Ephesos 1:3 - Dakota Wowapi Wakan Kin

³ Jesus Messiya Itancan unkiyapi Wakantanka tawa, qa Atkuku kin yawaśtepi nunwe; he iye Messiya en taku maḣpiya tanhan un kin wowaśte wakan ocaje owasin on unyuwaśtepi:

Ephesos 1:3 ပူးပေါင်းရင်းမြစ်များ

Lukas 2:28

Hehan adoksohan yuze, c̣a Wakantanka yawaśte, qa heya;

Johannes 14:20

Anpetu kin he en, Atewaye cin he wecica, qa niś miyecicapi, qa miś ocicipapi kin he sdohyayapi kta.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Roma 12:5

He iyecen unkiye unkotapi, tuka Messiya eh tancan unwanjipidan, qa otoiyohi huha unkiciyapi.

Roma 15:6

Qa hecen wicotawacin wanjidan, qa wicai wanjidan on Wakantanka Jesus Messiya Itancan unkiyapi he Atkuku kin datanpi kta.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

I. Korinth 12:12

Wicatancan kin he wanjidan tuka wicahuha ota yukan; qa tancan kin en huha kin hena ota qeyaś tancan wanjidan; Messiya kin iś he iyececa.

II. Korinth 1:3

Wakantanka Jesus Messiya Itancan unkiyapi he Atkuku, qa waonśidapi en ateyapi, qa Wakantanka owasin wacintonhnag wicaye cin he wowaśte yuha nunwe.

II. Korinth 11:31

Jesus Messiya Itancan unkiyapi he Wakantanka tawa, qa Atkuku kin, owihanke wanin wowaśte yuhe cin he sdonmayan, itonśni mawanica.

II. Korinth 5:17

Hecen tuwo Messiya en un kin he wanna wicaśta teca; taku tannike cin hena enakiyapi; iho, taku owasin teca icaga.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 3:9

Hecen tona wacinyanpi kin hena Abraham wacinye ciqon kici wowaśte yuhapi.

Ephesos 1:10

Hecen tohan iyehantu kinhan, wokonze kin eciyatanhan taku owasin Messiya en witaya mnaye kta, taku maḣpiya ekta un, qa taku maka akan un kin hena, iye en.

Ephesos 1:17

Jesus Messiya Itancan unkiyapi Wakantanka tawa, qa wowitan Ateyapi kin hee woksape wowiyukcan ko oniya kin nic̣upi kta, he iye sdonyayapi kta e heon:

Ephesos 1:20

He Messiya okiciḣan, wiconṭe etanhan najin kiye c̣ehan, qa maḣpiya ekta iye etapa kim en ekihde:

Ephesos 2:6

Qa Jesus Messiya en witaya najin unkiyapi, qa maḣpiya kin ekta kici kiyotang unkiyapi;

Ephesos 3:10

Hecen nakaha okodakiciye kin eciyatanhan, wokiconze wowaśake ko, maḣpiya ekta un kin en, Wakantanka toksape wopteca śni kin atanin kta.

Ephesos 6:12

Wicawe, qa wicaceḣpi kin kici unkicizapi śni, tuka wokiconze, qa wicowaśake, qa wiconi kin de en otpaza itancanpi kin, qa taku wakan śicapi wankantuya yukanpi kin hena om.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Hebrew 8:5

Hena oowa, qa taku maḣpiyata un kin ohanzi kin en oḣanyanpi ece; Moses wakeya qon age kta hehan Wakantanka okiye c̣a, Awacin wo, ḣe kin ekta token wanyag niciyapi qon he iyecen owasin yakage kta ce, eciya.

Hebrew 9:23

Heon etanhan, hena taku kin on, taku maḣpiya ekta un iyacinpi kin pakintapi kta e hecetu; tuka taku maḣpiya ekta un kin hena e qe taku sanpa waśte wośnapi kin on.

I. Inyan 1:3

Wakantanka, Jesus Messiya Itancan unyanpi Atkuku kin he yawaśtepi nunwe; iye towaonśida ota eciyatanhan Jesus Messiya wicaṭe cin etanhan kinikiye ciqon he on wowacinyan ni un kin en piya icaḣunyanpi;