2 Yon 1:7 - Al Kuruŋyen Mere Igiŋ

⁷ Be, usi mar budam megen gar forok yeŋ tukuŋ haŋ. Go mar goreb, “Yesu Kristube megen gar forok yiriŋ gega, al heŋ ma forok yiriŋ,” yeŋ haŋyen. Saba gwahade tagalde haŋ mar gobe usi mar, irde Yesu Kristuyen asogom.

2 Yon 1:7 ပူးပေါင်းရင်းမြစ်များ

Yon beleŋ mere igiŋ Yesu niŋ yitiŋ gayen kayyiŋ 1:14

Be, Mere gore po al heŋbe neŋya hinhet. Irdeb tareŋmiŋ turŋuŋ yaŋ wor po goyen dilniniŋde wor po keneŋ hinhet. Tareŋmiŋ turŋuŋ yaŋ gobe Al Kuruŋ beleŋ Urmiŋ uŋkureŋ muŋ goyen unyiŋ. Yeŋbe al buniŋeŋ yirde faraŋ yurd yurd matamiŋ kuruŋ wor po. Irde mere fudinde manaŋ makiŋ wor po hinhin.

1 Timoti 3:16

Fudinde wor po, Yesu niŋ yitiŋ mere gobe al mali mali beleŋ bebak titek moŋ. Al Kuruŋ beleŋ faraŋ yurke gab igiŋ bebak tinayiŋ. Be, Yesu niŋ yitiŋ mere miŋbe gahade: Yesu Kristube Al Kuruŋyen dufay gama irde bere biŋde forok yeŋ kawaŋ hiriŋ. Holi Spirit beleŋ yeŋbe Al Kuruŋ Urmiŋ wor po yeŋ yikala yiryiŋ. Al Kuruŋyen miyoŋ wor Yesu kamtiŋde mat huwaryiŋ goyen kenamiŋ. Irkeb Naniŋ hitte mulgaŋ heŋ hurkuŋbe deŋem turŋuŋ yaŋ wor po hiriŋ. Niŋgeb yeŋ gama irde hinhan mar beleŋ tagalde tukukeb megen niŋ mar beleŋ go nurdeb gor mat po dufaymiŋ yeŋ ge tareŋ iramiŋ. Be, mere gabe Yesu gama irde haŋ mar beleŋ keŋkela po nurde gama irde hinayiŋ.

1 Yon 2:26

Be, nebe mata buluŋde katnayiŋ yeŋ bitiŋ yawarniŋ kurut yeŋ haŋ mar goke hayhay dire yeŋ asaŋ gago kaŋ duneŋ hime.

Yuwarwar 12:9

Be, deregon gobe takira tikeb megen katyiŋ. Deregon gobe kunere bikkeŋ hinhin go goyen. Gobe deŋem kurabe Uŋgura, kurabe Satan ineŋ haŋyen. Yeŋ beleŋ alya bereya megen haŋ kuruŋ gayen usi yirke mata buluŋde kateŋ haŋyen. Deregon go temeyke megen katyiŋyabe miyoŋmiŋ yago manaŋ tumŋaŋ katamiŋ.

Yuwarwar 13:14

Yeŋbe dapŋa kadom meheŋde wayyiŋ gote diliŋ mar mata tiŋeŋ turŋuŋ yaŋ forok yirdeb go hende huwarde alya bereya megen haŋ kuruŋ gayen usi yiryiŋ. Irde dapŋa duwi kadom kafuram fuleŋare niŋ bidilare dagim yaŋ irtiŋ gega go ma kamyiŋ goyen turuŋ ird ird niŋbe dapŋa gote toneŋ irnaŋ yinyiŋ.