1 Piyer 2:4 - Jamaw ta Marbinto: Kabarre ta Gala ɗo bi ka Iisa Masi iŋ daŋla

⁴ Sin̰joŋ moota ɗo Rabbin Iisa. Rabbin Iisa-ak, ŋaar ar dambi kaak samaane ka pinindi, kar gay, ŋa goy mento. Awalle, gee poocig ar dambi kaak maala. Kar Buŋ gay doɓga ho ŋa kaalin aale ɗo uŋji.

1 Piyer 2:4 ပူးပေါင်းရင်းမြစ်များ

Matiye 11:28

« Asondu okiŋko kuŋ kuuk rawe min gorko ta ooma ho naako jammiyiŋko.

Matiye 12:18

« Aŋ ko gay riyor kaak nu doɓtu. Nu elgiga ho galilil okintit goy iŋ ŋaara. Naaji bere Ruwwiner. Ŋaar yaa gaare botol taat samaane ɗo darrinay okin̰co.

Matiye 21:42

Iisa gay kaawiico aman : « Ɗo Kitamner, ŋu kaaw aman : ‟ Ŋa dambi kaak gay pinindi accitu, Ŋaar ko gin dambi kaak taɓ ka gerdi. Aŋ ko maan kaak Rabbin Buŋ gintu, Ho ŋa ajbiyinte tak-tak. ” Kaaw-an, ku bal garkiyin ƴiriy rakki walla ? »

Yaaya 14:19

Ɗak sooɗ di, gee kuuk el gamin ku duniiner talaanno pey. Kuŋ gay yaan talindu, asaan nun goya ho kuŋko oki yaa goye.

Yaaya 14:6

Iisa ɗiytu aman : « Nun meendu ko botol-ata. Nun di oki seene ho goye. Waan ginno kaak yaa ɓaa ɗo Tanni ya ŋa bal bire min lotu.

Yaaya 5:26

Asaan ar Tanni beriy goye ɗo geemir, nun kaak Roŋji sa, ŋa berdu botol a naa bere goye ɗo geemir.

Yaaya 5:40

Kar gay, ku rakaaɗo ase lotu a naako bere goye ka gaasɗo.

Yaaya 6:37

Ay gem kaak Tanni beriidu yaadu ase, ho ŋaar kaak asaadu, nu poocaagɗo bat.

Yaaya 6:57

Tanni kaak n̰aamintu, ŋaar goy mento ho nun sa goy ɗo saan tan̰ji. Ampaa ko, ŋaar kaak tiya zir yaa gase goye ɗo saan tanto.

Roomen 5:10

Awalle, wiktin taat gi goy misa adin ku Buŋdi, Buŋ amrinte iŋ meen̰ji iŋ botol ta muut ta Roŋji Iisa Masi. Ka seener, ya ŋa amrinte iŋ muut ta Roŋji-at, gi iban tak kadar ŋaate jilinte oki iŋ nooyin̰ji.

1 Korentiyen 3:11

Asaan baay ta gerdi, ŋaar Iisa Masi ho waan gediraaɗo diye ta pey.

Koloosiyen 3:4

Ŋa Iisa Masi ko berkoŋ goye kaak marbinto-aka. Kar ɗo wiktin taat ŋaa asiy bayne iŋ *darjiney, kuŋ oki yaa bayne iŋ ŋaara ho kuu aawin darjiney.

1 Piyer 1:19

Kar gay, ŋa jiliŋko iŋ baar ku Iisa Masi kuuk kaalin aale-aku. Iisa Masi, ŋaar ber ziy *satkine ar roŋ tamgi kaak bal gine oorin tak-tak.

1 Piyer 1:7

Taaɓin taat asko-an, taar ta tale baako ya ku gin imaan ta taɓ wala kawwi. Ku iban kadar daabne, ŋaar asa rawte. Imaanko gay, taar pakgig daabne serek. Taloŋ ja, daabne kaak asa rawte din sa, ŋu leeyiig ɗo aki a ŋuu tale ya ŋa taɓ wala kawwi. Ŋaar-ak, imaanko oki, ŋuu talinti pa. Kar ya ta taɓ gay, ɗo yeepin̰ji ka Iisa Masi, kuu gase ozile, *darjine ho horoomine ɗo uŋji ka Buŋdi.

1 Piyer 2:7

Ɗo kuŋ kuuk aamine, dambi ŋaar-aŋ ar maan kaak kaalin aale. Kar ɗo ŋuur kuuk bal aamineŋ gay, « Dambi-ak, gay pinindi acciga. Kar gay, ŋaar ko gin dambi ka pinindi kaak pakgig een̰ji serek. »

2 Piyer 1:1

Nun Simon Piyer, gay riyor ka Iisa Masi ho *paliiney. Ŋa nun ko siirit maktumne-anta. Nu siirkon loko, kuŋ gee kuuk aamin ɗo Iisa ar kaak nin aamintu. Imaante taat sellen̰-an, gi gasit min ɗo Iisa Masi, ŋaar ko Buŋte ho Gay Jilinte. Ŋaar ko gin ay maanna iŋ botiliy.

2 Piyer 1:4

Iŋ botol taar-at ko, ŋa beriite gamin kuuk aginda ho taɓ kuuk awalle ŋa ɗiytu a ŋaate bere. Kar ya ku gasgu-ak, kuu pake min gamin ku jookum kuuk gee ku duniiner elgiyo ho kuu gine sellen̰ ar Buŋ.