Ephesos 1:7 - Dakota Wowapi Wakan Kin

⁷ He on wopekitonpi kin unhapi, iye we kin on, woaḣtani kajujupi kin hee, iye towaonśida tanka kin eciyatanhan:

Ephesos 1:7 ပူးပေါင်းရင်းမြစ်များ

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Mattheos 26:28

Mawe kin he dee, wicotakuye teca kin en, wicota on papsonpi, woaḣtani kajuju kta heon.

Mattheos 6:12

Qa waunḣtanipi kin unkicicajuju po, tona waunkiciḣtanipi wicunkicicajujupi kin he iyececa:

Markos 14:24

Unkan hewicakiya; Wicotakuye teca kin en, mawe kin he dee, wicota on papsonpi.

Lukas 1:77

Taoyate woaḣtani wicakicicajujupi kin eciyatanhan wanikiyapi sdonyapi kte cin he wicayaqu kta;

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Johannes 20:23

Tona woaḣtani wicayecicajujupi kinhan, hena wicakicicajujupi kta; qa tona wicayakipaganpi śni kinhan, hena wicakipaganpi kte śni.

Olianyanpi kin 10:43

He wicaśta wokcan kin owasin oyakapi; iye caje kin eciyatanhan tuwe wicada kinhan woaḣtani wokajuju kin yuhe kta ce.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 20:28

Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;

Roma 2:4

Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

Roma 3:24

Qa iye towaonśida kin on iyunwin codan owotanna wicayawapi, wopekitonpi Jesus Messiya en un kin he eciyatanhan.

Roma 3:25

He Wakantanka toka qehan ehde, wokajuju kta, iye we kin wacinyanpi kin eciyatanhan, iye toowotanna hduotanin kte, woaḣtani ehanna econpi qon hena kajujupi kin on etanhan.

Roma 9:23

Qa tona wowaonśida wakśica kin otokaheya tanhan wowitan on wiyeya ehnakapi qon, hena en iye towitan wowijice kin hduotanin kta.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Ephesos 1:14

He taku unhapi kte cin tokaheya wicaqu ece kin hee, taku opetonpi hdamnanpi kin u kte cin hehanyan, iye towitan yatanpi kte cin heon.

Ephesos 1:18

Nitawacinpi iśta kin iyoyam niyanpi kta, hecen nicopi wowacinye kin he taku kin e sdonyayapi kta, qa tona owotanna un kin taku tawapi kte cin wowitan wijica kin he taku;

Ephesos 1:6

Iye towaonśida wowitan yatanpi kte cin on, he iye Waśtekidake cin en waśteundakapi:

Ephesos 1:8

He iye unkiciyuotapi, wicoksape owasin qa wookaḣnige ko on:

Ephesos 2:4

Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

Ephesos 2:7

Hecen wiconi u kte cin en, Jesus Messiya on cantounhnakapi kin on, towaonśida woyuha wopteca śni kin hduotanin kta.

Ephesos 3:16

Hecen iye towitan woyuha kin eciyatanhan taku nic̣upi kta, iye Taniya kin eciyatanhan, wowadake on wicaśta mahen tanhan waśagniyanpi kta.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Philippi 4:19

Taku inicakijapi kin owasin Wakantanka mitawa nic̣upi kta, iye woyuha wowitan kin en un kin hetanhan, Jesus Messiya eciyatanhan.

Kolosse 1:14

He en, iye we kin eciyatanhan, wopekitonpi unhapi, woḣtani kajujupi kin hee:

Kolosse 1:27

Ikcewicaśta kin ekta taku otanin śni kin de wowitan woyuha kin tinskokeca kin, he Wakantanka hena sdonye wicakiye kta, he niyepi kin en Messiya wowitan woape kin hee.

Kolosse 2:13

Qa niyepi ehanna wayaḣtanipi, qa niceḣpi baniciḣdayapi śni kin en niṭapi qon, wanna wayaḣtanipi kin owasin nicicajujupi qa niniyanpi.

Kolosse 2:2

Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.

I. Timotheos 2:6

He iye atayedan owasin opewicakiton kta e ic̣ic̣u, anpetu tawa kin waayatanin kte cin heon.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Titos 3:6

He Jesus Messiya Wanikiya unkitawapi kin eciyatanhan iyakic̣uya unkakaśtanpi kin.

Hebrew 9:22

Woope kin eciyatanhan taku owasin se we on pakintapi; qa we papsonpi śni ehantanhan wokajuja wanica.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Johannes 2:12

Hokśiyopa cikcistinpidan, iye caje kin on wayaḣtanipi kin nicicajujupi kin heon wowapi cicagapi.

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

I. Johannes 4:10

Wacantkiyapi kin he deciyatanhan, unkiye Wakantanka waśteundakapi kin hee śni, tuka iye canteunkiyapi, qa Cinhintku waunḣtanipi yutokan iyeye kta e on u śi qon hee.

Wayuotanin 14:4

Winoḣinca on aśamwicayapi śni kin hena eepi, tanśna unpi nakaeś. Tona Amnos kin tokiya ye cinhan iyahna yapi kin hena eepi. Wicaśta kin etanhan Wakantanka qa Amnos kin ekta opewicatonpi tokaheya kin hena eepi

Wayuotanin 5:9

Qa odowan teca wan ahiyayapi, qa heyapi; Wowapi kin iyacu, qa ipuspe kin duḣdoke kta e iyenihantu ce, waniyuśnapi qa Wakantanka ekta niwe kin on opeunyakitonpi, wicoun otoiyohi etanhan, qa iapi kin, qa wicowazi kin, qa oyate kin otoiyohi etanhan;