wicadapi śni kin on wowaonśida nic̣upi.

Roma 13:14

Tuka niye Jesus Messiya Itancan kin he koyaka po, qa wicaceḣpi wocantiheye śice cin ecetu yapi kta e on takudan kicamnanpi śni po.

Roma 2:14

Tohan Ikcewicaśta woope yuhapi śni kin hena iye cinka woope wicoḣan kin ecen econpi kinhan, woope yuhapi śni eśta, iś iye woope ihduhapi ece.

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 5:9

Hecen sam iyeya, nakaha iye we kin on owotanna unyawapi kin, iye eciyatanhan wocanniye kin etanhan eunhdakupi kta.

Roma 6:12

Heon nitancan ṭe kte cin en woaḣtani ounye śni nunwe, hecen wocantiheye śice cin anayagoptanpi kte śni.

Roma 7:18

Miye en, miceḣpi kin he waka, taku waśte en maun śni e sdonwakiya Ic̣iconzapi kin he iyemicihantu, tuka token taku waśte ecamon kte cin iyewakiye śni.

Roma 9:22

Hecen Wakantanka wocanniye kin hdutanin kta cin, qa towaśake kin sdonye unkiyapi kta e on wocanniye wakśica wicotakuni śni kicagapi qon hena wawacinkta yuza tanka on wicakuwa kinhan;

I. Korinth 4:7

Tuwe hecen iyotan nicaga he; qa taku nic̣upi śni kin tukte e duha he. Qa nic̣upi kinhan tokeca nic̣upi śni kin iyecen on iniwinkta he.

II. Korinth 7:1

Heon waśtecicidapi kin, wahoyapi kin dena unhapi kin heon wicaceḣpi wicanagi ko taku aśape cin etanhan unhduecepidan, qa Wakantanka kokipeyahan wicoowotanna kin tanyan unhduśtanpi kta.

Galatia 3:22

Tuka Wowapi Wakan kin he owasin woaḣtani oḣdateya un wicayawa, qa hecen tona wicadapi kin hena, Jesus Messiya wacinyanpi wahoyapi qon he wicaqupi kta.

Ephesos 2:2

Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

Ephesos 4:22

Wicoḣan tokaheya kin en, wicaśta tannike cin, wohnaye wocantiheye kin on ḣwin kin hee yahduśdokapi kta;

Kolosse 1:21

Qa niś niyepi, ehanna oyate nitokecapi, qa nitawacinpi kin en toka kin henicapi, wicoḣan śice cin on, tuka nakaha he kici wokiyeniyan nicagapi;

I. Thessalonike 4:13

Tuka mihunkawanji, tona iśtinmapi kin hena on sdonye śni dukanpi kta, qa iyoniciśicapi kta, wicaśta tokeca wowacinye nicapi kin iyececa, e he wacin śni.

I. Thessalonike 5:6

Heon etanhan wicaśta tokeca iyecen unkiśtinmapi kte śni; tuka kiktahan witko śni unyakonpi kta.

I. Timotheos 6:9

Tona watonpika cinpi kinhan, hena taku wawiyutanyan un, qa mazaḣtakiyapi en iyoḣpayapi, qa witkotkoya cantiheyapi śica ota on kiumyanpi ece kin hena en, hena e waihangyapi, wicotakuni śni ko mahen wicaśta kin ocowasin iyoḣpewicayapi ece.

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

I. Inyan 1:14

Wicacinca waanagoptanpi kin iyenicecapi kta, qa ehanna wasdonye śni yaunpi qehan cantiheyayapi śica ake iyecen nic̣icagapi kte śni.

II. Inyan 2:14

Iśta yukanpi wiinaḣmanpi kin on ojudan qa woaḣtani ayuśtanpica śni; wicanagi kacegya unpi kin hena wicahnayanpi ece; cante wawicakipi e ecewakta kin heca yuhapi, wicotakuniśni cincapi kin:

II. Inyan 2:18

Waḣanḣanic̣idaya takuśniśni eyapi eca, wicaceḣpi cantiheyapi kin eciyatanhan, witkoya oḣanyanpi kin on, tona wohnaye en ounyanpi kin kitan ecinyan nawicakicipapi qon hena iyakapewicayapi ece.

I. Johannes 2:16

Taku wicoicage en un kin owasin, wicaceḣpi cantiheye cin, wicaiśta cantiheye cin, qa wiconi kin den waḣanic̣idapi kin, hena Ateyapi kin etanhan śni, tuka wicoicage kin de etanhan.

I. Johannes 2:8

Hehan akeś woahope teca wan cicagapi; he iye kin en wowicake, qa nakun niyepi kin en; otpaze cin he wanna henakeca, qa iyoyanpa wicake cin he wanna tanin kin heon etanhan.