Yon beleŋ mere igiŋ Yesu niŋ yitiŋ gayen kayyiŋ 12:16 - Al Kuruŋyen Mere Igiŋ

¹⁶ Goyenbe haŋkapyabe mata goyen goke komatmiŋ yagobe bebak ma tiyamiŋ. Goyenbe kame Yesu go Al Kuruŋ hitte mulgaŋ heŋ hurkuŋ deŋe turŋuŋ yaŋ tiriŋ kamere gab Yesu mata tiyyiŋ goke Al Kuruŋyen asaŋde katiŋ hi goyen bebak tiyamiŋ. Irde al buda kuruŋ gore yeŋ ge mata tiyamiŋ go wor gwahade po katiŋ hi goyen go bebak tiyamiŋ.

Yon beleŋ mere igiŋ Yesu niŋ yitiŋ gayen kayyiŋ 12:16 ပူးပေါင်းရင်းမြစ်များ

Mak beleŋ Mere igiŋ Yesu niŋ yitiŋ kayyiŋ 16:19

Be, Doyaŋ Al Kuruŋ Yesu beleŋ mere yiryiŋ go kamereb Naniŋ Al Kuruŋ beleŋ tumulgaŋ tike hurkuŋ al deŋem yaŋ heŋ haniŋ yase beleŋ kipiryiŋ.

Mak beleŋ Mere igiŋ Yesu niŋ yitiŋ kayyiŋ 9:32

Goyenpoga komatmiŋ yagobe mere gote miŋ bebak ma tiyamiŋ. Irdeb miŋ goyen tagalke buluŋ nurtek yeŋbe gusuŋaŋ ird ird niŋ kama hamiŋ.

Luk beleŋ Yesu niŋ yitiŋ mere igiŋ kayyiŋ 18:34

Irkeb komatmiŋ yago gobe Yesu mere tiyyiŋ goyen bebak ma po tiyamiŋ. Mere gote miŋbe banare po hinhin geb, goke kura yihi yeŋ ma nuramiŋ.

Luk beleŋ Yesu niŋ yitiŋ mere igiŋ kayyiŋ 24:25

Irkeb Yesu beleŋbe, “Derbe da kukuwa wor po? Al Kuruŋyen mere basaŋ mar beleŋ Mesaia niŋ katiŋ kuruŋ goyen nurde haryen gobe gayamuŋkek moŋ gega, daniŋ fudinde yeŋ ma nurde har?

Luk beleŋ Yesu niŋ yitiŋ mere igiŋ kayyiŋ 24:45

Gwaha yineŋbe Al Kuruŋyen mere nurde bebak tinayiŋ yeŋ dufaymiŋ figilyiŋ.

Luk beleŋ Yesu niŋ yitiŋ mere igiŋ kayyiŋ 9:45

Gega mel gobe Yesu mere tiyyiŋ goyen miŋ gwahade niŋ dina yeŋ bebak ma tiyamiŋ. Mere tiyyiŋ gote miŋbe Al Kuruŋ beleŋ bana kerkeb miŋ gwahade yeŋ ma nuramiŋ. Irdeb asogo haniŋde niryeŋ meremiŋ goke kafura heŋ gote miŋ niŋ gusuŋaŋ ird ird niŋ kama hamiŋ.

Yon beleŋ mere igiŋ Yesu niŋ yitiŋ gayen kayyiŋ 12:23

Irkeb Yesu beleŋ wol heŋbe, “Ne Al Urmiŋ gayen deŋe turŋuŋ yaŋ tetek nalube gago forok yihi.

Yon beleŋ mere igiŋ Yesu niŋ yitiŋ gayen kayyiŋ 14:26

Goyenbe kame Faraŋ Al, Holi Spirit goyen Al Kuruŋ beleŋ teŋ kerke kateŋ gasuŋne tiyyeŋ. Irdeb deŋ nurtek mere kuruŋ goyen yeŋ beleŋ gab saba dirde hiyeŋ. Irde ne beleŋ det momoŋ dirde himyen kuruŋ goyen wor bebak dirde hiyeŋ.

Yon beleŋ mere igiŋ Yesu niŋ yitiŋ gayen kayyiŋ 16:4

Nebe naŋa hakot po momoŋ dirde hime gago. Gogab nalu goyen forok yekeb bikkeŋ hayhay diryiŋ go gago forok yeŋ haŋ yeŋ bitiŋ bak yenayiŋ. Haŋkapyabe tumŋaŋ hinhet geb, momoŋ ma dirmiriŋ,” yinyiŋ.

Yon beleŋ mere igiŋ Yesu niŋ yitiŋ gayen kayyiŋ 17:5

Niŋgeb, Ado, haŋkabe ge hitte kweŋ tihim geb, megeŋ ga ma forok yiriŋya geya heŋya saŋiŋne turŋuŋ yaŋ hinhem gwahade goyen po nirayiŋ.

