Ephesos 2:2 - Dakota Wowapi Wakan Kin

² Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

Ephesos 2:2 ပူးပေါင်းရင်းမြစ်များ

Mattheos 11:19

Wicaśta Cinhintku kin wota qa wayatkan hi; unkan heyapi; Iho, wicaśta wan wote sa qa miniśa yatkan ece, wamnayanpi qa waḣtanipi sa takodawicaya ece. Tuka woksape iye cinca kin on owotanna oyakapi ece.

Mattheos 13:22

Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Mattheos 13:38

Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:

Markos 4:19

Unkan maka kin de awacinpi, qa wijicapi on wicahnayanpi, qa taku tokeca cantiheyapi kin hena en u, qa wicoie kin yuoṭinza, hecen wasuton śni, hena eepi.

Lukas 16:8

Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.

Lukas 22:31

Hehan Itancan kin heya; Simon, Simon, iho, Satan niyuhe c̣a, aguyapi su iyecen niyucan kta e cin tuka ce.

Johannes 12:31

Wanna oyate kin wicayacopi; qa wanna maka akan itancan kin tankan eḣpeyapi.

Johannes 13:2

Wotapi ayaśtanpi hehantu; Judas Iskariot Simon cinhintku kin hee, Jesus wiyopeye kte cin, Wakanśica wanna hecen cante ozekiya.

Johannes 13:27

Unkan Judas ḣpanyanpi kin icu, hehan Satan mahen iyaya. Hecen Jesus heciya; Taku ecanon kte cin kohanna econ wo.

Johannes 14:30

Detanhan taka ota eciciyapi kte śni; maka akan itancan kin wanna u, tuka miye kin en takudan tawa śni.

Johannes 15:19

Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

Johannes 16:11

Woyaco kin, oyate kin de itancan un kin he wanna yacopi, heon etanhan.

Johannes 7:7

Oyate kin śicenidapi okihipi śni, tuka miye e śicemadapi; wicoḣan tawapi kin hena śica e mdaotanin ece kin heon etanhan.

Johannes 8:23

Hehan iye hewicakiya; Niye kuya tanhan yaunpi; qa miye e wankan tanhan waun; maka kin detanhan yaunpi, tuka miye maka kin dematanhan śni.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Olianyanpi kin 19:35

Unkan wowapi kage cin he oyate kin wicayuinina qehan, hecen eya, Ephesos wicaśta kin, Ephesos otonwe kin de Diana taku wakan tanka he tipi wakan tawa kin awanyag un, qa wakagapi Jupiter etanhan hinḣpaye ciqon he nakun, he tuwe wicaśta kin he sdonye śni he.

Olianyanpi kin 5:3

Tuka Inyan heciya; Ananias, tokeca e Woniya Wakan kin oiyaton kte śni e Satan nicante kin en ocowasin iyoḣpaya, qa maga iyopeyapi kin apa anayakiḣman he;

Roma 12:2

Qa wicoicage kin de en iyecen awacanipi kteśni, tuka nitawacinpi yuecepidan kte cin on nihdutokecapi nunwe; hecen Wakantanka tawacin waśte, oiyokipi, qa hduśtanpi kin he tukte e idukcanpi kta.

I. Korinth 5:10

Tuka wicoicage kin de en wiinaḣmanpi, qa tona waicucupi kte cin, qa wawicaki sa, qa tona wakagapi ohodapi kin hena e wicawake śni; unkanś wicoicage kin de etanhan tankan dapi kta tuka.

I. Korinth 6:11

Qa niś niyepi kin hunḣ henicecapi tuka, tuka niyujajapi; tuka niyuwakanpi; tuka niyuowotanpidan, Jesus Itancan kin cajeyan qa Wakantanka unkitawapi Taniya kin on.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Ephesos 1:21

Wokiconze owasin, qa wowaśake, qa wookihi, qa itancankiyapi, qa wicacaje caje yatapi kin owasin, wiconi kin de en hecedan śni, wiconi u kte cin he nakun, hena iwankam tehan wankantuya ekihde:

Ephesos 2:11

Hecen ehanna wicaceḣpi ekta Ikcewicaśia henicapi kin he kiksuya po, qa wicaceḣpi baḣdayapi eyapi, nape on econpi kin he bakiḣdayapi śni eniciyapi qon:

Ephesos 2:13

Tuka nakaha Jesus Messiya en, niś niyepi ehanna itehanyan yaunpi qon, wanna Messiya we in on kiyadan anihipi.

