Matiyu 21:5 - Al Kuruŋyen Mere Igiŋ

⁵ “Yerusalem niŋ mar goyen gaha yinnaŋ. ‘Doyaŋ Al Kuruŋtiŋ deŋ hitte waŋ hi. Al gobe yiŋgeŋ ge turuŋ turuŋ ma teŋ hi. Niŋgeb al gobe doŋki hende waŋ hi. Doŋki gobe foŋeŋ,’ yinnayiŋ,” yitiŋ hi. Aisaia 62:11; Sekaraia 9:9

Matiyu 21:5 ပူးပေါင်းရင်းမြစ်များ

Matiyu 11:29

Nebe delne kamtiŋ, irde dufayne manaŋ kipirtiŋ. Niŋgeb waŋ sabane nurde gama nirnayiŋ. Irkeb faraŋ durmeke bitiŋ yurum hekeb hinayiŋ.

Matiyu 2:2

Be, mel go waŋbe gusuŋaŋ hamiŋ. “Yudia naŋare niŋ doyaŋ al kuruŋ hiyyeŋ al gayamuŋ ga forok yiyuŋ gobe dare hi? Naŋa waŋ waŋ beleŋ mat dinambemiŋ keneŋbe doloŋ irniŋ yeŋ gago wayhet,” yamiŋ.

Matiyu 2:6

‘Be, deŋ Betlehem niŋ mar, deŋ hitte al kura forok yeŋ nere alya bereya Israel mar gote doyaŋ al kuruŋ hiyyeŋ. Irkeb deŋtiŋ dirŋeŋ goyen kuruŋ hiyyeŋ. Niŋgeb deŋbe Yudia naŋa bana goŋ niŋ al deŋem yaŋ mar gote folek,’ yitiŋ hi. Maika 5:2 Niŋgeb Mesaiabe Betlehem forok yiyyeŋ,” inamiŋ.

Matiyu 21:6

Be, Yesu komatmiŋ go kuŋbe yinyiŋ gwahade po tiyaryum.

Luk beleŋ Yesu niŋ yitiŋ mere igiŋ kayyiŋ 24:27

Irdeb yiŋgeŋ goke po yeŋ Al Kuruŋyen asaŋde katiŋ goyen Moseyen Sabare mat miŋ urde tukuŋ tukuŋ Al Kuruŋyen mere basaŋ mar hoyaŋ beleŋ kayamiŋ goyen keŋkela po momoŋ yiryiŋ.

Yon beleŋ mere igiŋ Yesu niŋ yitiŋ gayen kayyiŋ 1:49

Gwaha inkeb Nataniel beleŋ, “Rabai, gebe fudinde Al Kuruŋ Urmiŋ. Gebe Israel marte Doyaŋ Al Kuruŋ,” inyiŋ.

2 Korin 10:1

Be, deŋ haŋ bana goyen al kura beleŋ ne niŋ buluŋ mat yeke mere momoŋmiŋ nurmiŋ. Meremiŋbe gahade: “Polbe neŋya heŋyabe kafura dirde mere saŋiŋ ma dirde hiyen. Gega gisaw heŋbe asaŋdeb mere tareŋ po dirde hi,” yeŋ haŋyen. Deŋ beleŋ ne niŋ gwaha yeŋ haŋyen gega, ne Polbe Yesu Kristu beleŋ bekkeŋde igiŋ mat al mere yirde hinhin gwahade goyen po, ne wor matatiŋ goke mere direŋ tihim.