Aposel 22:18 - Al Kuruŋyen Mere Igiŋ

¹⁸ Irkeb Doyaŋ Al Kuruŋ beleŋ, ‘Taunde gar niŋ marbe ge beleŋ ne niŋ tagalde ha gayen fudinde yeŋ ma nurde asogo girnayiŋ geb, araŋ po Yerusalem ga tubul teŋ hoyaŋde kwa,’ ninyiŋ.

Aposel 22:18 ပူးပေါင်းရင်းမြစ်များ

Matiyu 10:14

Al kura gargar ma dirde meretiŋ ma nurkeb mel gore Al Kuruŋyen mere pel irhet yeŋ bebak tinaŋ yeŋbe kahaŋtiŋde niŋ tupi go busaŋ heŋ gab ya wet ma taun wet kura goyen tubul teŋ kunayiŋ.

Matiyu 10:23

Niŋgeb ne niŋ teŋ buluŋ buluŋ dirkeb busaharde hoyaŋde kuŋ hinayiŋ. Fudinde wor po dineŋ hime. Deŋbe Israel naŋa bana niŋ taun kuruŋ gayen meteŋ teŋ kuŋ pasi ma irkeya ne Al Urmiŋ gayen mulgaŋ heweŋ.

Luk beleŋ Yesu niŋ yitiŋ mere igiŋ kayyiŋ 21:21

Be, go nalu goyenbe Yerusalem niŋ marbe mata buluŋmiŋ gote muruŋgem tenayiŋ yeŋ Al Kuruŋyen asaŋde katiŋ hiyen go gwahade po forok yiyyeŋ. Niŋgeb fuleŋa mar beleŋ taun go milgu irde hike yeneŋbe Yudia naŋare haŋyen marbe busaharde dugure hurkunayiŋ. Yerusalem taunde haŋyen marbe busaharde siŋare kat kunayiŋ. Irde al tiyuŋ hoyaŋde haŋyen marbe taun biŋde ma hurkunayiŋ.

Aposel 3:19

Niŋgeb mata buluŋtiŋ yubul teŋ Al Kuruŋ hitte mulgaŋ henayiŋ. Irkeb Doyaŋ Al Kuruŋniniŋ beleŋ mata buluŋtiŋ halde duneŋbe tontiŋ tareŋ yiryeŋ.

Aposel 9:29

Gwaha teŋ heŋyabe Yuda mar Grik mere teŋ hitiŋ goya kadom mohoŋde teŋ hinhan. Irkeb daha mat kura mayteke kami yeŋ epte ma tiyamiŋ.

1 Korin 9:1

Be, deŋ beleŋ ne niŋ yeŋ, “Dufaymiŋde epte ma det kura iryeŋ,” yeŋ nurd nuneŋ haŋ? Irde ne gayen Yesuyen mere basaŋ al aposel moŋ yeŋ haŋ? Irde Doyaŋ Al Kuruŋniniŋ Yesu Kristube ma kinyiŋ yeŋ nurde haŋ? Goyenpoga Doyaŋ Al Kuruŋyen saŋiŋde meteŋ timiriŋ gote igineŋbe deŋ gogo moŋ? Goyenbe daniŋ gwaha yeŋ haŋ?