Aposel 2:30 - Al Kuruŋyen Mere Igiŋ

³⁰ Goke teŋbe Dewit beleŋ mere tiyyiŋ gobe yiŋgeŋ ge ma yiriŋ. Yeŋbe Al Kuruŋyen mere basaŋ al geb, Al Kuruŋ beleŋ biŋa teŋya, ‘Kame Dewityen miŋde niŋ al kura yiŋgeŋ yara po forok yeŋbe gasuŋmiŋ teŋ Doyaŋ Al Kuruŋ hiyyeŋ,’ yiriŋ goyen nurde hinhin.

Aposel 2:30 ပူးပေါင်းရင်းမြစ်များ

Matiyu 22:43

Irkeb Yesu beleŋbe, “Dewit urmiŋ yeŋ haŋ gega, dahade niŋgeb Holi Spirit beleŋ Dewit ketal urkeb urmiŋ goyen, ‘Gebe Kuruŋne,’ inyiŋ? Dewit beleŋ Mesaia niŋ gaha yiriŋ:

Matiyu 27:35

Yesu go kuruse hende kerde hikeb uliŋ umŋamiŋ ganuŋ beleŋ yawaryeŋ yeŋ yende matare tiliŋ tanardeb pota yiramiŋ.

Mak beleŋ Mere igiŋ Yesu niŋ yitiŋ kayyiŋ 12:36

Dewit yiŋgeŋbe Holi Spirit beleŋ ketal urke mere tiyyiŋbe gahade: ‘Al Kuruŋ beleŋbe Doyaŋ Al Kuruŋne gaha inyiŋ: “Waŋ ketalner heŋ al deŋem yaŋ wor po hawayiŋ. Irkeb asogo girde haŋ mar goyen bul yirde yawamekeb gasa yirde yufurka tiyayiŋ,” inyiŋ,’ yitiŋ hi. Tikiŋ 110:1

Luk beleŋ Yesu niŋ yitiŋ mere igiŋ kayyiŋ 24:44

Irdeb, “Nebe deŋya tumŋaŋ hinhetyabe Moseya Al Kuruŋyen mere basaŋ marya beleŋ mere kayamiŋ irde Tikiŋ Asaŋde kayamiŋ gote miŋbe waŋ waŋ ne hitte mata kawan forok yenayiŋ dinmeke nurde hinhan gobe gago nenhaŋ,” yinyiŋ.

Aposel 1:16

“Be, kadne yago, nebe Iskariot niŋ al Yudas niŋ yeweŋ tihim. Yeŋbe Yesu beleŋ basiŋa irde meteŋ unyiŋ. Irke neŋya tumŋaŋ meteŋ teŋ hinhet. Gega yeŋ beleŋ Yesu maytek mar goyen beleŋ kerde yunke kuŋ Yesu tamiŋ. Niŋgeb al gore mata buluŋ gwahade tiyyeŋ yeŋ bikkeŋ Holi Spirit beleŋ Dewit dufay unke mere Al Kuruŋyen asaŋde katiŋ gobe gayenter fudinde gwahade po forok yiyuŋ,” yinyiŋ.

Rom niŋ Yesuyen alya bereya hitte Pol beleŋ asaŋ kayyiŋ 1:3

Al Kuruŋ Urmiŋ al hiriŋ gobe Israel marte doyaŋ al kuruŋ Dewityen miŋde mat forok yiriŋ.

Rom niŋ Yesuyen alya bereya hitte Pol beleŋ asaŋ kayyiŋ 15:12

Irde Aisaia beleŋ gahade kayyiŋ: “Yesiyen miŋde niŋ al kura forok yiyyeŋ. Yeŋ beleŋ al miŋ hoyaŋ Yuda mar moŋ doyaŋ yireŋ yeŋ wayyeŋ. Irkeb mel gobe yeŋ beleŋ waŋ igiŋ yird yird niŋ doyaŋ heŋ hinayiŋ,” yitiŋ hi. Aisaia 11:10

2 Timoti 2:8

Be, bikkeŋ Israel marte doyaŋ al kuruŋ Dewit gote miŋde niŋ al Yesu Kristu, Al Kuruŋ beleŋ kamyiŋde mat isaŋ hekeb huwaryiŋ al goke bege sir ma yiyyeŋ. Yesu niŋ ginhem gabe mere fudinde ne beleŋ tagalde tukuŋ himyen gogo.

