Yon beleŋ mere igiŋ Yesu niŋ yitiŋ gayen kayyiŋ 19:39 - Al Kuruŋyen Mere Igiŋ

³⁹ Yosep beleŋ gwaha teŋ hikeya Nikodemus wor gor hinhin. Nikodemusbe hakot kura wawuŋ kuŋ Yesuya mere tiyaryum al go goyen. Yeŋ beleŋ he fimiŋ irawa suluk yirde guram irtiŋ hamiŋ igiŋ wor po goyen teŋ wayyiŋ. Guram gote kandukmiŋbe 30 kilogram gwahade.

Yon beleŋ mere igiŋ Yesu niŋ yitiŋ gayen kayyiŋ 19:39 ပူးပေါင်းရင်းမြစ်များ

Matiyu 12:20

Al kura bisike kokaŋ go gwahade, buluŋ hiniŋ teŋ hinayiŋ goyen buluŋ ma yiryeŋ. Irde al kura buluŋ heŋ hulsi aymuk irtiŋ yara hinayiŋ goyen wor buluŋ ma yiryeŋ. Matamiŋ gobe bada ma hiyyeŋ. Gwahade po teŋ teŋbe alya bereyamiŋ tumŋaŋ yumulgaŋ teŋ pasi iryeŋ.

Matiyu 19:30

Goyenpoga al kura yiŋgeŋ ge yeŋ, ‘Nebe gwaha gwaha timiŋ geb, gote muruŋgem kuruŋ al hoyaŋde gote folek wor po teweŋ,’ yiyyeŋ al gobe dirŋeŋ muŋ tiyyeŋ. Munaŋ al kura nebe hako hime yeŋ nurde hiyeŋ al gobe muruŋgem kuruŋ wor po al hoyaŋde gote folek tiyyeŋ. Niŋgeb al meheŋde hiyeŋ al gobe kame hiyeŋ. Munaŋ kame hiyeŋ al gobe meheŋde hiyeŋ,” yinyiŋ.

Matiyu 2:11

Irdeb ya bana hurkuŋ diriŋya miliŋya goyen yeneŋbe dokolhoŋ yuguluŋ teŋ diriŋ goyen doloŋ iramiŋ. Irdeb det kura diriŋ go unniŋ yeŋ yawayamiŋ goyen hol yirdeb unamiŋ. Gol horaya det kura toropa yara kake hamiŋ teŋ hiyen gwahade goyabe guram hamŋeŋ igiŋ wor po yawayamiŋ goyen unamiŋ.

Mak beleŋ Mere igiŋ Yesu niŋ yitiŋ kayyiŋ 16:1

Be, Yuda marte usaŋ nalu, Sabat go hubu hekeb Makdala niŋ Mariaya Yems miliŋ Mariayabe Salomeya gobe Yesu kamyiŋ hakwam goyen sam irtek yeŋ he fimiŋ kura hamiŋ igiŋ muŋ goyen damu tiyamiŋ.

Yon beleŋ mere igiŋ Yesu niŋ yitiŋ gayen kayyiŋ 12:3

Be, mel go gwaha teŋ hikeyabe Maria beleŋ nat he fimiŋ hamiŋ kusamuŋ wor po, irde damumbe hende wor po goyen tawaŋbe tumŋaŋ po Yesu kahaŋde wogordeb tonaŋ yuwalŋeŋ beleŋ po utma tiyyiŋ. Irkeb he fimiŋ wok iryiŋ gote hamiŋ igiŋ muŋ gore po ya go ep iryiŋ.

Yon beleŋ mere igiŋ Yesu niŋ yitiŋ gayen kayyiŋ 12:7

Be, Yudas go gwaha yekeb Yesu beleŋ wol heŋbe, “Tubul tinaŋ. Yeŋ beleŋ haŋka det fimiŋ hamiŋ igiŋ muŋ go teŋ gwaha nira gobe kame mete nird nird ge sam nirnayiŋ goke gitik teŋ teŋ ge gwaha nira.