UJeremiya 48:44 - Contemporary Zulu Bible 2024

⁴⁴ Obalekela ukwesaba uyawela emgodini; futhi lowo ophuma emgodini uyobanjwa ogibeni; ngoba ngiyoletha phezu kwalo unyaka wokuhanjelwa kwabo phezu kukaMowabi,” kusho uJehova.

IBHAYIBHELI ELINGCWELE

⁴⁴ “Obalekela ukwesaba uyakuwela emgodini, okhuphuka emgodini uyakubanjwa ogibeni, ngokuba ngiyakwehlisela phezu kwabo, phezu kukaMowabi, umnyaka wokujeziswa kwabo,” usho uJehova.

IsiZulu 2020

⁴⁴ “Obalekela ukwesaba, uyakuwela emgodini; okhuphuka emgodini, abanjwe wugibe; ngokuba ngiyakwehlisela lezi zinto phezu kwabakwaMowabi, ngonyaka wokujeziswa kwabo,” kusho uSimakade.

UJeremiya 48:44 ပူးပေါင်းရင်းမြစ်များ

1 AmaKhosi 19:17

Futhi kuyokwenzeka ukuthi uJehu uyombulala lowo owaphunyuka enkembeni kaHazayeli; ophunyuka enkembeni kaJehu, u-Elisha uyakumbulala.

1 AmaKhosi 20:30

Kepha abanye babalekela e-Afeki emzini; kwawela ugange phezu kwamadoda ayizinkulungwane ezingamashumi amabili nesikhombisa. UBhenihadadi wabaleka, wangena emzini ekamelweni elingaphakathi.

U-Isaya 10:3

Niyakwenzani ngosuku lokuhanjelwa nasekubhujisweni okuvela kude na? niyakubalekela kubani nifuna usizo na? futhi uyoyishiyaphi inkazimulo yakho?

U-Isaya 24:17

Ukwesaba nomgodi nogibe kuphezu kwakho wena owakhileyo emhlabeni!

U-Isaya 24:18

Kuyakuthi obalekela umsindo wokwesaba awele emgodini; okhuphukayo ephuma emgodini uyakubanjwa ogibeni, ngokuba amafasitele phezulu avulekile, nezisekelo zomhlaba ziyazamazama.

UJeremiya 10:15

Ziyize nomsebenzi wenkohliso; ngesikhathi sokuhanjelwa kwazo ziyakubhubha.

UJeremiya 11:23

Kakuyikuba khona insali kubo, ngokuba ngiyakwehlisela okubi phezu kwabantu base-Anathoti, umnyaka wokuhanjelwa kwabo.

UJeremiya 16:16

“Bheka, ngiyakuthuma abadobi abaningi,” usho uJehova, “bababambise; ngemva kwalokho ngiyoletha abazingeli abaningi, futhi bayobazingela kuzo zonke izintaba nakuwo wonke amagquma nasemigodini yamadwala.

UJeremiya 23:12

Ngalokho indlela yabo kubo iyakuba njengezindlela ezibushelelezi ebumnyameni; bayakuxoshwa, bawele kuwo; ngoba ngiyobehlisela inhlekelele, unyaka wokuhanjelwa kwabo,” kusho uJehova.

UJeremiya 46:21

Abaqashwa bayo basemathunjini ayo njengezinkunzi ezikhuluphalisiweyo; ngoba nabo baphenduka babaleka kanyekanye; abazange beme, ngoba usuku lokubhujiswa kwabo lwalubafikele kanye nesikhathi sokuhanjelwa kwabo.

UJeremiya 49:8

Balekani, niphenduke, nihlale ekujuleni, nina bakhileyo eDedani. Ngokuba ngiyakwehlisela phezu kwakhe inhlekelele ka-Esawu ngesikhathi sokumhambela kwami.

UJeremiya 50:24

Ngakubekela ugibe, wabanjwa nawe, Babele, wawungazi; watholakala futhi wathunjwa, ngoba walwa noJehova.

UJeremiya 50:27

Hlabani zonke izinkunzi zalo; mabehlele ekuhlatshweni; maye kubo! ngoba usuku lwabo selufikile, isikhathi sokuhanjelwa kwabo.

UJeremiya 51:18

Ziyize, umsebenzi wenkohliso; ngesikhathi sokuhanjelwa kwazo ziyakubhubha.

UJeremiya 8:12

Baba namahloni ngokwenza izinengiso na? yebo, ababanga namahloni nakancane futhi bengenakuba namahloni; ngakho-ke bayakuwa phakathi kwalabo abawayo; ngesikhathi sokuhanjelwa kwabo bayakuwa, usho uJehova.

IsiLilo 3:47

Ukwesaba nogibe kuyasehlela, ukubhujiswa nokuchithwa.

Hoseya 9:7

Izinsuku zokuhanjelwa sezifikile, izinsuku zokuphindisela sezifikile; U-Israyeli uyakukwazi lokhu: Umprofethi uyisiwula, nomuntu ongokomoya uyahlanya, ngenxa yobuningi bobubi bakho nenzondo enkulu.

U-Amose 5:19

Njengokungathi umuntu ubalekela ingonyama, ahlangane nebhere; noma engena endlini, wancika isandla sakhe odongeni, walunywa yinyoka.

UMikha 7:4

Abahle kunabo bonke banjengokhakhasi, abaqotho babukhali kunothango lwameva; luyeza usuku lwemilindo yakho nokuhanjelwa kwakho; manje bayoba ukudideka.