Ephesos 2:14 - Dakota Wowapi Wakan Kin

¹⁴ Unkan iye wookiye unkitawapi kin hee, iye qe napin yuwanjidan, qa cokahnagya ehnakapi qon he yujuju;

Ephesos 2:14 ပူးပေါင်းရင်းမြစ်များ

Lukas 1:79

Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.

Lukas 2:14

Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.

Johannes 10:16

Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Olianyanpi kin 10:28

Hehan hewicakiya; Tuwe Juda wicaśta kin heca e oyate tokeca etanhan wan kici un, qa en hi kin he hecetu śni e sdonyayapi, tuka tuwedan wicaśta ikceka qa aśape cin ewakiye kte śni he Wakantanka sdonye makiya.

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Roma 5:1

Hecen wacinyanpi on owotanna unyawapi kin, heon etanhan Wakantanka ekta wookiye unhapi, Jesus Messiya Itancan unkiyapi kin eciyatanhan.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Ephesos 2:15

Qa iye ceḣpi kin en, tokakiciyapi kin woahope woope kin econ wicaśipi qon he yutakuni śni; iś iye en nonpa etanhan wicaśta wanjidan teca icaḣye kta, hecen wookiye kage kte cin heon e tanhan.

Ephesos 2:17

Qa tona tehan dukanpi qon kiyadan un kin hena ko wookiye oniciyakapi hi.

Ephesos 3:15

He eciyatanhan wicowazi maḣpiya ekta un, qa maka akan un kin, ocowasin caśtonpi.

Ephesos 4:16

Iye eciyatanhan tancan kin ocowasin wayupiya iciyakaśkapi, qa okihe kin owasin wawokiyapi on icicazontapi, huha kin otoiyohi iyacinyan icage cin he iyecen tancan kin icaḣyapi, wowaśtedake en icage kte cin heon.

Kolosse 1:20

Qa iye can susbeca we kin eciyatanhan wookiye kage c̣a, heon etanhan taku owasin iye kici okiciciye wicaye kta, taku maka akan un, qa taku maḣpiya ekta un kin hena, iye on.

Kolosse 2:20

Heon etanhan, wicoicage kin en woonspe tokaheya kin ekta Messiya kici niṭapi hecinhan, tokeca e wicoicage kin en yanipi kin iyecen wicoope kin oyapapi he:

Kolosse 3:11

He en, Helenes, qa Juda wicaśta wanica; bakiḣdayapi qa bakiḣdayapi śni kin wanica; Ikcewicaśta qa Skuthes wicaśta kin wanica; wowidake un kin heca qa tawaiciyapi kin wanica, tuka Messiya he ocowasin, qa owasin en un.

Kolosse 3:15

Qa Wakantanka tawookiye kin nicantepi kin en waniconzapi nunwe, he en wicatancan wanjidan en nicopi kin pida un po.

Hebrew 13:20

Unkan, Wookiye Wakantanka kin, Jesus Itancan unkiyapi, taḣinca awanwicahdake tana kin he, wiconṭe etanhan ake hiyuye ciqon he wicotakuye owihanke wanica we kin eciyatanhan,

Hebrew 7:2

Unkan Abraham taku owasin etanhan iwikcemna kin he qu. Wicaśta kin he tokaheya caje oyakapi kin on, Woowotanna wicaśtayatapi kin hee, qa hehan, Salem wicaśtayatapi kin, he Wookiye wicaśtayatapi kin hee.