Aposel 7:49 - Al Kuruŋyen Mere Igiŋ

^49-50 ‘Be, Al Kuruŋ beleŋ gaha yiriŋ: Megeŋya naŋkiŋya det kuruŋ gabe nigeŋ yirmiriŋ. Irdeb naŋkiŋbe nere keperd keperd gasuŋ irde, megeŋbe kahaŋne kerd kerd det irmiriŋ. Niŋgeb ya dahade go goyen irde nuneŋ yeŋ ha? Ne heŋ heŋ gasuŋbe al beleŋ epte ma ird nunnayiŋ,’ yiriŋ. Aisaia 66:1-2

Aposel 7:49 ပူးပေါင်းရင်းမြစ်များ

Matiyu 23:22

Irde naŋkiŋbe Al Kuruŋyen maroro gasuŋ. Niŋgeb al kura naŋkiŋ deŋe urde biŋa tiyyeŋbe maroro gasuŋ go po moŋ, go hende keperde hi Al goyen manaŋ gog po deŋe uryeŋ. Niŋgeb biŋa tinayiŋbe go po gama irde hinayiŋ.

Matiyu 24:2

Irkeb Yesu beleŋ, “Ya kenhaŋ kuruŋ gayenbe fudinde wor po dineŋ hime. Hora ya irtiŋ yeneŋ haŋ gabe uŋkureŋ muŋ kura epte ma gasuŋeŋde hiyeŋ. Tumŋaŋ pir irnayiŋ,” yinyiŋ.

Yon beleŋ mere igiŋ Yesu niŋ yitiŋ gayen kayyiŋ 4:21

Irkeb Yesu beleŋ inyiŋ. “Bere, merene ga fudinde yeŋ nura ko. Nanne doloŋ irniŋ yeŋbe dugure gorya Yerusalem taundeya po ma doloŋ irtek nalu goyen forok yiyyeŋ.

Yuwarwar 3:21

Niŋgeb al kura mata buluŋya kandukya goyen fole yirnayiŋ marbe ne beleŋ al buluŋ fole irde deŋne yaŋ wor po heŋ Adoneya har gwahade goyen po, yeŋ wor doyaŋ mar karkuwaŋ heŋ neya heŋ heŋ saŋiŋ goyen yuneŋ.