Mak beleŋ Mere igiŋ Yesu niŋ yitiŋ kayyiŋ 14:12 - Al Kuruŋyen Mere Igiŋ

¹² Be, haŋka wawuŋbe beret yis miŋmoŋ nen nen nalu miŋ ureŋ tiya yeŋ nurdeb Yesuyen komatmiŋ yago beleŋ, “Damde kuŋ Pasoba nalure niŋ biŋge goyen gitik irniŋ?” yeŋ gusuŋaŋ iramiŋ. Go nalure goyenterbe Pasoba niŋ teŋ sipsip dirŋeŋ gasa yirde kumga teŋ haŋyen.

Mak beleŋ Mere igiŋ Yesu niŋ yitiŋ kayyiŋ 14:12 ပူးပေါင်းရင်းမြစ်များ

Matiyu 3:15

Irkeb Yesu beleŋ wol heŋbe, “Mekerke haŋkabe ne nurhem gwahade nira. Gogab Al Kuruŋyen dufay huwak wor po goyen tumŋaŋ deyya beleŋ kawan forok iryeŋ. Gwaha tiyeŋ gab igiŋ yeŋ nurde hime,” inyiŋ. Irkeb Yon beleŋ fe alare tukuŋ baptais iryiŋ.

Mak beleŋ Mere igiŋ Yesu niŋ yitiŋ kayyiŋ 14:1

Be, Yuda marte asem yago beleŋ Isip naŋa tubul tiyamiŋ goke biŋ bak yeŋ yeŋ ge gabu ird ird nalu kuruŋ Pasoba ineŋ haŋyen goya beret yis miŋmoŋ nen nen nalu kuruŋ goya goyen molye go yeŋ heŋya pris buda gote karkuwaŋmiŋya Moseyen saba marya beleŋ daha mat kura al diliŋ banare Yesu teŋ mayteke kami yeŋ balmiŋ mere sege iramiŋ.

Mak beleŋ Mere igiŋ Yesu niŋ yitiŋ kayyiŋ 14:11

Kuŋ yenkeb yende mere goyen nurde amaŋ heŋbe horare damu girtek inamiŋ. Irkeb Yudas go daha mat kura Yesu goyen mel gote haniŋde kereŋ yeŋ dufay heŋ hinhin.

Mak beleŋ Mere igiŋ Yesu niŋ yitiŋ kayyiŋ 14:13

Irkeb Yesu beleŋ komatmiŋ irawa kura hulyaŋ yirdeb, “Yerusalem kuŋbe al kura fe kuwe teŋ waŋ kuke keneŋbe gama iriryeŋ.

Galesia 4:4

Gega Al Kuruŋ beleŋ nalu goyenter ga yiriŋde gor forok yekeb Urmiŋ teŋ kerke katyiŋ goyenbe bere beleŋ kawaŋ kiryiŋ. Yeŋbe neŋ Moseyen saba yufuk bana hinhet goyen daha wor Al Kuruŋ hitte yawameke Al Kuruŋ dirŋeŋ weŋ hewoŋ yeŋbe Moseyen saba yufuk bana kawaŋ heŋbe neŋ al yara hiriŋ.