Aposel 27:11 - Al Kuruŋyen Mere Igiŋ

^11-12 Gega al budam beleŋ, “Garbe meŋe nalure hakwa hitek moŋ geb, Finiks taunde kuniŋ. Gorbe naŋa buluŋ heke hakwa hitek gasuŋ igiŋ geb, taunde gor heŋ meŋe goyen doyaŋ irde hiteke waŋ fole tike gab kutek,” yamiŋ. Finiks taun gobe Krit motmot goyen muruŋ, naŋa kurkur beleŋ mat hinhin. Be, al budam gwaha yekeb Yulius beleŋ Polyen mere gama irtiŋeŋbe hakware niŋ meteŋ marte doyaŋ alya hakwa gote miŋ al gote mere po fudinde yeŋ nuryiŋ.

Aposel 27:11 ပူးပေါင်းရင်းမြစ်များ

Aposel 27:21

Be, al buda kuruŋ go dula ma tike kuŋ kuŋ nalu ulyaŋde hiriŋ. Irkeb Pol beleŋ huwarde gaha yinyiŋ: “Mel, mere dirmiŋ goyen nurdeb Krit motmot ma tubul titiŋ manhan kanduk kuruŋ gahade ma kentewoŋ. Irde hakware niŋ detya samuŋya kuruŋ gayen ma yemeywoŋ.

Hiburu 11:7

Be, Noabe Al Kuruŋ niŋ hekkeŋ nurde hinhin. Niŋgeb kame mata forok yiyyeŋ goke Al Kuruŋ beleŋ inke nurdeb meremiŋ po gama iryiŋ. Irdeb hakwa kuruŋ wor po kura irdeb diriŋmiŋmiŋ goyen daha kamnak yeŋ hakwa bana goŋ yiryiŋ. Yeŋ beleŋ mata gwaha tiyyiŋ goreb goyenter niŋ alya bereyat mata buluŋ kawan yikala yiryiŋ. Irkeb Al Kuruŋ niŋ hekkeŋ nurde haŋyen mar Al Kuruŋ beleŋ al huwak yineŋ hiyen gwahade po, yeŋ wor al huwak inyiŋ.

Yems 3:4

Be, hakwa wor gwahade po. Hakwa kuruŋ wor po goyen meŋe tareŋ huwarde tuktawaŋ irde hiyeŋ. Goyenbe hakwa go teŋ kuŋ hiyeŋ al gore goŋ kura kwe yeŋ nurdeb hakwa tigiri teŋ teŋ det dirŋeŋ muŋ hakwa kimyaŋ beleŋ hi goyen tigiri tikeb hakwa kuruŋ goyen al gote dufay po gama irde kuyeŋ.

Yuwarwar 18:17

Goyenbe samuŋmiŋ kuruŋ gobe bemel po hubu hihi!’ yenayiŋ. “Niŋgeb hakwa doyaŋ yird yird marte karkuwaŋmiŋ, irde alya bereya hakwa hende kuŋ haŋ mar, hakwa hende meteŋ teŋ haŋ maryabe makaŋ alare heŋ dapŋa yade hora teŋ haŋ marya tumŋaŋ bere go tubul teŋ gisaw po hinayiŋ.