Luk beleŋ Yesu niŋ yitiŋ mere igiŋ kayyiŋ 10:36 - Al Kuruŋyen Mere Igiŋ

³⁶ Irdeb Yesu beleŋbe Moseyen saba tagal tagal al goyen, “Al damiŋbe kawe mar beleŋ buluŋ irke dagi kuruŋ tiriŋ al gote kadom yeŋ nurde ha? Al Kuruŋ doloŋ ird ird mata doyaŋ al ma Liwai al ma Samaria niŋ al goyen?” ineŋ gusuŋaŋ iryiŋ.

Luk beleŋ Yesu niŋ yitiŋ mere igiŋ kayyiŋ 10:36 ပူးပေါင်းရင်းမြစ်များ

Matiyu 17:25

Irkeb, “Gwaha,” yinyiŋ. Be, gwaha yineŋbe Yesu hinhin ya go biŋde hurkukeb goyare po Yesu beleŋ, “Saimon, megen niŋ doyaŋ mar karkuwaŋ yuntek teks kurayen kurayen gobe ganuŋ mar beleŋ gab yerde haŋyen? Urmiŋ yago beleŋ yerde haŋyen ma al hoyaŋ beleŋ yerde haŋyen? Gebe dahade nurde ha?” ineŋ gusuŋaŋ iryiŋ.

Matiyu 22:42

“Deŋ gayen Mesaiabe ganuŋde urmiŋ yeŋ nurde haŋ?” Gwaha yinkeb Farisi mar gore wol heŋbe, “Yeŋbe Dewit urmiŋ,” inamiŋ.

Luk beleŋ Yesu niŋ yitiŋ mere igiŋ kayyiŋ 10:35

Irde ferd fay urke kwe yeŋbe ya doyaŋ al goyen silwa hora irawa uneŋbe, ‘Al ga doyaŋ irde hayiŋ. Hora ga hubu hekeb gigen hora beleŋ faraŋ urde hayiŋ. Kame mulgaŋ heŋ waŋ gab wol heŋ guneŋ geb,’ inyiŋ,” yiriŋ.

Luk beleŋ Yesu niŋ yitiŋ mere igiŋ kayyiŋ 10:37

Gwaha inkeb Moseyen saba mar al goreb, “Buniŋeŋ nurd uneŋbe faraŋ uryiŋ al gobe kadom yeŋ nurhem,” inyiŋ. Irkeb Yesu beleŋ wol heŋbe, “Ge wor kuŋbe mata gwahade goyen teŋ hayiŋ,” inyiŋ.

Luk beleŋ Yesu niŋ yitiŋ mere igiŋ kayyiŋ 7:42

Be, al irawa gobe gwaha mat kura al gote hora wol hetek ma haryum. Irkeb hora yunyiŋ al gore buniŋeŋ yirdeb goŋmiŋ yinyiŋ. Niŋgeb al damiŋ beleŋbe horamiŋ ma wol heke goŋmiŋ yinyiŋ al goke amaŋeŋ wor po nurde unyeŋ?” yeŋ gusuŋaŋ iryiŋ.