1 Korin 16:8 - Al Kuruŋyen Mere Igiŋ

^8-9 Goyenpoga Efesus taunde garbe Al Kuruŋyen meteŋ kuruŋ keŋkela meteŋ titek goyen forok yeŋ hi geb, gar heŋ meteŋ teŋ Pentekos nalu heke gab deŋ hitte kweŋ. Garbe al budam Al Kuruŋyen mere fudinde yeŋ nurde haŋ. Goyenbe budambe asogo nirde haŋ.

1 Korin 16:8 ပူးပေါင်းရင်းမြစ်များ

Aposel 18:19

Be, taun go tubul teŋ kuŋbe Efesus taunde forok yamiŋ. Irdeb Pol go Yuda marte gabu yare kuŋ mel gor niŋ mar goyen, ‘Daha mat kura Yesu niŋ nurwoŋ,’ yeŋ keŋkela po mere yirde hinhin. Gwaha yirde hikeyabe mel gore, “Ulyaŋde heŋ saba dirde hayiŋ,” ineŋ basiŋa iramiŋ. Gega bada yiryiŋ. Irdeb kwe yeŋya, “Kame Al Kuruŋ beleŋ sopte kwa ninke gab wayeŋ,” yinyiŋ. Irdeb hakwa teŋ kuriŋ. Be, Efesus taunde gorbe Prisilaya uŋ Akwilaya goyen yubul tiyyiŋ.

Aposel 19:1

Be, Apolos gobe Akaia naŋa bana go niŋ taun Korin hikeyabe Polbe beleŋmiŋ Galesiaya Frigiaya dugu bana mat kuŋ kuŋ makaŋ siŋare niŋ taun Efesus forok yiriŋ. Gorbe Yesu niŋ dufaymiŋ tareŋ irtiŋ mar kura yinyiŋ.

Aposel 2:1

Be, Yuda marte gabu nalu kura Pentekos yeŋ haŋyen goyen forok yekeb Yesuyen mere basaŋ mar aposel budaya Yesu niŋ dufaymiŋ tareŋ irde hinhan mar tumŋaŋ 120 gobe gasuŋ uŋkureŋde po gabu iramiŋ.

Aposel 20:16

Be, gwahade teŋ kuŋ hinhetya goyenbe Polbe, “Esia naŋare mosoyŋeŋ po teŋbe epte ma Yerusalem kuŋ Pentekos nalu keneŋ,” yeŋ nurdeb, “Esia naŋa bana goŋ niŋ taun Efesus ma kutek,” yiriŋ.

1 Korin 15:32

Ne gayen Efesus taunde niŋ mar kulu duwi yara gore buluŋ wor po nirke kanduk go fole ire yeŋ kurut yeŋ hinhem. Goyenbe dufay igiŋ moŋ megen gar po igiŋ heŋ heŋ ge dufay bener kerde gwaha timiriŋ manhan matane gore da igiŋ forok irde nunwoŋ? Hubu wor po. Al kamtiŋ epte ma sopte huwarnayiŋ kenem, “Gisebe kamtek. Niŋgeb dula teŋ kukuwa fe nene amaŋ po hiniŋ,” yeweŋ.