1 Korin 8:5 - Al Kuruŋyen Mere Igiŋ

⁵ Gega megen niŋ marbe dufaymiŋ soŋ hekeb uŋgura kurayen kurayen gobe Al Kuruŋ yeŋ nurdeb, “Al Kuruŋbe budam haŋ. Doyaŋ Mar wor budam haŋ. Kurabe naŋkiŋde haŋ, kurabe megen haŋ,” yeŋ haŋyen.

1 Korin 8:5 ပူးပေါင်းရင်းမြစ်များ

Matiyu 27:17

Be, Pailatbe yiŋgeŋ dufaymiŋdeb, ‘Yuda marte doyaŋ mar gabe al budam Yesu gayen gama irde hike yeneŋbe daniŋ neŋ gwahade moŋ yeŋ nurdeb yeŋ ge igiŋ ma nurde mayke kami yeŋ gago tawayhaŋ,’ yeŋ nuryiŋ. Niŋgeb al buda kuruŋ goyen gabu irkeb, “Al damiŋ tubul timeke kuyeŋ? Barabas ma Mesaia ineŋ haŋ Yesu gayen?” yeŋ gusuŋaŋ yiryiŋ.

Galesia 4:8

Be, hakotbe Al Kuruŋ ma nurde uneŋ hinhan goyarebe megen niŋ tikula po gama irde uŋgurayen yufuk bana po heŋ yeŋ ge kafura heŋ hinhan. Goyenbe uŋgura gobe Al Kuruŋ moŋ.

2 Tesalonaika 2:4

Munaŋ Mata Buluŋ Al wor po gobe megen niŋ al beleŋ Al Kuruŋniniŋ yeŋ det kuruŋ gayen doloŋ yirde haŋyen goyen fole yirhem yeŋ nurdeb yiŋgeŋ turuŋ irde hiyeŋ. Irde Al Kuruŋyen ya balem bana goŋ hurkuŋ gasuŋ himam wor po bana goŋ heŋbe al diliŋde, “Nebe Al Kuruŋ,” yiyyeŋ. Al gobe gwaha matbe Al Kuruŋ asogo iryeŋ.