Luk beleŋ Yesu niŋ yitiŋ mere igiŋ kayyiŋ 11:47 - Al Kuruŋyen Mere Igiŋ

^47-48 “Deŋ Moseyen saba marbe Al Kuruŋyen mere basaŋ mar porofet bikkeŋ asetiŋ yago beleŋ gasa yirke kamamiŋ mar goyen palap yirhet yeŋ metemiŋ haraŋ heŋ umŋa yirde haŋyen. Gega ne beleŋ deneŋmiŋbe ayaŋ yerde haŋ yeŋ nurd duneŋ hime. Irde asetiŋ yago beleŋ Al Kuruŋyen mere basaŋ mar gasa yirde hike kamde hinhan goyen igiŋ po yirde hinhan yeŋ nurdeb gogo metemiŋ umŋa yirde haŋ yeŋ deneŋ hime. Niŋgeb kame gote muruŋgem buluŋ wor po yawarnayiŋ goke buniŋeŋ nurd duneŋ hime.

Luk beleŋ Yesu niŋ yitiŋ mere igiŋ kayyiŋ 11:47 ပူးပေါင်းရင်းမြစ်များ

Matiyu 23:27

“Be, deŋ Moseyen saba marya Farisi maryabe usi mar wor po. Deŋbe Al Kuruŋyen bearar bana haŋ goke buniŋeŋ wor po nurd duneŋ hime. Deŋbe bemba kura siŋarebe umŋa irtiŋ haŋ. Gega biŋ banabe al kiŋkiniŋya det mormokya beleŋ po makiŋ hitiŋ haŋ go gwahade goyen.

Aposel 7:51

“Be, merebe gwahade yitiŋ gega, deŋbe ya gake uguŋ po nurde ya gayen sukal irde hiyen yeŋbe merere gago nerhaŋ? Deŋ gab tonaŋtiŋ tareŋ wor po. Deŋbe Al Kuruŋ niŋ ma nurde haŋ mar beleŋ teŋ haŋ yara. Bitiŋya kirmiŋtiŋyabe titmiŋ wor po. Al Kuruŋyen mere nurde bebak titek moŋ. Irde asininiŋ yago beleŋ mata teŋ hinhan gwahade po deŋ manaŋ Holi Spirit pel irde haŋ.

1 Tesalonaika 2:15

Munaŋ Yudia naŋare niŋ mar gobe Doyaŋ Al Kuruŋniniŋ Yesu mayamiŋ. Irde neŋ wor buluŋ buluŋ dirde dakira tiyamiŋ. Bikkeŋ asem yago wor Al Kuruŋyen mere basaŋ mar porofet gasa yirde hinhan. Mel gobe al miŋ hoyaŋya awalikde hitek ma yirde hikeb mata gwahade teŋ haŋyen gogo. Irkeb Al Kuruŋ beleŋ goke igiŋ ma nurd yuneŋ hinhin.