1 Piyer 2:6 - Jamaw ta Marbinto: Kabarre ta Gala ɗo bi ka Iisa Masi iŋ daŋla

⁶ Asaan Buŋ kaaw ɗo Kitamner aman : « Taloŋ, aŋ ko dambi kaak nu doɓtu. Nu diyaag ɗo geeger ka Siyon. Ɗo dambi-aŋ ko, dambay ku pey yaa oske kuwa. Waan kaak aamin loci, sokan̰ diyaagɗo tak-tak. »

1 Piyer 2:6 ပူးပေါင်းရင်းမြစ်များ

Matiye 12:18

« Aŋ ko gay riyor kaak nu doɓtu. Nu elgiga ho galilil okintit goy iŋ ŋaara. Naaji bere Ruwwiner. Ŋaar yaa gaare botol taat samaane ɗo darrinay okin̰co.

Maark 12:10

Kar ŋa kaawiico pey aman : Kaaw taat ŋu siirtu ɗo Kitamner-an baati maa ? ‟ Ŋa dambi kaak gay pinindi accitu, Ŋaar ko gin dambi kaak taɓ ka gerdi.

Kabarre ta Gala ta Luk 20:17

Kar Iisa gay taliig ƴalaaŋ ho ŋa kaawiico aman : « Kitamne kaaw aman : ‟ Ŋa dambi kaak gay pinindi accitu, Ŋaar ko gin dambi kaak taɓ ka gerdi. ” Kaaw-an baati maa ?

Kabarre ta Gala ta Luk 23:35

Gee gay talaaga. Ŋuur agindaw ku Yuudinnar oki samtiyaaji aman : « Ŋa jil gee ku pey. Diŋ gay, ŋa jil ziy ka meen̰ji ya ŋaar kat Masi kaak Buŋ doɓtu kare ! »

Yaaya 7:38

Ŋaar kaak aamin iŋ nunu, ar ŋa gas od ta amiydi ɗo gelbiney. Ampaa ko, amay kuuk bera goye yaa gaɗe min ɗo gelbiney ar taat ŋu kaawtu ɗo Kitamner. »

Riy ta paliinna ku Iisa Masi Akt 1:16

« Gem kol siŋtay, ku iban kadar Zuudas, ŋaar minninte ho riyoy sa ba serpite, kar gay, ŋaar di kaak ogirco ɗo ŋuur kuuk as obin̰ Iisa. Maanna-ak as ɗo weriy asaan Ruwwin ta Buŋdi kat kaawji ɗo Dawuud min awalle a ŋaa siirin ɗo Kitamner a taa kuuniye ampa.

Roomen 10:11

Ka seener, ŋu siir ɗo Kitamner aman : « Ay waan kaak aamin loci, sokan̰ diyaagɗo tak-tak. »

Epeeziyen 1:4

Awalle, min Buŋ bal kilgiyin̰ misa kiɗa, ŋa doɓinte asaan ginte n̰um ko iŋ ŋaara. Ampaa ko, gi goyiy *cawar, bal zunuubinna ɗo uŋji. Ɗo bi ka ele kaak ŋa elgiite,

Epeeziyen 2:20

Kuŋ ar dambay kuuk ŋu pintu gero. Kar baay ta ger-ak gay, ŋuur paliinna iŋ nabiinna. Iisa Masi gay, ŋaar oki ar dambi. Kar ka dambi-ak, dambay ku pey oskitu kuwa.

2 Timote 3:16

Ay maktumne ta Buŋdi, taar kaaw ta meen̰ji Buŋ. Kaaw-at, taar ta ɓilde seen ta Buŋdi, ta gaayaag gee yaa ibinin̰ nigin̰co, ŋuu yeepe ɗo botol taat samaane ho ŋuu goye goye kaak Buŋ rakiyo.

1 Piyer 2:4

Sin̰joŋ moota ɗo Rabbin Iisa. Rabbin Iisa-ak, ŋaar ar dambi kaak samaane ka pinindi, kar gay, ŋa goy mento. Awalle, gee poocig ar dambi kaak maala. Kar Buŋ gay doɓga ho ŋa kaalin aale ɗo uŋji.

1 Piyer 2:8

Kitamne kaaw pey aman : « Ŋa dambi ka batkindi. Ŋaar di oki kaak solla gee. » Gee kuuk bal aamine-ak batkiyo, asaan ŋu pooc karmiyin kaaw ta Buŋdi. Taar-an ko taat eraagu.

2 Piyer 1:20

Kar gay, ibinon kaaw-an samaane : kaawin kuuk awalle nabiinna kaawtu ho ŋu siirtu ɗo Kitamner, gem keeji gediraaɗo gase baaco.

2 Piyer 3:16

Ɗo makaatamnay okin̰co, ya ŋa kaawaako ɗo bi ŋaar-ak, ŋaar sa kaawa ko ar tanto-an di. Ka seener gay, goy kaawnay kuuk raɗa. Gee kuuk ibanno maanna ho obɗo bombo makiig kaawnay ku Pool uudin taat ŋu makiig kaawin daarin̰ ku Kitamner. Ansi-ak, ŋu rawtiy ziŋkico.