1 Pita 2:6 - Al Kuruŋyen Mere Igiŋ6 Goke teŋbe Al Kuruŋyen asaŋde gahade katiŋ hi: “Ga nurnaŋ. Ne beleŋ Saion bana goŋ hora kura kereŋ. Hora gobe tola kahalte niŋ yara, bikkeŋ basiŋa irde delner igiŋ wor po irmiriŋ. Niŋgeb al kura yeŋ ge hekkeŋ nuryeŋbe epte ma memya hetek hinayiŋ,” yitiŋ hi. Aisaia 28:16; Efesus 2:20 အခန်းကိုကြည့်ပါ။ |
“Be, kadne yago, nebe Iskariot niŋ al Yudas niŋ yeweŋ tihim. Yeŋbe Yesu beleŋ basiŋa irde meteŋ unyiŋ. Irke neŋya tumŋaŋ meteŋ teŋ hinhet. Gega yeŋ beleŋ Yesu maytek mar goyen beleŋ kerde yunke kuŋ Yesu tamiŋ. Niŋgeb al gore mata buluŋ gwahade tiyyeŋ yeŋ bikkeŋ Holi Spirit beleŋ Dewit dufay unke mere Al Kuruŋyen asaŋde katiŋ gobe gayenter fudinde gwahade po forok yiyuŋ,” yinyiŋ.
Al Kuruŋyen mere asaŋde katiŋ gobe tumŋaŋ Al Kuruŋ beleŋ bikkeŋ meteŋ marmiŋ ketal yurke asaŋde kayamiŋ geb tonŋeŋ yaŋ. Niŋgeb al kura beleŋ kapyaŋ hekeb mata damiŋbe fudinde goyen mere gore saba yirde mata buluŋmiŋ yikala yirke bebak teŋbe yubul teŋ haŋyen. Irde mere gore Al Kuruŋ diliŋde mata huwakbe gogo yeŋ yikala yirde hi.
Irde, “Hora kura al beleŋ kukuhuk yurde yakteŋ gasa yiryeŋ. Hora kuruŋ kura gore yirke al yakteŋ gasa yiryeŋ,” yitiŋ hi. Aisaia 8:14-15 Niŋgeb yitiŋ gwahade po mel gobe Yesuyen mere ma gama irdeb gogo yakteŋ gasa yirde hiyen. Mel go gwaha teŋ haŋyen gobe Al Kuruŋ beleŋ gwahade po teŋ hinayiŋ yeŋ bikkeŋ dufay kiryiŋ goyen po gama irde haŋyen.
Nalu funaŋ niŋ asaŋde kaŋ hiyen kuruŋ gobe ne beleŋ dineŋ hime mere miŋ uŋkureŋ goke po katiŋ. Goyenbe mere kura asaŋmiŋde haŋ gobe bebak teŋ teŋmiŋ meteŋeŋ geb, Al Kuruŋyen mere keŋkela ma nurde go hende saŋiŋ ma huwarde haŋ marbe soŋ heŋ kukuwam mat nurde haŋyen. Mel gobe Al Kuruŋyen mere hoyaŋ wor gwahade po soŋ heŋbe Al Kuruŋ beleŋ buluŋ yirtek bana goŋ kateŋ haŋyen.