Ephesos 2:3

Hena om, unkiyepi owasin ehanna unnipi, unceḣpipi wacin yuze cin en, wicaceḣpi wicotawacin ko wacinpi kin ecetu unyanpi, qa unmanpi kin iyecen wocantiyahde cinca kin neuncapi.

Ephesos 4:17

Heon kaken epe c̣a Itancan kin on mdaotanin; Ikcewicaśta tokeca wicotawacin witkotkopi kin en manipi kin he iyecen mayanipi kte śni.

Ephesos 4:22

Wicoḣan tokaheya kin en, wicaśta tannike cin, wohnaye wocantiheye kin on ḣwin kin hee yahduśdokapi kta;

Ephesos 5:6

Iapi ecinśniyan on ihnuhan tuwe nihnayanpi kin; wicoḣan kin hena on Wakantanka tocanniye kin woakta śni cincapi kin en awicau kta.

Ephesos 5:8

Enanna otpaze cin henicapi, tuka wanna Itancan kin en iyoyanpa kin henicapi; iyoyanpa cinca kin iyecen nmni po:

Ephesos 6:12

Wicawe, qa wicaceḣpi kin kici unkicizapi śni, tuka wokiconze, qa wicowaśake, qa wiconi kin de en otpaza itancanpi kin, qa taku wakan śicapi wankantuya yukanpi kin hena om.

Kolosse 1:21

Qa niś niyepi, ehanna oyate nitokecapi, qa nitawacinpi kin en toka kin henicapi, wicoḣan śice cin on, tuka nakaha he kici wokiyeniyan nicagapi;

II. Timotheos 4:10

Demas he amayuśtan, wiconi kin de waśtedake c̣a Thessalonike ekta kihda, Kreskes Galatia ekta, qa Titos Dalmatia ekta.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.

Jakob 1:7

Wicaśta kin he Itancan kin etanhan taku icu kta kecin kta iyecece śni.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

I. Inyan 1:14

Wicacinca waanagoptanpi kin iyenicecapi kta, qa ehanna wasdonye śni yaunpi qehan cantiheyayapi śica ake iyecen nic̣icagapi kte śni.

I. Inyan 4:3

Hekta unnipi kin, Ikcewicaśta tawacinpi kin ecen econkupi kin he ota, wicoḣan śica, wocantiheye śica, miniśa ota, wakan wacipi, witkopi, qa wakagapi wakandapi śice cin hena omaunnipi qehan.

II. Inyan 2:14

Iśta yukanpi wiinaḣmanpi kin on ojudan qa woaḣtani ayuśtanpica śni; wicanagi kacegya unpi kin hena wicahnayanpi ece; cante wawicakipi e ecewakta kin heca yuhapi, wicotakuniśni cincapi kin:

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.

I. Johannes 3:8

Tuwe woaḣtani econ ece kin he wakanśica eciyatanhan un; otokaheya tanhan wakanśica kin waḣtani ece. Heon etanhan Wakantanka Cinhintku kin ihdutanin, wakanśica oḣan kin ihangye kte cin heon.

I. Johannes 4:4

Kokśiyopa cikcistinpidan, Wakantanka eciyatanhan yaunpi, qa hena ohiwicayayapi; tuwe en niunpi kin he tuwe wicoicage en un kin isanpa tanka.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

I. Johannes 5:4

Tuwe Wakantanka eciyatanhan tonpi kin he wicoicage kin ohiya ece; unkan woohiye wicoicage ohiye cin he dee, wacinunyanpi kin hee.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:14

Qa tona maka akan unpi kin wicahnayan, wowapetokeca wamanica kin itokam econ kta e qupi qon hena on. Qa tona maka akan unpi kin wamanica maza sagye on capapi tuka kini qon he iyacinpi wan kagapi kta e iwahokonwicakiya.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 16:17

Hehan maḣpiya ohnihde iciśakowin kin wiyatke tawa kin okaduze cin en akaśtan. Unkan maḣpiya kin ekta tipi wakan kin etanhan, qa oiyotanke kin etanhan, wicaho tanka wan tanin, qa heya, Wanna henakeca.

Wayuotanin 20:2

Qa he wamduśka kin iyaḣpaya, sinteḣda wanakaja tanhan un kin, Wakanśica qa Satan hee, qa kaśka ehnaka, waniyetu kektopawinge hehanyan;