Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ephesos 1:4 - Dakota Wowapi Wakan Kin

4 He en maka kagapi kin itokam unkaḣnigapi qon iyececa, unwakanpi kta qa iye itokam wowaśte en iyaonpepica śni unyakonpi kte cin heon:

အခန်းကိုကြည့်ပါ။ ကော်ပီ




Ephesos 1:4
55 ပူးပေါင်းရင်းမြစ်များ  

Qa anpetu kin hena yuptecedan śni kinhan, wicaśta tuwedan ni kte śni; tuka wicakahnigapi kin hena on anpetu kin hena yuptecedan kta.


Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.


Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.


Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.


Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.


Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.


Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.


Unkan Ikcewicaśtakin, hena oie kin naḣonpi qehan, nina iyuśkinpi, qa Itancan oie kin yatanpi. Unkan tona owihanke wanin wiconi yuhapi kta e wicakaḣnigapi qon hena wicadapi.


Otokaheya tanhan Wakantanka taku icaḣye cin owasin sdonkiya.


Miye cicica, qa tuwedan kiuniniye kta e iyaniḣpaye kte śni; otonwe kin de ohna oyate ota wicamduha ce, eya.


Tona Wakantanka wicakaḣnige cin hena tuwe taku iyawicaonpe kta he. Wicayaowotanna kin he Wakantanka kin ee ce.


He owihanketa hehanyan iyanionpepica śni niyusutapi kta, Jesus Messiya Itancan unkiyapi taanpetu kin etu.


Mihunkawanji, tawaiciyapi kin en nicopi, tuka tawaiciyapi kin he wicaceḣpi iyokipi kta e wowinyunyanpi śni po; tuka wowaśte on otoiyohi okiciciya po.


Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;


Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.


Iye taku kage cin he unkiyepi, Jesus Messiya en wicoḣan waśte aicaḣ unyanpi, hena ohna maunnipi kte cin heon otokaheya tanhan Wakantanka wiyeya ehnaka.


Hecen wacinyanpi onnicantepi kin mahen Messiya ounye kta;


Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:


Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.


Qa hecen iye ekta ehdaku kta, wowitan okodakiciye kin heca, woaśape qa yuśkipi, qa taku hececa wanica; hecen wakan, qa waaśape śni un kta.


Hecen iyaonpepica śni, qa owotanna, wicoicage wan pemni, qa yukśankśanyan un kin ehna Wakantanka cinca ecedan yaunpi kta; hena en maka petijanjan iyecen iyoyanpa yaunpi;


Iye ceḣpi tancan kin en ṭe cin eciyatanhan, hecen iye itokam owotanna, qa waaśapapi śni qa takudan iyaonpepica śni, inajin niyanpi kta:


Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.


Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.


Qa otoiyohi waśteyecidakapi, qa owasin waśtewicayadakapi kin he en, Itancan kin icaḣniyanpi, qa niciyuotapi nunwe, unkiś waśteunnicidakapi kin he iyececa.


Waaśapapi kin ekta Wakantanka unkicopi śni, tuka unyuecepidan kte cin heon.


He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:


He etanhan tona wicakaḣnigapi qon hena on taku owasin iyowinwaya, hena e wiconi Jesus Messiya en un kin he yuhapi kta, qa nakun owihanke wanin wowitan kin.


Hececa eśta, Wakantanka ahehde tawa kin sutaya he c̣a ipuspe kin de en un; Itancan kin tona tawa wicaye cin hena sdonwicakiya. Qa nakun, Tuwa Messiya caje kin hoyekiye cinhan, he woaḣtani ayuśtan kta ce.


Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.


Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.


Iye qe maka kin de kagapi śni itokam wakiconzapi, tuka anpetu ihankeya kin dena en yutaninpi, niyepi kin on;


Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.


Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.


Wakantanka canteunkiyapi kin he sdonunyanpi qa wicaundapi. Wakantanka wacantkiyapi kin hee: qa tuwe wacantkiyapi en un kin he Wakantanka kici un, qa Wakantanka iś nakun iye en un ece.


Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.


Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