Ephesos 1:1 - Dakota Wowapi Wakan Kin

¹ Palos, Wakan tanka tawacin kin eciyatanhan, Jesus Messiya yeśi qon hee, Ephesos ekta tona owotanna un, qa Jesus Messiya wacinyanpi kin hena wowapi cicagapi:

Ephesos 1:1 ပူးပေါင်းရင်းမြစ်များ

Lukas 16:10

Tuwe taku iyotan cistinna on wicaka hecinhan, hee taku ota nakun on wicaka ece; qa tuwe taku iyotan cistinna kin on owotanna śni hecinhan, hee taku ota kin nakun on owotanna śni ece.

Olianyanpi kin 16:15

Unkan tiyohnaka kin om baptem qupi qehan, hehan ceunkiyapi qa, Itancan kin on wicawaka kecanmayakinpi hecinhan, wati kin en tin upi, qa ohna yukan pe, eye c̣a ecen econ unkiyapi.

Olianyanpi kin 18:19

Hehan Ephesos ekta iyohi, qa hen eḣpewicaya; tuka iye kin omniciye tipi kin en tin iyaye c̣a, Juda oyate kin om wohdaka.

Olianyanpi kin 18:21

Tuka napewicayuze c̣a, Jerusalem ekta wośnapi u kte cin he en owape kta, tuka Wakantanka iyokipi kinhan, ake en cihdipi kta ce, eya. Hehan Ephesos etanhan watom iyaya.

Olianyanpi kin 9:13

Hehan Ananias ayupta; Itancan, wicota etanhan wicaśta kin he Jerusalem ekta, tona owotanna wicaduhe cin taku śica ecawicakicon kin hena nawaḣon;

Roma 1:1

Palos Jesus Messiya taokiye, yewicaśipi kin en kicopi, Wakantanka tawootanin waśte on kaḣnigapi;

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

I. Korinth 4:12

Qa ḣununkiṭapi, unnapepi kin on ḣtaunnipi. Unkaiapi keś wicunyawaśtepi; śicaya unkuwapi keś wacin untankapi;

I. Korinth 4:17

Heon niyepi kin ekta Timotheos ye waśi, he nakun micinca hokśincantkiyapi, qa Itancan kin en wacinyepica, he mitacanku Messiya en un kin kiksuye niyanpi kta, ohinniyan okodakiciye otoiyohi en waonspewakiye cin iyececa.

II. Korinth 1:1

Palos, Wakantanka tawacin kin eciyatanhan, Jesus Messiya yeśi qon he, qa Timotheos hunkawanjinkiciyapi wan kici, Korinth ekta Wakantanka taokodakiciye kin, qa Akeya owancaya tona owotanna un kin hena oya, wowapi unnicagapi.

Galatia 1:1

Palos yewicaśipi kin heca, wicaśta akantu kin etanhan śni, qa wicaśta on kagapi śni, tuka Jesus Messiya etanhan, qa Wakantanka Ateyapi kin, he wiconṭe etanhan najin kiye cin he nakun etanhan;

Galatia 3:26

Jesus Messiya wacinyanpi kin eciyatanhan owasin Wakantanka cinca kin heuncapi.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Galatia 3:9

Hecen tona wacinyanpi kin hena Abraham wacinye ciqon kici wowaśte yuhapi.

Ephesos 1:15

Hecen miś eya, Jesus Messiya wacinyayapi kin he, qa tona owotanna un kin owasin waśte wicayadakapi kin nawaḣon kin,

Ephesos 2:10

Iye taku kage cin he unkiyepi, Jesus Messiya en wicoḣan waśte aicaḣ unyanpi, hena ohna maunnipi kte cin heon otokaheya tanhan Wakantanka wiyeya ehnaka.

Ephesos 2:13

Tuka nakaha Jesus Messiya en, niś niyepi ehanna itehanyan yaunpi qon, wanna Messiya we in on kiyadan anihipi.

Ephesos 2:6

Qa Jesus Messiya en witaya najin unkiyapi, qa maḣpiya kin ekta kici kiyotang unkiyapi;

Ephesos 6:21

Tuka taku mitawa kin, token waun kin he nakun, sdonyayapi kta e heon Tucikos hunkawanjin kiciyapi wan waśte dakapi, qa Itancan kin en ookiye owotanna kin he taku kin owasin oniciyakapi kta:

Kolosse 1:2

Kolosse ekta tona owotanna un, qa hunkawanjin kiciyapi Messiya wacinyanpi kin hena, wowapi cicagapi. Wowaonśida wookiye ko, Wakantanka Ate unyanpi, qa Jesus Messiya Itancan kin etanhan, niyepi kin en nicipi un nunwe.

Wayuotanin 17:14

Qa hena Amnos kin kici kicizapi kta, tuka Amnos kin wicaktedan kta, he itancanpi kin Itancan, qa wicaśtayatapi kin en Wicaśtayatapi kin hee, qa tona om un kin hena wicakicopi, qa wicakaḣnigapi, qa wicakapi.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 2:13

Nioḣan kin sdonwaya, qa tukten Satan oiyotanke tawa yanke cin hen yati; qa micaje in yuha yaun, qa wacinmayanpi kin aduśtan śni, anpetu kin Antipas waayatanin wicaka mitawa kin niyepi kin en, tukten Satan ti kin, hen ktepi qon he ehan.