Yuwarwar 5:3 - Al Kuruŋyen Mere Igiŋ

³ Goyenpoga al gore kura asaŋ ulyaŋ go epte degeltek moŋ. Asaŋ goyen bana keneŋ keneŋ manaŋ epte moŋ. Al Kuruŋyen gasuŋde niŋ, megen niŋ, megeŋ biŋ bana niŋ al ma det kura beleŋ epte ma asaŋ go degelde kentek hinhan.

Yuwarwar 5:3 ပူးပေါင်းရင်းမြစ်များ

Rom niŋ Yesuyen alya bereya hitte Pol beleŋ asaŋ kayyiŋ 11:34

Niŋgeb goke teŋbe Al Kuruŋyen asaŋde gahade katiŋ hi: “Ganuŋ beleŋ Doyaŋ Al Kuruŋyen dufay keneŋ bebak tiyyeŋ? Epte moŋ. Ganuŋ beleŋ dufay igiŋ kura unyeŋ? Epte moŋ,” yitiŋ hi. Aisaia 40:13

Filipai 2:10

Niŋgeb al ma det naŋkiŋdeya megen gar niŋyabe megeŋ biŋde niŋya gore tumŋaŋ Yesu turuŋ irniŋ yeŋbe urguŋ kaŋ dokolhoŋ yuguluŋ teŋ turuŋ irde hinayiŋ.

Yuwarwar 5:13

Be, go kamereb det kuruŋ gayen tumŋaŋ tikiŋ heŋ hinhan. Naŋkiŋde niŋ, megen niŋ, megeŋ biŋ bana niŋ, irde makaŋde niŋ det kuruŋ goreb gahade tikiŋ hamiŋ: “Doyaŋ Al Kuruŋyen keperd keperd gasuŋde kipirtiŋ hi al goya Sipsip dirŋeŋya goyen isoka yirde palap yirde deŋe turŋuŋ yaŋ yirde tareŋ kuruŋ gobe gwahader yeŋ po yuneŋ hitek,” yamiŋ.

Yuwarwar 5:4

Irkeb al wukkek wor po kura gore asaŋ goyen epte degelde go biŋde kentek miŋmoŋ wor po keneŋbe goke esitiŋde hinhem.