Luk beleŋ Yesu niŋ yitiŋ mere igiŋ kayyiŋ 5:1 - Al Kuruŋyen Mere Igiŋ

¹ Be, nalu kurareb Yesu go Galili fe ala kuruŋ, deŋem kurabe Genesaret ineŋ haŋyen goyen siŋare huwarde heŋ Al Kuruŋyen mere tagalde hikeb al budam nurniŋ yeŋ waŋ kalyaŋ keramiŋ.

Luk beleŋ Yesu niŋ yitiŋ mere igiŋ kayyiŋ 5:1 ပူးပေါင်းရင်းမြစ်များ

Matiyu 11:12

“Be, Moseyen sabaya Al Kuruŋyen mere basaŋ marte sabaya asaŋde katiŋ gobe Al Kuruŋ beleŋ yende alya bereya doyaŋ yird yird goyen tagalke waŋ waŋ Yon Baptais wor tagaluŋ. Niŋgeb Yon hitte mat waŋ waŋ gayen nalu hitere gabe Al Kuruŋ beleŋ alya bereyamiŋ doyaŋ yird yird mata kawan forok yeŋ hike yeneŋbe al budam bana goŋ kuniŋ yeŋ nurde kurut wor po yeŋ haŋ. Goyenbe tareŋmiŋde teŋ hikeb Al Kuruŋ beleŋ alya bereyamiŋ doyaŋ yird yird goyen buluŋ irde haŋ.

Matiyu 14:34

Be, gwaha teŋ kuŋ kuŋbe Genesaret naŋa beleŋ goŋ forok yamiŋ.

Mak beleŋ Mere igiŋ Yesu niŋ yitiŋ kayyiŋ 3:9

Yeŋ beleŋbe al budam sope yiryiŋ. Irkeb garbam mar kura gor hinhan goreb Yesu sisaŋ urniŋ yeŋ kadom weŋ yupepel yirde kwamiŋ. Al budam gwaha tikeb Yesu beleŋ komatmiŋ yago goyen, “Hakwa kura tawaŋ nunnaŋ. Gogab al farkaka ma nirnayiŋ ge,” yinyiŋ.

Mak beleŋ Mere igiŋ Yesu niŋ yitiŋ kayyiŋ 4:1

Be, Yesube Galili fe ala kuruŋ siŋare kura gor tebaŋ sabamiŋ miŋ uryiŋ. Gorbe al budam wor po gabu iramiŋ. Niŋgeb Yesu go hakwa dirŋeŋ kura goyen hende hurkuŋ keperde saba yirde hike albe fe siŋare heŋ sabamiŋ palŋa irde hinhan.

Mak beleŋ Mere igiŋ Yesu niŋ yitiŋ kayyiŋ 5:24

Irkeb meremiŋ goyen nurde Yesu go yeŋya kwaryum. Kuŋ hikeyab al budam kalyaŋ kerde tawtaw irde gama irde hinhan.

Mak beleŋ Mere igiŋ Yesu niŋ yitiŋ kayyiŋ 6:53

Be, mel go kuŋ siŋa kurhan Genesaret taunde forok yamiŋ. Forok yeŋ hakwa tubul teŋ siŋare kurkukeb gor niŋ al beleŋ Yesu keneŋ bebak tiyamiŋ.

Luk beleŋ Yesu niŋ yitiŋ mere igiŋ kayyiŋ 12:1

Be, goyenterbe al budam wor po waŋ Yesu hinhinde gor gabu iramiŋ geb, kadom ufurd guneŋ teŋ hinhan. Irkeb Yesu beleŋ mere miŋ ure yeŋbe komatmiŋ yago wa gaha yinyiŋ: “Beret kaŋ kaŋde niŋ guram yisbe dirŋeŋ muŋ po palawa bana kerkeb hilyaŋ kuyeŋ gwahade goyen po, Farisi marte usi matamiŋ gore al budam buluŋ yirde haŋyen. Go mar gobe mata buluŋ teŋ haŋyen gega, siŋare mat yeneŋmiŋbe al huwak yara. Niŋgeb mel goke keŋkela heŋ ga hinayiŋ.

Luk beleŋ Yesu niŋ yitiŋ mere igiŋ kayyiŋ 5:2

Irkeb Yesu beleŋ naŋkeneŋ hakwa irawa kura yawaŋ fe siŋare yubul titiŋ yinyiŋ. Miŋ marbe kamaŋmiŋ halde hinhan.

Luk beleŋ Yesu niŋ yitiŋ mere igiŋ kayyiŋ 8:22

Be, nalu kurare kurab Yesu beleŋ komatmiŋ yago goyen, “Wake fe ala kuruŋ siŋa kurhan kuniŋ,” yinyiŋ. Irdeb hakwa kura goyen hende kwamiŋ.

Luk beleŋ Yesu niŋ yitiŋ mere igiŋ kayyiŋ 8:23

Be, kuŋ hinhan goyabe Yesube dukpu irkeb ferd uguŋ po hiriŋ. Goya goyenbe meŋe kuruŋ dugure mat katkeb duba huwaryiŋ. Irkeb fe beleŋ hakwa bana goŋ hurkuŋ ala heŋ hinhin. Irkeb soŋ po yeŋ miŋmoŋ hamiŋ.

Luk beleŋ Yesu niŋ yitiŋ mere igiŋ kayyiŋ 8:33

Irkeb uŋgura gobe al go tubul teŋ kuŋbe bu buda go ketal yuramiŋ. Irkeb bu go kup yeŋ kuŋ hamulare mat fe ala kurkuŋbe fe nene kamamiŋ.

Luk beleŋ Yesu niŋ yitiŋ mere igiŋ kayyiŋ 8:45

Be, goya goyen po Yesu beleŋ, “Ganuŋ beleŋ sisaŋ nura?” yeŋ al buda goyen gusuŋaŋ yiryiŋ. Irkeb al buda gore, “Neŋ moŋ,” inkeb Pita beleŋ huwardeb, “Doyaŋ Al Kuruŋ, al buda farkaka girde haŋ kuruŋ gab ma yeneŋbe, ‘Ganuŋ beleŋ sisaŋ nura?’ yeŋ gusuŋaŋ heŋ ha?” inyiŋ.

Yon beleŋ mere igiŋ Yesu niŋ yitiŋ gayen kayyiŋ 1:40

Be, Yonyen mere nurde Yesu gama iraryum al kurabe Andru. Yeŋbe Saimon Pita kuliŋ.

Yon beleŋ mere igiŋ Yesu niŋ yitiŋ gayen kayyiŋ 6:1

Be, go kamereb Yesube Galili naŋare kuriŋ. Kuŋbe Galili fe ala kuruŋ goyen siŋa kurhan kuriŋ. Galili fe ala kuruŋ gote deŋem kurabe Taiberias.

Hiburu 13:7

Irde deŋ goyen Al Kuruŋyen mere saba dirde hinhan mar, dende doyaŋ mar goke bitiŋ sir ma yeŋ hiyeŋ. Irde Al Kuruŋ niŋ hekkeŋ nurde mata teŋ heŋbe gote igineŋ forok yeŋ hike yeneŋ hinhan goke dufay heŋbe yeŋ mata teŋ hinhan gwahade po teŋ hinayiŋ.