Yon beleŋ mere igiŋ Yesu niŋ yitiŋ gayen kayyiŋ 2:22

Kame Yesu go kamyiŋde mat huwarke gab komatmiŋ yago goyen Yesu beleŋ mere tiyyiŋ goyen goke biŋ bak yamiŋ. Irkeb Al Kuruŋyen mere asaŋde hi goya Yesu beleŋ mere tiyyiŋ goyen fudinde yeŋ nuramiŋ.

Yon beleŋ mere igiŋ Yesu niŋ yitiŋ gayen kayyiŋ 7:39

Be, Yesu beleŋ fe kahaŋyaŋ merem tiyyiŋ gobe kame al kura yeŋ ge dufaymiŋ tareŋ irnayiŋ marbe Holi Spirit tenayiŋ yeŋ gogo yiriŋ. Gega goyenterbe Yesu goyen Al Kuruŋ hitte ma mulgaŋ heŋ hurkuŋ deŋem turŋuŋ yaŋ goyen go ma tiriŋde hinhin geb, Holi Spiritbe kateŋ miŋmoŋ.

Aposel 2:33

Yesu gobe Naniŋ Al Kuruŋ beleŋ tumulgaŋ tike hurkuŋbe Naniŋde tareŋ teŋ Doyaŋ Al Kuruŋ hiyuŋ. Irde Naniŋ beleŋ Holi Spirit niŋ biŋa tiyyiŋ goyen unke teŋbe gago fe wogortiŋeŋ irde duna. Irkeb migiriŋ kuruŋ goyen nurde diltiŋde wor po mata kenhaŋ gago.

Aposel 2:36

Niŋgeb deŋ Israel mar, mere direŋ tihim gayen fudinde wor po yeŋ nurnaŋ ko: deŋ beleŋ Yesu kuruse hende mayke kamuŋ. Gega Al Kuruŋ beleŋ kamtiŋde mat isaŋ heke huwaruŋ. Irkeb yeŋ beleŋ po Doyaŋ Al Kuruŋya Mesaiaya iruŋ,” yinyiŋ.

Aposel 3:13

Niŋgeb ga nurnaŋ ko. Yesube Al Kuruŋyen Meteŋ Al, Al Wukkeŋ, irde Al Huwak wor po. Gega deŋ beleŋ igiŋ ma nurd uneŋbe mayke kami yeŋ tukuŋ Pailat haniŋde kerdeb pel iraŋ. Irkeb Pailat beleŋ tubul timeke kwi yekeb deŋ beleŋ kamyeŋ po yaŋ. Irdeb al kura al gasa yirke kamtiŋ al goyen teŋ siŋa irke kat kuyeŋ yaŋ. Gwaha teŋbe Al Kuruŋya hugiŋeŋ heŋ heŋ gote beleŋ kerd duntek albe gogo mayaŋ. Gega hakwaniniŋ Abraham, Aisak, Yekopya, asininiŋ yagoyat Al Kuruŋ beleŋbe kamuŋde mat isaŋ heŋbe al beleŋ turuŋ irde hinayiŋ yeŋ al deŋem turŋuŋ yaŋ wor po iruŋ. Niŋgeb Yesu kamuŋde mat huwaruŋ gobe dilniniŋ bilmiŋde wor po kintiŋ geb, gago momoŋ dirde hite.

Hiburu 12:2

Yesube Al Kuruŋ niŋ hekkeŋ nurd nurd mata gote miŋ al, irde go mata goyen igiŋ wor po irtek al. Niŋgeb neŋbe Yesu yeŋ uŋkureŋ niŋ po dufay heŋ hitek. Hoyaŋ hoyaŋ niŋ ma nurtek. Yeŋbe kame Al Kuruŋ beleŋ turuŋ iryeŋ goyen nurde hinhin geb, kuruse hende kamde kamde niŋ memya ma heŋbe uliŋ misiŋ kateŋ kamyiŋ. Irdeb kamyiŋde mat huwardeb Al Kuruŋ hitte hurkuriŋ. Hurkuŋbe Doyaŋ Al Kuruŋ heŋ Al Kuruŋyen haniŋ yase beleŋ kipiryiŋ.

Hiburu 8:1

Be, mere gwahade teŋ hite gote miŋ wor pobe gahade: neŋbe pris buda gote kuruŋmiŋ goyenniniŋ yaŋ hite. Yeŋbe Al Kuruŋ saŋiŋmiŋ hende wor po hitte hurkuriŋ, irde Doyaŋ Al Kuruŋ heŋ ketalmiŋde hi.