Matiyu 22:45 - Al Kuruŋyen Mere Igiŋ

⁴⁵ Niŋgeb kapyaŋ heŋ haŋyen gwahade po, Dewit beleŋ Mesaia goyen ‘Doyaŋ Al Kuruŋne’ inyiŋ. Niŋgeb dahade geb Mesaia gobe Dewityen urmiŋ hiyyeŋ? Gobe epte moŋ geb!” yinyiŋ.

Matiyu 22:45 ပူးပေါင်းရင်းမြစ်များ

Matiyu 22:44

‘Al Kuruŋ beleŋ Doyaŋ Al Kuruŋne gaha inyiŋ: “Waŋ ketalner heŋ al deŋem yaŋ wor po hawayiŋ. Irkeb asogo girde haŋ mar goyen bul yirde yawameke gasa yirde yufurka tiyayiŋ,” inyiŋ,’ yitiŋ hi. Tikiŋ 110:1

Matiyu 22:46

Be, gwaha yinkeb al kura beleŋ muŋ kura wol ma hiriŋ. Irde goyenter matbe al kura waŋ Yesu tuŋaŋ urde merem yaŋ irniŋ yeŋ gusuŋaŋ irde hinhan gobe bada po hamiŋ.

Yon beleŋ mere igiŋ Yesu niŋ yitiŋ gayen kayyiŋ 8:58

Irkeb wol heŋbe, “Fudinde wor po dineŋ hime, Abraham forok ma yiriŋya nebe hinhem!” yinyiŋ.

Rom niŋ Yesuyen alya bereya hitte Pol beleŋ asaŋ kayyiŋ 9:5

Mel gobe Yuda marte hakwamiŋ wor po miŋde mat watiŋ. Yesu Kristu wor yeŋ goyen miŋde mat watiŋ. Yesu Kristube Al Kuruŋ, det kuruŋ gayen doyaŋ yirde hi al. Niŋgeb yeŋ po ga hugiŋeŋ turuŋ irde hitek hi. Fudinde wor po.

1 Timoti 3:16

Fudinde wor po, Yesu niŋ yitiŋ mere gobe al mali mali beleŋ bebak titek moŋ. Al Kuruŋ beleŋ faraŋ yurke gab igiŋ bebak tinayiŋ. Be, Yesu niŋ yitiŋ mere miŋbe gahade: Yesu Kristube Al Kuruŋyen dufay gama irde bere biŋde forok yeŋ kawaŋ hiriŋ. Holi Spirit beleŋ yeŋbe Al Kuruŋ Urmiŋ wor po yeŋ yikala yiryiŋ. Al Kuruŋyen miyoŋ wor Yesu kamtiŋde mat huwaryiŋ goyen kenamiŋ. Irkeb Naniŋ hitte mulgaŋ heŋ hurkuŋbe deŋem turŋuŋ yaŋ wor po hiriŋ. Niŋgeb yeŋ gama irde hinhan mar beleŋ tagalde tukukeb megen niŋ mar beleŋ go nurdeb gor mat po dufaymiŋ yeŋ ge tareŋ iramiŋ. Be, mere gabe Yesu gama irde haŋ mar beleŋ keŋkela po nurde gama irde hinayiŋ.

Hiburu 2:14

Goyenbe dirŋeŋ weŋ gobe al darim yaŋ geb, Yesu wor bere beleŋ kawaŋ kerke darim yaŋ hiriŋ. Al hiriŋ gobe yeŋ beleŋ uliŋ misiŋ kateŋ kamkeb kamde kamde tareŋ Satan beleŋ tanarde hitiŋ goyen hubu ireŋ yeŋbe gogo al hiriŋ.

Yuwarwar 22:16

“Ne Yesu gare deŋ alya bereyane sios goyen merene momoŋ dird dird niŋ teŋbe miyoŋne teŋ kermeke kurkuŋ. Nebe Dewityen miŋde mat watiŋ geb, nebe Dewit Urmiŋ. Irde nebe Bayfoŋ agatŋeŋ kuruŋ wor po go goyen,” yiriŋ.