U-Ezra 9:7 - Contemporary Zulu Bible 2024

⁷ Kusukela ezinsukwini zawobaba sisonile kakhulu kuze kube namuhla; futhi ngenxa yeziphambeko zethu, thina, amakhosi ethu nabapristi bethu, sanikelwa esandleni samakhosi amazwe enkembeni, ekuthunjweni nasekuphangweni nasekujabheni ubuso, njengoba kunjalo namuhla.

IBHAYIBHELI ELINGCWELE

⁷ Kusukela ezinsukwini zawobaba kuze kube namuhla sinecala elikhulu; ngenxa yezono zethu sanikelwa thina namakhosi ethu nabapristi bethu ezandleni zamakhosi abezizwe enkembeni, nasekuthunjweni, nasekuphangweni, nasemahlonini obuso njenganamuhla.

IsiZulu 2020

⁷ Kusukela emihleni yokhokho bethu kuze kube namuhla, sithe shi ezonweni, ngenxa yezono zethu, namakhosi ethu, nabaphristi, sinikelwe emakhosini ezinye izizwe, enkembeni, ekuthunjweni, ekuphangweni nasehlazweni elikhulu, njengoba kunje manje.

U-Ezra 9:7 ပူးပေါင်းရင်းမြစ်များ

1 AmaKhosi 8:47

Kepha uma becabanga ezweni abathunjelwe kulo, bephenduka, bancenge kuwe ezweni lalabo ababebathumbile, bethi: Sonile, senza okubi, senzile ububi;

2 iziKronike 29:6

Ngokuba obaba benza ngokungathembeki, benza okubi emehlweni kaJehova uNkulunkulu wethu, bamshiya, basusa ubuso babo endlini kaJehova, bafulathela.

2 iziKronike 30:7

Ningabi njengoyihlo nanjengabafowenu abenza ngokungathembeki kuJehova uNkulunkulu wawoyise, owabanikela babe yinqwaba yencithakalo, njengokuba nibona.

2 iziKronike 34:24

Usho kanje uJehova, uthi: “Bheka, ngiyakwehlisela okubi phezu kwale ndawo naphezu kwabakhileyo kuyo, zonke iziqalekiso ezilotshwe encwadini abayifunda phambi kwenkosi yakwaJuda.

U-Ezra 9:13

Futhi ngemva kwakho konke okusehlele ngenxa yezenzo zethu ezimbi nangenxa yeziphambeko zethu ezinkulu, njengoba wena, Nkulunkulu wethu, wasijezisa kancane kunalokho okufanele ukona kwethu, futhi wasinika insindiso enjengale;

UNehemiya 9:30

Eminye iminyaka eminingi wababekezelela futhi wafakaza ngokumelene nabo ngomoya wakho kubaprofethi bakho; nokho abalalelanga; ngalokho wabanikela esandleni sabantu bamazwe.

U-Isaya 64:4

Ngokuba kwasekuqaleni kwezwe abantu abakuzwanga, abakuzwanga nangendlebe, abakubonanga ngeso, Nkulunkulu, ngaphandle kwakho, lokho amlungisele yena omlindileyo.

UJeremiya 25:18

IJerusalema, nemizi yakwaJuda, namakhosi alo, nezikhulu zalo, ukuba bakwenze incithakalo, nesimangaliso, nokunyenyeza, nesiqalekiso; njengoba kunjalo namuhla;

UJeremiya 3:25

Silala phansi sinamahloni, ihlazo lethu lisibekele; ngokuba sonile kuJehova uNkulunkulu wethu, thina nawobaba, kusukela ebusheni bethu kuze kube namuhla, asililalelanga izwi likaJehova uNkulunkulu wethu.

UJeremiya 32:23

Bangena, balidla; kepha abalilalelanga izwi lakho, abahambanga emthethweni wakho; abenzanga lutho lwakho konke owabayala ngakho ukuba bakwenze; ngalokho ubehlisele bonke lobu bubi phezu kwabo.

UJeremiya 32:32

Ngenxa yabo bonke ububi babantwana bakwa-Israyeli nabantwana bakwaJuda abakwenzile ukuze bangicunule, bona, namakhosi abo, nezikhulu zabo, nabapristi babo, nabaprofethi babo, namadoda akwaJuda, nabakhileyo eJerusalema.

UJeremiya 44:22

ukuze uJehova angabe esakwazi ukukuthwala ngenxa yobubi bezenzo zenu nangenxa yezinengiso enazenzayo; ngalokho izwe lenu liyihlane, nesimangaliso, nesiqalekiso, alinamuntu ohlala khona, njenganamuhla.

UJeremiya 44:9

Senikhohliwe yini ububi bawoyihlo nobubi bamakhosi akwaJuda nobubi babafazi bawo nobubi benu nobubi bawomkenu ababenza ezweni lakwaJuda nasezitaladini zezwe laseJerusalema?

IsiLilo 5:7

Okhokho bethu bonile futhi abasekho; sathwala ububi babo.

UHezekeli 11:9

Ngiyakunikhipha phakathi kwawo, ngininikele esandleni sabafokazi, ngenze isijeziso phakathi kwenu.

UHezekeli 39:23

Izizwe ziyakwazi ukuthi indlu yakwa-Israyeli yathunjwa ngenxa yobubi bayo, ngokuba bangenzele ubuphambeko; ngalokho ngabusithelisa ubuso bami kubo, ngabanikela esandleni sezitha zabo; bawa bonke ngenkemba.

UNumeri 32:14

Bhekani, senivukile esikhundleni sawoyihlo, isixuku sabantu abayizoni, ukwandisa ulaka lweNkosi phezu kuka-Israyeli.

1 Samuweli 12:15

Kepha uma ningalilaleli izwi likaJehova, nihlubuke emyalezweni kaJehova, isandla sikaJehova siyakumelana nani, njengalokho samelana nawoyihlo.