1 Korin 7:16 - Al Kuruŋyen Mere Igiŋ

¹⁶ Deŋ Yesu niŋ nurtiŋ bere, deŋ ge teŋ almetiŋbe Yesu niŋ dufaymiŋ tareŋ irke Al Kuruŋ beleŋ yawaryeŋ daw yeŋ ma nurde haŋ? Irde deŋ Yesu niŋ nurtiŋ al, deŋ ge teŋ bertiŋbe Yesu niŋ dufaymiŋ tareŋ irke Al Kuruŋ beleŋ yawaryeŋ daw yeŋ ma nurde haŋ? Niŋgeb Yesu niŋ nurtiŋ kura beleŋ uŋ wet ma berem wet goyen Yesu niŋ ma nurtiŋ goke teŋ tubul ma tiyyeŋ.

1 Korin 7:16 ပူးပေါင်းရင်းမြစ်များ

Luk beleŋ Yesu niŋ yitiŋ mere igiŋ kayyiŋ 15:10

Niŋgeb fudinde dinhem. Gwahade goyen po, al kura mata buluŋmiŋ yubul teŋ Al Kuruŋ niŋ biŋ mulgaŋ hiyyeŋ gobe Al Kuruŋyen miyoŋ beleŋ al goke amaŋeŋ wor po nurnayiŋ,” yinyiŋ.

Rom niŋ Yesuyen alya bereya hitte Pol beleŋ asaŋ kayyiŋ 11:14

Gwaha teŋ himekeb nigen al Israel mar goyen neneŋbe, “Daniŋ neŋbe gwahade ma hite?” yeŋ biŋ huwarke mel goyen kura Yesu nurd unkeb Al Kuruŋ beleŋ yumulgaŋ tiwoŋ yeŋ nurde gwaha teŋ himyen.

1 Korin 9:22

Irde Yesuyen alya bereya kura Al Kuruŋyen mere hende tareŋ wor po ma huwarde hitiŋ mar go Yesu hitte yukeŋ yeŋbe go mar goyen yara po heŋ himyen. Niŋgeb al dahade mar hitte kuŋ meteŋ teŋ kuŋ heŋyabe go mar goyen yara po heŋ meteŋ teŋ himyen. Gogab daha mat wet kura go mar goyen kura Yesu hitte yukumewoŋ yeŋ gogo gwaha teŋ himyen.

1 Timoti 4:16

Mata teŋ hayiŋ, dufay heŋ hayiŋ goyen gwahadeb buluŋ munaŋ gwahadeb igiŋ goyen keŋkela nurde ga teŋ hayiŋ. Irde al saba yirde hayiŋ goyen manaŋ gwahadeb buluŋ munaŋ gwahadeb igiŋ goyen keŋkela nurde ga saba yirde hayiŋ. Hayiŋ kuruŋ gobe gwaha po teŋ hayiŋ. Gogab gigeŋ manaŋ go ma katayiŋ, irde merege nurde haŋ mar manaŋ go ma katnayiŋ.