Ephesos 1:5 - Dakota Wowapi Wakan Kin

⁵ Qa iye en, Jesus Messiya eciyatanhan cinca unyanpi, iye tawacin oiyokipi kin eciyatanhan:

Ephesos 1:5 ပူးပေါင်းရင်းမြစ်များ

Mattheos 1:25

Tuka cinca tokapa cinca ton śni hehanyan sdonye śni; unkan Jesus eya caśkiton.

Mattheos 11:26

Han, Ate hecetu, hecen iyonicipi nakaeś.

Lukas 10:21

Unkan he ehan Jesus cante mahen iyuśkin, qa heya; Ate, maḣpiya maka ahna on Itancan, niye taku kin dena ksapapi, qa wayupikapi kin hena anawicayakiḣbe, c̣a hokśiyoqopa kin heca sdonyewicayakiye cin, he pidamayakiya ce; han, Ate; niye hecen iyonicipi kin heon etanhan.

Lukas 11:32

Woyaco kin ekta Ninewe wicaśta kin hena wicoicage kin de on inajinpi kta, qa yacopi kta; he iye Jonas wowicakiyake cin on iyopeic̣iyapi; unkan inyun, wanji Jonas isanpa tanka den un ce.

Lukas 12:32

Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Johannes 1:12

Tuka tona iyowinkiyapi kin hena Wakantanka cinca wicaya yakonpi kta e okihi wicaya, tona iye caje wicadapi kin hena.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Olianyanpi kin 13:48

Unkan Ikcewicaśtakin, hena oie kin naḣonpi qehan, nina iyuśkinpi, qa Itancan oie kin yatanpi. Unkan tona owihanke wanin wiconi yuhapi kta e wicakaḣnigapi qon hena wicadapi.

Roma 8:23

Qa hecedan śni, tuka unkiś eya Woniya kin taku tokaheya icaḣya unhapi kin, unkiyepi qe comniunhdazipi, qaatayedan cinca yapi kte cin unkapepi, unkitancanpi ekicetu ye kte cin hee.

I. Korinth 1:1

Palos Wakantanka tawacin kin eciyatanhan, Jesus yewicaśi kin heca e kaḣnigapi kin he, qa Sosthenes hunkawanjinunyanpi kici,

I. Korinth 1:21

Hecen Wakantanka toksape kin on, wicoicage kin de wicoksape eciyatanhan Wakantanka sdonyapi śni qehan, wowahokonkiye wowitkotkoke cin on, tona wacinyanpi kinhan hena ni wicaye kta Wakantanka iyokipi.

II. Korinth 6:18

Niye ate mayayapi kta, qa miye cinkśi ciyapi qa cunkśi ciyapi kta ce, Itancan Iyotan Waśake cin he hena hecen eya.

Galatia 3:26

Jesus Messiya wacinyanpi kin eciyatanhan owasin Wakantanka cinca kin heuncapi.

Ephesos 1:11

Qa tuwe iye tawacin wokonze kin eciyatanhan, taku owasin kage cin he otokaheya tanhan unkaḣnigapi kin, he iye en woaiḣpeye kin unhapi.

Ephesos 1:9

Qa iye toiyokipi kin eciyatanhan, iye tawacin wowiyukcan kin sdonyeunkiyapi, he iye en ic̣iconze ciqon he iyecen:

Philippi 2:13

Tuwe cinniciyapi, qa econniciyapi kin he Wakantanka ee, iye toiyokipi kin eciyatanhan niyepi kin en oḣanyan.

Kolosse 1:19

Iye ohna taku ocowasin ounye kte cin he Atkuku kin iyokipi.

II. Thessalonike 1:11

Qa heon etanhan ohinniyan niyepi on ceunkiyapi, Wakantanka wicakico kin de iyehantu niyawapi kta, qa niyepi en iye towaśte oiyokipi kin ocowasin, qa wowaśake on wacinyanpi wicoḣan kin he nakun hduśtan kta.

Hebrew 2:4

Wakantanka iś eya, iye tawacin kin eciyatanhan, wicakiciyaotanin, wowapetokeca taku on yuśinyewicaye cin hena ko, waśagya econpi ota, qa Woniya Wakan wicakipamni kin hena on etanhan.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

Wayuotanin 21:7

Tuwe ohiye cinhan he taku owasin tawaye kta, qa iye Wakantanka maye kta, qa miś he cinkśiwaye kta.