Hebru 5:8 - Jamaw ta Marbinto: Kabarre ta Gala ɗo bi ka Iisa Masi iŋ daŋla

⁸ Ŋa Roŋ ka Buŋdi. Kar iŋ taar-ata oki, ŋa ɓilde karaamin iŋ botol ta taaɓiner.

Hebru 5:8 ပူးပေါင်းရင်းမြစ်များ

Matiye 3:15

Iisa gay telkiiji aman : « Paaɗo, diŋ ginteŋ maanna-aŋ ampaa di, asaan gii necin taat Buŋ rakiyo. » Hiyya, Yaaya ooytu, ŋa batiziyiig Iisa.

Yaaya 10:18

Ginno gem kaak yaan deendu, nu meendu ko bera zir ɗo muuti. Nu gin botol taat naa mate ho nu gin gudurre taat naa nooye. Aŋ maan kaak Tanni kaawiidu a naa gine. »

Yaaya 15:10

Ya ku karmiyaat kaawor, kuu goyguwe ɗo ele kanto-aka. Nun oki, nu karmiyiit kaaw taat Tanni kaawiidu ho nu goyiy ɗo elin̰ji.

Yaaya 4:34

Iisa ɗiyiico aman : « Nun, teendu, illa naa ginin taat ŋaar kaak n̰aamintu rakiyo ho naa gaasin ja tak riy taat ŋa beriidu. »

Yaaya 6:38

Nu poocaagɗo-ak, asaan ya nu paay min ka samaaner, nu paay a naa gine riy ta ŋaar kaak n̰aamintu. Yampa, nu bal paaye a naa gine riy taat nu rakiy di.

Pilipiyen 2:8

Ŋa goy dalulle. Ŋa karmiyiig Buŋ ɗo ay maanna. Ŋa rasig ziy nam ŋa ooytu muutu, muut ta eemner taat kuwa ka etor.

Hebru 1:2

Diŋ gay, ɗo wiktin ta ba aaro, ŋa kaawte lote iŋ biy ka Roŋji. Iŋ ŋaar ko, Buŋ kilgiyiit duniine iŋ gamin okin̰co kuuk goy kuwa ho keɗer, ho ŋa rasiijig okin̰co-aŋ ɗo pisin̰ji.

Hebru 1:5

Ka seener, ƴiriy rakki, Buŋ bal kaawe ɗo rakki min ɗubilji aman : « Kiŋke-aŋ ko Roŋdu, min ƴiriyta-aŋ, ŋuu ibine kadar nun ko takko. » Ho ŋa bal kaawe tak-tak ɗo bi ka rakki minninco aman : « Nun, naa gine Tacco kan̰ji ho ŋaar gay yaa gine Roŋdu kanto. »

Hebru 1:8

Kar ɗo Roŋji gay, ŋa kaawji aman : « Kiŋ kaak Buŋ, ki goy doo ka sees ka sultan. Ki hokumiyaag gee iŋ botol.

Hebru 3:6

Kar Iisa Masi gay, ŋaar nec a Buŋ yaa amniyin̰ji ar Roŋ kaak goy ɗo kaay ka ger ka Buŋdi. Kar geriy-ak gay, ŋaar ginte, ya gi zeeɗa obe tirit ɗo imaante ho ɗo maan kaak gi eriyo. Maan kaak gi eriy-ak ɗeŋraate gi kaawiy bal kolaw ɗo uŋco ka geemir.