Luk beleŋ Yesu niŋ yitiŋ mere igiŋ kayyiŋ 18:23 - Al Kuruŋyen Mere Igiŋ

²³ Irkeb al gobe samuŋmiŋ budam wor po geb, mere go nurdeb biŋde kandukŋeŋ wor po nuryiŋ.

Luk beleŋ Yesu niŋ yitiŋ mere igiŋ kayyiŋ 18:23 ပူးပေါင်းရင်းမြစ်များ

Matiyu 19:22

Irkeb al foŋeŋ gobe samuŋya detmiŋya budam wor po geb, Yesuyen mere nurdeb biŋde kandukŋeŋ wor po nurdeya kuriŋ.

Mak beleŋ Mere igiŋ Yesu niŋ yitiŋ kayyiŋ 10:22

Gega al gob samuŋmiŋ budam wor po geb, mere goke kandukŋeŋ nurdeb biŋ bida heke kuriŋ.

Luk beleŋ Yesu niŋ yitiŋ mere igiŋ kayyiŋ 12:15

Irdeb gor gabu iramiŋ mar goyen yeneŋ heŋyabe, “Al beleŋ megen niŋ samuŋya horaya budam yawarnayiŋ gega, gore Al Kuruŋ diliŋde fudinde wor po igiŋ heŋ heŋ mata goyen epte ma yunyeŋ. Niŋgeb keŋkela heŋ ga hinayiŋ. Moŋgo megen niŋ samuŋ kurayen kurayen yad yad niŋ uguŋ po dufay henayiŋ geb,” yinyiŋ.

Luk beleŋ Yesu niŋ yitiŋ mere igiŋ kayyiŋ 18:22

Be, Yesu beleŋ mere go nurdeb, “Gega mata uŋkureŋ kurabe tubul teŋ ha. Niŋgeb kuŋ samuŋge yago kuruŋ go yade al yunke damu tike gote muruŋgem yadebe al buniŋeŋ det niŋ amu heŋ haŋ mar goyen yunayiŋ. Gogab kamebe Al Kuruŋ beleŋ gote muruŋgem igiŋ wor po gunyeŋ. Irde gab waŋ gama nirayiŋ,” inyiŋ.

Luk beleŋ Yesu niŋ yitiŋ mere igiŋ kayyiŋ 18:24

Be, al go gwaha tike keneŋbe Yesu beleŋ keneŋ heŋya, “Al samuŋmiŋ budam wor pobe Al Kuruŋ beleŋ alya bereya doyaŋ yirde hi bana goŋ heŋ heŋmiŋbe meteŋeŋ wor po.

Luk beleŋ Yesu niŋ yitiŋ mere igiŋ kayyiŋ 19:8

Goyenpoga Sakius beleŋ huwardeb, “Doyaŋ Al Kuruŋ, ga nura. Dawetne kuruŋ gayenbe kahalte po pota irde al buniŋeŋ det niŋ amu heŋ haŋ mar yuneŋ. Irde al kura usi matare hora gwahade kura yawarmiriŋ kenem gwahade po wawuŋ siptere wol heweŋ,” inyiŋ.

Luk beleŋ Yesu niŋ yitiŋ mere igiŋ kayyiŋ 21:34

Irdeb sopte po, “Nalu yihim goyenterbe Al Kuruŋ beleŋ megen niŋ alya bereya tumŋaŋ mata teŋ haŋyen gote muruŋgem yunyeŋ. Niŋgeb keŋkela nurde ga hinaŋ ko. Moŋgo megen niŋ samuŋ yad yad mataya dula teŋ teŋ mataya kukuwa fe uguŋ po nen nen mataya beleŋ dufaytiŋ pet dirke goke po teŋ hikeya nalu go forok yeŋ daga dawartiŋ yara dirke hurkuŋkat tinayiŋ geb.

Luk beleŋ Yesu niŋ yitiŋ mere igiŋ kayyiŋ 8:14

Wit muykeŋ yamuŋ duwi hirwaŋeŋ yaŋ bana kattiŋ gobe al kura Al Kuruŋyen mere nurnayiŋ gega, megen niŋ samuŋ yad yad niŋ po nurnayiŋ go gwahade. Go mar gobe uliŋde po amaŋ hetek mata go po titek titek yirde hiyeŋ. Irde yeŋ hitte kanduk kura forok yiyyeŋ goke kafura henayiŋ. Go mar gobe megen niŋ det gwahade gore dufaymiŋ awrum yirkeb wit muykeŋbe igineŋ henayiŋ gega, nonbo henayiŋ go gwahade goyen po, merebe nurnayiŋ gega, gote igineŋbe keŋkela ma forok yenayiŋ.

Efesus 5:5

Deŋbe mere gayen keŋkela nurde hinayiŋ: leplep mata teŋ haŋ mar, mata buluŋ mormok dapŋa kukuwa beleŋ titŋeŋ teŋ haŋ maryabe, det ug po yad yad niŋ po dufay heŋ haŋ marya gobe Yesu Kristuya Al Kuruŋya beleŋ alya bereyamiŋ doyaŋ yird yird bana goŋ epte ma hinayiŋ. Det ug po yad yad niŋ po dufay heŋ haŋ marbe det gore Al Kuruŋmiŋ hiyyeŋ.

Filipai 3:8

Irde Doyaŋ Al Kuruŋne Yesu Kristuya kadom nurd guneŋ teŋ awalikde heŋ heŋ gobe det kuruŋ wor po geb, det hoyaŋ kuruŋ gobe miŋ miŋmoŋ nirde hiyen. Niŋgeb yeŋ ge teŋbe det hoyaŋ kuruŋ gobe yemeyde pasi himiriŋ. Det hoyaŋ kuruŋ gobe nebaŋ yeŋ yeneŋ himyen.

Kolosi 3:5

Niŋgeb megen niŋ mata buluŋ ultiŋde haŋ kuruŋ gobe yisikamnaŋ ko. Mata buluŋ gobe gahade: leplep mata, mata buluŋ mormok dapŋa kukuwa beleŋ titiŋ yara teŋ teŋ mata, uliŋde amaŋ hetek mata teŋ teŋ dufay, mata buluŋ teŋ teŋ dufayyabe det uguŋ po yad yad niŋ dufay heŋ heŋ mataya. Det uguŋ po yad yad niŋ dufay heŋ heŋ mata gobe uŋgura doloŋ yird yird mataya tuŋande.

1 Yon 2:15

Niŋgeb deŋbe megen niŋ marte mata buluŋya dufay buluŋya kurayen kurayen kuruŋ goke amaŋeŋ ma nurde hinayiŋ. Mata megen niŋ mar beleŋ teŋ haŋyen gobe gahade: uliŋde po amaŋ hetek beleŋ niŋ naŋkeneŋ haŋ, irde det kura keneŋ tetek po yeŋ goke po nurde haŋ, irde detmiŋya matamiŋya goke yiŋgeŋ turuŋ turuŋ teŋ haŋ gobe megen niŋ marte mata. Mata gwahade teŋ haŋ kuruŋ gobe Al Kuruŋ hitte mat ma watiŋ. Mata gobe megen gar niŋ po. Niŋgeb al kura megen niŋ marte mata buluŋ goke amaŋeŋ nurde hi al gobe epte ma biŋde mat Adoniniŋ ge amaŋeŋ nuryeŋ geb.