Luk beleŋ Yesu niŋ yitiŋ mere igiŋ kayyiŋ 16:23 - Al Kuruŋyen Mere Igiŋ

²³ Be, al gote toneŋbe kak alare kuŋ gorbe uliŋ misiŋ kuruŋ wor po kateŋ hinhin. Irde gor mat naŋkeneŋbe Abrahambe gisaw wor po kinyiŋ. Lasarusbe Abrahamya hike kinyiŋ.

Luk beleŋ Yesu niŋ yitiŋ mere igiŋ kayyiŋ 16:23 ပူးပေါင်းရင်းမြစ်များ

Matiyu 11:23

Irde deŋ Kapeneam taunde niŋ mar, deŋbe dindikeŋ ge yeŋ, ‘Neŋbe deŋniniŋ yaŋ,’ yeŋ turuŋ turuŋ teŋ Al Kuruŋ niŋ bitiŋ ma mulgaŋ heŋ haŋ? Al Kuruŋ beleŋ kak ala bana demeyke kurkunayiŋ geb. Mata tiŋeŋ kurayen kurayen deŋ hitte forok yeŋ hike yeneŋ haŋ gayen Sodom taunde forok yeŋ hinhan manhan gor niŋ mar beleŋ mata goyen yeneŋbe mata buluŋmiŋ yubul teŋ Al Kuruŋ niŋ biŋ mulgaŋ hewoŋ. Irkeb buluŋ ma irkeb gaha naŋa gayenbe taun gobe hiwoŋ.

Matiyu 18:9

Irde delge kurhan beleŋ girke mata buluŋde katayiŋbe delge go marde temeyayiŋ. Moŋgo delge uŋkureŋ gore girkeb ulge tumŋaŋ kak alare kutek goke teŋbe delge gore buluŋde gukutek go po marde temeykeb igiŋ delge kurhan titmiŋ manaŋ gasuŋ igiŋde kwayiŋ,” yinyiŋ.

Matiyu 23:33

“Deŋbe kunere duwi wor po! Al Kuruŋyen beararbe daha mat busahartek yeŋ nurde haŋ? Kak alare po ga kunayiŋ geb.

Matiyu 5:22

Goyenpoga nebe go hende gaha dineŋ tihim: al kura kadom ineŋ tiyyeŋ al gobe merere huwaryeŋ. Gwahade goyen po, al kura kadom, ‘Dufaygem moŋ,’ inyeŋ wor merem yaŋ heŋ Yuda marte doyaŋ mar diliŋde huwaryeŋ. Irde al kura beleŋ kadom kura, ‘Gebe kukuwa,’ inyeŋbe kak alare kuyeŋ.

Matiyu 5:29

Moŋgo ulge kurhan kura beleŋ mata buluŋ tike ulge tumŋaŋ kak alare kwak geb, buluŋ tiyyeŋ go po teŋ siŋa irayiŋ. Delge yase beleŋ mata buluŋ tikeb goyen marde temeyayiŋ. Hange yase beleŋ mata buluŋ tikeb go wor walde temeyayiŋ.

Matiyu 8:29

Be, irem gore Yesu hitte waŋbe, “Al Kuruŋ Urmiŋ, daha direŋ wayha? Nalu hako hikeya buluŋ dire yeŋ wayha?” ineŋ kwep iraryum.

Luk beleŋ Yesu niŋ yitiŋ mere igiŋ kayyiŋ 16:24

Gwahade keneŋbe hoy irdeb, ‘Asi, kak ala bana ga heŋ heŋbe ulne misiŋ kuruŋ kateŋ hime geb, buniŋeŋ nirdeb Lasarus teŋ kerke kateŋ haniŋ faw fe bana kerde tawaŋ melakne bida iri,’ inyiŋ.

Luk beleŋ Yesu niŋ yitiŋ mere igiŋ kayyiŋ 16:28

Irde kolne yago siptesoŋoŋ gor haŋ geb, kuŋ hayhay yiryeŋ. Moŋgo yeŋ wor uliŋ misiŋ kuruŋ teŋ teŋ gasuŋde gar wanakkek geb,’ inyiŋ.

Luk beleŋ Yesu niŋ yitiŋ mere igiŋ kayyiŋ 8:28

Al gobe uŋgura beleŋ hugiŋeŋ ketal urde mali tukuŋ hinhin. Irkeb gor niŋ mar beleŋ busaharyeŋkek yeŋbe sen po haniŋya kahaŋya fere teŋ doyaŋ irde hinhan. Goyenbe al gobe uŋgura gote tareŋde sen goyen kiriŋtiktuk heŋbe uŋgura gore bul irke naŋa al miŋmoŋ bana kuŋ hinhin. Be, Yesu beleŋ al go keneŋbe, “Uŋgura, al go tubul teŋ kat kwa,” inyiŋ. Irkeb al go Yesu keneŋ waŋbe kahaŋ miŋde gor wulgurut yeŋbe kekew teŋ, “Yesu, gebe Al Kuruŋ turŋuŋ yaŋ gote Urmiŋ yeŋ nurde guneŋ hime. Niŋgeb daha nireŋ wayha? Buluŋ ma nirayiŋ,” ineŋ eseŋ mere iryiŋ.

1 Korin 15:55

“Kamde kamde mata, gebe epte ma fole dirayiŋ. Kamde kamde mata, gebe epte ma dakamayiŋ,” yitiŋ hi. Hosea 13:14

2 Pita 2:4

Be, Al Kuruŋbe miyoŋmiŋ beleŋ mata buluŋ tikeb yeneŋ wasak ma teŋbe yakira teŋ uliŋ misiŋ kuruŋ kateŋ kateŋ gasuŋ buluŋ bana yimiyyiŋ. Irkeb kidoma kafuram bana goŋ po heŋ Al Kuruŋ beleŋ merem yaŋ yiryeŋ nalu goke po doyaŋ heŋ haŋ.

Yuwarwar 20:10

Irkeb mel go usi yiryeŋ al Uŋgura gobe sopte teŋ salfa hora kak hitiŋ ala bana temeyke hiyeŋ. Kak ala bana goŋbe dapŋa duwi kafuram goya porofet falkukya yimiytiŋ haryen. Niŋgeb Satanya dapŋa duwi kafuramya porofet falkukya gobe naŋkahalya wawuŋya hugiŋeŋ uliŋ misiŋ kuruŋ po kateŋ hinayiŋ.