Riy ta paliinna ku Iisa Masi Akt 11:1 - Jamaw ta Marbinto: Kabarre ta Gala ɗo bi ka Iisa Masi iŋ daŋla

¹ Siŋta kuuk min Zuude iŋ paliinna dortu kadar gee kuuk Yuudinnaɗo cokiyit kaaw ta Buŋdi, ŋuur oki ooyiita.

Riy ta paliinna ku Iisa Masi Akt 11:1 ပူးပေါင်းရင်းမြစ်များ

Matiye 2:1

Ŋu weeyig Iisa ɗo hellin ta Beteleyem ɗo kiɗ ka Zuude ɗo wiktin taat sultan kaak ŋu koliy *Herood tiya misa meennuwiy. Min ŋu weeyiiga, gay ibine kaalnal uctu min coke ka pati ho ŋu ɓaawtu Zeruzaleem.

Matiye 8:11

Nu kaawaako pey, gee dakina yaa ase min coke ka pati wala min gale ka pati, ŋuu goye keɗer ɗo tee ka iidin ta *Meennaw ta Buŋdi iŋ Ibraayim, Isaaka ho iŋ Yakuub.

Maark 16:5

Wiktin taat ŋu un̰jiyo, ŋu gastu ɗubil rakki goy keɗer iŋ serip ta meeda. Ɗubil-ak is kesuun portiko. Min ŋu taliiga-ak, kolaw obiigu.

Kabarre ta Gala ta Luk 2:32

Taar portikaw ɗo gee okin̰co a ŋuu ibinin̰ji, ho taar *darjine ɗo geen̰jiŋ ku Israyeel. »

Riy ta paliinna ku Iisa Masi Akt 1:15

Ɗo mena ŋuur-ak, ƴiriy rakki, gee ku aamine n̰umtu maan ka miya iŋ orok seer (120) gemo. Ɗo wiktin taar-at, Piyer uctu ɗatikco ho ŋa kaawtu aman :

Riy ta paliinna ku Iisa Masi Akt 11:29

Min maajirna dortu pa-ak, ŋu ictu niyine a ay gem di yaa bere maanna ɗo gee kuuk aamine kuuk goy ɗo kiɗ ka Zuude. Ay gem di yaa bere ɗo wer kaak pisin̰ nectu di.

Riy ta paliinna ku Iisa Masi Akt 14:27

Wiktin taat ŋu ottu ɗo wer-aka, ŋu n̰umiig gee ku Eglizdi. Kar ŋu osiicog gamin okin̰co kuuk Buŋ gintu iŋ ŋuura. Ŋu osiico pey maman Buŋ gaariico botol ɗo gee kuuk Yuudinnaɗo ho maman ŋuur oki aamintu ɗo Iisa Masi.

Riy ta paliinna ku Iisa Masi Akt 15:3

Min pa-ak, gee ku Egliz ka Antiyoos beriico zaadin ka botildi, kar ŋu n̰aamiigu. Min ŋu n̰aamgu, ŋu aaltu kiɗ ka Penisi ho iŋ ka Samari. Ɗo botildi, ŋu gastu siŋta ho ŋu osiicot okintit kaaw taat gee kuuk Yuudinnaɗo din sa ooyit kaaw ta Buŋdi. Ho okin̰co, maanna-ak berco galal dakina.

Riy ta paliinna ku Iisa Masi Akt 28:15

Gee ku aamine ku Room gas kabarrini a ni asa ɗo botildi. Paa ko, ŋu uctu a ŋuuni ŋaame. Ŋu ŋaaminti ɗo werin kuuk ŋu kolaag « Suugin ta Apiyuus » ho « Geray Subba ku Martir ». Min Pool taliigu, ŋa deliiji barkin ɗo Buŋdi ho ŋa ɗeŋirtu.