Hiburu 9:10 - Al Kuruŋyen Mere Igiŋ

¹⁰ Al Kuruŋ doloŋ ird ird mata bikkek gwaha teŋ hinhan marbe biŋgeya dapŋaya irde feya damiŋbe igiŋ netek munaŋ damiŋbe epte ma netek gote saba gama irde hinhan. Irde yiŋgeŋ uliŋ sope yird yird mata kurayen kurayen po teŋ hinhan. Al Kuruŋ beleŋ nalu kiryiŋ goyen ma forok yeŋ hikeyabe mata goyen po teŋ hinhan. Gega mata gobe biŋ wuk irde irde niŋ moŋ, uliŋ sope irde irde niŋ po teŋ hinhan.

Hiburu 9:10 ပူးပေါင်းရင်းမြစ်များ

Mak beleŋ Mere igiŋ Yesu niŋ yitiŋ kayyiŋ 7:4

Go mar gobe gabu karkuwaŋyaŋ al maliya suluk heŋ kuŋ hinayiŋ goyen waŋ yamiŋyaŋ heŋbe fe gemde ga dula teŋ haŋyen. Matamiŋ gwahade budam haŋ. Kuramiŋbe gisu, koroŋya, fe kaŋguya hal hal belŋeŋ miŋyaŋ. Mali mali ma teŋ haŋyen.)

Galesia 4:9

Gega gayenterbe Al Kuruŋ nurde uneŋ haŋ. Ma, Al Kuruŋ beleŋ nurde duneŋ hi yeweŋ gobe igiŋ. Niŋgeb daniŋ mulgaŋ heŋ megen niŋ usi tikula gote tareŋmiŋ keneŋbe gote yufuk bana hokoyaŋ hiniŋ teŋ haŋ? Tareŋmiŋ gobe Al Kuruŋyen tareŋ folek moŋ gega, daniŋ tikula gore dukdawaŋ dirke kafura heŋ sopte gama irniŋ teŋ haŋ?

Efesus 1:10

Dufay kiryiŋ gobe gahade: nalu kiryiŋ goyen forok yekeb det banare niŋya kawan niŋya, irde megen niŋya naŋkiŋde niŋya kuruŋ gayen tumŋaŋ yawaŋ gabu yirdeb Yesu Kristube det kuruŋ gote doyaŋ almiŋ iryiŋ.

Efesus 2:15

Yeŋbe neŋ ge teŋ kamyiŋ geb, goke teŋbe Moseyen sabaya gote saba mukŋeŋ kurayen kurayen katiŋ kuruŋ goyen pasi kiryiŋ. Go tiyyiŋ gobe Yuda marya al miŋ hoyaŋya goyen yawaŋ gabu yirde al miŋ uŋkureŋ gergeŋ, Yesuyen alya bereya yird yird niŋ tiyyiŋ. Niŋgeb go mata tiyyiŋ gore dirkeb gago awalikde hite.

Kolosi 2:16

Niŋgeb al kura waŋ dula teŋ teŋ mataya Al Kuruŋ niŋ dufay heŋ heŋ ge gabu ird ird nalu karkuwaŋya gagasi gergeŋ forok yeke goke gabu irde dula teŋ teŋ matayabe Sabat naluya goyen goke gwaha gwaha teŋ hinayiŋ dineŋ tikeb keneŋ unaŋ teŋ hinayiŋ.

Hiburu 10:22

Niŋgeb neŋbe bininiŋde mat fudinde wor po yeŋ ge hekkeŋ nurdeb Al Kuruŋ hitte kutek. Neŋbe Yesuyen dari teŋ bininiŋde utiriŋ titiŋ, irde fe wukkek beleŋ mata buluŋniniŋ haltiŋ geb, bininiŋde wukkeŋ wor po nurde hite. Niŋgeb Al Kuruŋ hitte kuŋ kuŋ niŋ kama ma heŋ hitek.

Hiburu 13:9

Niŋgeb al kura saba hoyaŋ tawaŋ bitiŋ yawarniŋ tike mali mali ma gama yirde hinayiŋ. Al Kuruŋ diliŋdebe biŋge nen nen mata gore epte ma dufaytiŋ tareŋ iryeŋ. Al Kuruŋ beleŋ buniŋeŋ dirde igiŋ dird dird saba go keŋkela bebak tike gab dufaytiŋ tareŋ hiyyeŋ. Biŋge nen nen mata niŋ yitiŋ saba bikkek go gama irde hinhan marbe gote igineŋ kura ma po yawaramiŋ.

Hiburu 2:5

Be, neŋbe alya bereya beleŋ Al Kuruŋya heŋ heŋ mata gergeŋ goyen goke mere teŋ hite gago. Al Kuruŋbe alya bereya yeŋya heŋ heŋ mata gergeŋ forok yiyyeŋ goyen doyaŋ irtek al kura basiŋa iryiŋ. Goyenbe miyoŋmiŋ gwahade kura ma basiŋa iryiŋ.

Hiburu 6:2

Irde baptais teŋ teŋ mata, al hende hanniniŋ yerde Al Kuruŋ gusuŋaŋ ird ird mata, al kamtiŋ kame huward huward gote sabayabe nalu funaŋde al tumŋaŋ merere huwarnayiŋ gote sababe Yesuyen alya bereya gayamuŋ ga gergeŋ haŋ mar gote saba geb, saba goyenter po ma hitek.

Hiburu 7:12

Be, pris hoyaŋ wayyeŋ goke yeŋ hityen al gobe Liwai mar al moŋ. Al gote miŋde niŋ marbe Al Kuruŋyen ya balem bana altare heŋ Al Kuruŋ doloŋ ird ird mata go ma teŋ haŋyen. Gobe Doyaŋ Al Kuruŋniniŋbe Yudayen miŋde mat wayyiŋ goke yeŋ hime. Gega Mosebe pris meteŋbe Yudayen miŋde niŋ al beleŋ teŋ hinayiŋ yeŋ ma tagalde hinhin. Goyenbe Liwai mar al moŋ Yesu gore waŋ pris meteŋ goyen tekeb Moseyen saba bikkek gote gasuŋ manaŋ saba gergeŋ beleŋ tiriŋ.

Hiburu 7:16

Al gore pris hiriŋ gobe Israel marte asemde saba bikkek bana goŋ yitiŋ go ma gama iryiŋ. Gwaha irtiŋeŋbe hugiŋeŋ heŋ heŋ gote tareŋde pris hiriŋ. Hugiŋeŋ heŋ heŋ gobe epte ma det kura beleŋ buluŋ irtek hi.

Hiburu 9:1

Be, Al Kuruŋ beleŋ hakot Israel marte asem yagot diliŋde biŋa kuruŋ tiyyiŋ go banabe Al Kuruŋ doloŋ ird ird mata niŋ yitiŋ. Irde Al Kuruŋyen ya balem al beleŋ irtiŋ goke manaŋ yitiŋ.