Ephesos 2:16 - Dakota Wowapi Wakan Kin

¹⁶ Qa tancan wanjidan on, can susbeca kin eciyatanhan, hena napin Wakantanka kici okiciciye wicakiye c̣a, heon tokakiciyapi kin kte.

Ephesos 2:16 ပူးပေါင်းရင်းမြစ်များ

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 6:6

Qa wicaśta tanina unhapi kin he iye kici icipaweḣ okatanpi kin he sdonunkiyapi, hecen woaḣtani tancan kin he ihangyapi kta, qa hetanhan woaḣtani wowidag unyanpi kte śni.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Roma 8:7

Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.

I. Korinth 10:17

Unkiye unkotapi, tuka aguyapi unwanjipidan, qa tancan unwanjipidan; unkiye owasin aguyapi wanjidan en akiptan unkopapi.

Galatia 2:20

Messiya kici icipaweḣ omakatanpi; tuka nahaḣin wani; qa he miye śni tuka miye mahen Messiya ni un kin hee; qa wicaceḣpi kin en wani kin he Wakantanka Cinhintku wacinyanpi kin eciyatanhan wani, he iye cantemakiye c̣a miye on iyeic̣ic̣u.

Ephesos 2:15

Qa iye ceḣpi kin en, tokakiciyapi kin woahope woope kin econ wicaśipi qon he yutakuni śni; iś iye en nonpa etanhan wicaśta wanjidan teca icaḣye kta, hecen wookiye kage kte cin heon e tanhan.

Ephesos 3:6

Hecen Ikcewicaśta kin nakun kici tawayapi kte c̣a, kici tancan wanjipidan kta, qa Messiya tawotanin waśte kin eciyatanhan wahoyapi qon he en opapi kta.

Ephesos 4:4

Wicatancan wanjidan qa Woniya nakun wanjidan; nicopi kin en wowacinye wanjidan inicopi kin he iyececa;

Kolosse 2:14

Qa wicoope kin taku nape on owapi qon, unkiyuśepi qa kaśeunyanpi kin he pajuiu, qa can susbeca tawa kin en okatan, qa hecen yutokan iyeya.

Kolosse 3:15

Qa Wakantanka tawookiye kin nicantepi kin en waniconzapi nunwe, he en wicatancan wanjidan en nicopi kin pida un po.