Apokalips 15:3 - Jamaw ta Marbinto: Kabarre ta Gala ɗo bi ka Iisa Masi iŋ daŋla

³ Ŋu riyiy riy ta Muusa, gay riyor ka Buŋdi, iŋ ta *Roŋ Tamgi aman : « *Rabbin Buŋ gudurre okintiti ɗo pisin̰ji. Riy taat ki giniy-an taar dakina ho ta ajbay. Kiŋke ko Sultan ka darriniydi, gamin kuuk ki giniy-aŋ okin̰co ŋuur ɗo botilco ho ŋuur ka seener.

Apokalips 15:3 ပူးပေါင်းရင်းမြစ်များ

Yaaya 1:17

Awalle Buŋ berteŋ *gaanuun min ɗo pise ka Muusa. Kar barkin iŋ seen gay, Buŋ berteŋgu iŋ ase ka Iisa Masi.

1 Timote 1:17

Ɗo Sultan kaak keeji di Buŋ, kaak ginno teesin̰ji wala gaasin̰ji, kaak matɗo, kaak gee talgigɗo, loci ko horoomine iŋ *darjine elgin iŋ elgina ! *Aamin.

Hebru 3:5

Muusa gay, ka seener, ŋaar nec a Buŋ yaa amniyin̰ji ar gay riyoy ɗo *ger ka Buŋdi okin̰ji. Riyoy-at ta gaare ɗo geemir kaaw taat Buŋ asiy kaawe neginda.

Apokalips 1:8

*Rabbin Buŋ kaak gudurre okintit ɗo pisin̰ji ɗiy aman : « Nun ko Alpa ho Omega, nun kaak goy min awalle, kaak goy diŋka ho kaak yaa ase. »

Apokalips 11:17

Ŋu kaawtu aman : « *Rabbin Buŋ, kiŋ kaak gudurre okintiti ɗo pisin̰ji. Kiŋ Buŋ kaak goye ho diŋ sa ki goya. Ni delaajiŋ barkine asaan iŋ gudurre tan̰jiŋ kat, ki teet *Meennuwin̰.

Apokalips 14:3

Kar gee kuuk ŋu diyco tompo ka Roŋ Tamgi ɗo uŋninco-ak, okin̰co, ŋu riya riy ta marbinto ɗo uŋji ka sees ka sultan, ɗo aginiydi, ho ɗo gamin kuuk pooɗ siikimaw-aku. Riy taat ŋu riy-at, waan gedarro riyinti, illa gee kuuk gin tompo ka Roŋ Tamgi-ak di gedar riyinti, ŋuur kuuk Buŋ jilig min ɗo duniiner.

Apokalips 14:8

Kar nu taltu pey ɗubil ka Buŋdi ka seeriŋkar. Ŋa ɗiytu aman : « Ŋu idta, ŋu idta. Babiloon, hellin taat yaarko-an, ŋu idta. Gee kuuk min darrinay okin̰co see aaye iŋ ɓaaƴe kaak mun̰jam-aŋka. »

Apokalips 17:14

Sultinnay-ak yaa taasin̰in̰ *Roŋ Tamgi, kar ŋaar gay yaaco nosire, asaan ŋaar di *Rabbin ka rabbinniidi ho Sultan ka sultinniidi. Ŋaaco nosire iŋ ŋuur kuuk ŋa koltu ho ŋa doɓtu ho bal rase botiliy. »

Apokalips 19:16

Ŋu siirig siŋji ku pey ɗo batkoy ho ɗo tumkey aman : « Sultan ka sultinniidi ho Rabbin ka rabbinniidi. »

Apokalips 19:2

Seriinay kun̰jiŋ, ŋuur ka seener ho ɗo botilco. Buŋ ɗukumtit seriin ɗo azbin̰ca taat yaarko taat nigig kiɗa iŋ azbinnuwti. Ho ŋaati peyin ɗo kaati ɗo dee kaak ta deeyig gay riyor ku Buŋdi. »

Apokalips 4:8

Gamin kuuk pooɗ-ak, okin̰co gin gezgir bijigiƴ bijigiƴ. Gezgirco-ak anuwco odin di, min kara yoo atta oki. Aando, ƴiriyo, ŋu riya di. Riyinco gay aman : « Sellen̰, sellen̰, sellen̰, Kiŋ *Rabbin Buŋ kaak gudurre okintiti ɗo pisin̰ji. Ki goy min awalle, ki goy diŋka ho ki asa goye. »