Hiburu 1:1

Bikkeŋbe Al Kuruŋ beleŋ asininiŋ yago mere yire yeŋbe mere basaŋ marmiŋ porofet wawuŋ budamde yad yerke waŋ asininiŋ yago mere yirde hinhan. Goyenterbe porofet gore asininiŋ yago daha mat bebak tiwoŋ yeŋ mere yird yird belŋeŋ kurayen kurayen mat mere yirde hinhan.

Hiburu 3:7

Niŋgeb Holi Spirit beleŋ gaha yiriŋ: “Haŋka gayen Al Kuruŋyen mere nurde haŋ kenem

Hiburu 4:7

Goyenbe naŋa nalu “Haŋka” ineŋ haŋyende niŋ alya bereya beleŋ usaŋ gasuŋde hurkunayiŋ yeŋ dufaymiŋ kirtiŋ goyen goke kamebe Dewit inyiŋ. Munaŋ naŋa nalu “Haŋka” ineŋ haŋyende niŋ alya bereya gobe gayenter niŋ alya bereya niŋ yitiŋ. Al Kuruŋ beleŋ Dewit inyiŋ gobe asaŋmiŋde gahade katiŋ hi: “Haŋka gayen Al Kuruŋyen mere nurde haŋ kenem tonaŋtiŋ tareŋ ma irde meremiŋ nurde hinayiŋ,” yitiŋ. Tikiŋ 95:7-8

Hiburu 6:17

Niŋgeb Al Kuruŋ wor yiŋgeŋ deŋe urde biŋa teŋ hinhin. Gogab Al Kuruŋ beleŋ yeŋ ge teŋ biŋa tiyyiŋ mar gore Al Kuruŋbe dufaymiŋ hoyaŋ ma irde hiyen goyen yeŋ beleŋ nurwoŋ yeŋbe gogo yiŋgeŋ deŋe urde biŋa teŋ hinhin.

Hiburu 7:21

Yesu beleŋ pris hiriŋ goke muŋ po Al Kuruŋ beleŋ asaŋmiŋde gaha yiriŋ: “Doyaŋ Al Kuruŋ beleŋ biŋa teŋbe, ‘Gebe hugiŋeŋ pris hayiŋ,’ inyiŋ. Irdeb meremiŋ goyen tubul ma tiyyeŋ,” yiriŋ. Tikiŋ 110:4

2 Pita 1:21

Al Kuruŋ beleŋ porofetmiŋ yinke tagalamiŋ gobe alyen dufayde ma tagalamiŋ. Gwaha titŋeŋbe Al Kuruŋ beleŋ mere yunke gab Holi Spirityen saŋiŋde basaŋ heŋ tagalamiŋ.

Yuwarwar 17:14

Irde mel gore Sipsip dirŋeŋ goyen asogo irdeb fuleŋa irnayiŋ. Goyenpoga Sipsip dirŋeŋ gobe doyaŋ marte Kuruŋmiŋ, irde doyaŋ mar karkuwaŋ gote Kuruŋmiŋ geb, mel goyen fole yiryeŋ. Sipsip dirŋeŋ gote alya bereya yeŋ beleŋ hoy yirde basiŋa yirkeb biŋde mat fudinde po gama irde haŋ mar wor yeŋya gabu heŋbe doyaŋ mar karkuwaŋya dapŋa duwi kafuramya goya arde fole yirnayiŋ,” ninyiŋ.

Yuwarwar 19:16

Amil hor irtiŋ go hendeya bulhekdeyabe deŋe kura gahade katiŋ hinhin: MEGEN NIŊ DOYAŊ MAR KARKUWAŊDE KURUŊMIŊ, IRDE DOYAŊ MARTE KURUŊMIŊ