UEksodusi 12:27 - Contemporary Zulu Bible 2024

²⁷ nithi: Lona ungumhlatshelo wephasika likaJehova owadlula ngasezindlini zabantwana bakwa-Israyeli eGibithe lapho enqoba abaseGibithe, esindisa izindlu zethu. Abantu bagebisa amakhanda abo, bakhuleka.

IBHAYIBHELI ELINGCWELE

²⁷ nithi: ‘Kungumhlatshelo wephasika likaJehova owadlula kuzo izindlu zabantwana bakwa-Israyeli mhla ebulala abaseGibithe, ezophula izindlu zethu.’ ” Abantu bakhothama, bakhuleka.

IsiZulu 2020

²⁷ Niyothi: ‘Ngumhlatshelo wephasika likaSimakade, ngokuba wazedlula izindlu zabakwa-Israyeli eGibhithe, mzukwane ebulala abaseGibhithe, kodwa wazeqa izindlu zethu.’ ” Abantu bakhothama badumisa.

UEksodusi 12:27 ပူးပေါင်းရင်းမြစ်များ

1 iziKronike 29:20

UDavida wasesithi kulo lonke ibandla: Khathesi dumisani uJehova uNkulunkulu wenu. Ibandla lonke lambonga uJehova uNkulunkulu wawoyise, bakhothama, bakhuleka kuJehova nasenkosini.

2 iziKronike 20:18

UJehoshafati wakhothamisa ubuso bakhe bubheke phansi; noJuda wonke nabakhileyo eJerusalema bawa phambi kukaJehova, bakhuleka kuJehova.

2 iziKronike 29:30

Ngaphezu kwalokho, inkosi uHezekiya nezikhulu bayala amaLevi ukuba ahlabelelele uJehova ngamazwi kaDavide naka-Asafa umboni. Bahlabelela izingoma zokudumisa ngentokozo, bagebisa amakhanda abo, bakhuleka.

UNehemiya 8:6

U-Ezra wambonga uJehova, uNkulunkulu omkhulu. Bonke abantu baphendula bathi: Amen, amen, ngokuphakamisa izandla zabo; bakhothamisa amakhanda abo, bakhuleka kuJehova, ubuso babo bubheke phansi.

AmaHubo 44:1

Kumholi wokuhlabelela wamadodana kaKora, iMasigili. Sizwile ngezindlebe zethu, Nkulunkulu, ukuthi obaba basitshela umsebenzi owawenza emihleni yabo, emihleni yasendulo.

AmaHubo 78:5

Ngokuba wamisa ubufakazi kuJakobe, wamisa umthetho kwa-Israyeli, awuyala obaba ukuba bawazise abantwana babo.

UEksodusi 10:2

Ukuze ukhulume ezindlebeni zendodana yakho nezendodana yendodana yakho engikwenzile eGibithe, nezibonakaliso zami engazenza phakathi kwabo; ukuze nazi ukuthi nginguJehova.

UEksodusi 12:11

Ngakho kumelwe ukudle; niboshiwe izinkalo zenu, nezicathulo zenu ezinyaweni zenu nodondolo lwenu esandleni senu; futhi kumelwe ukudle ngokushesha; kuyiPhasika leNkosi.

UEksodusi 12:23

Ngokuba uJehova uyakudabula ukuba anqobe abaseGibithe; uma ebona igazi embundwini ongaphezulu nasezinsikeni zombili zomnyango, uJehova uyakudlula ngasemnyango, angamvumeli umchithi ukuba angene ezindlini zenu ukuba anihlule.

UEksodusi 12:28

Abantwana bakwa-Israyeli basuka, benza njengalokho uJehova ebayalile oMose no-Aroni, benze njalo-ke.

UEksodusi 13:14

Kuyakuthi lapho indodana yakho ikubuza kamuva ithi: ‘Kuyini lokhu? uthi kuye: ‘Ngesandla esinamandla uJehova wasikhipha eGibithe, endlini yobugqila.

UEksodusi 13:8

Uzatshela indodana yakho ngalolosuku uthi: Lokhu kwenziwa ngenxa yalokho uJehova akwenza kimi ekuphumeni kwami eGibhithe.

UEksodusi 34:25

Ungalethi igazi lomhlatshelo wami kanye nemvubelo; futhi umhlatshelo wePhasika ungahlali kuze kube kusasa.

UEksodusi 34:8

UMose washesha wakhothamela phansi ikhanda lakhe, wakhuleka.

UEksodusi 4:31

Abantu bakholwa, sebezwile ukuthi uJehova ubahambele abantwana bakwa-Israyeli, nokuthi ulubonile usizi lwabo, bakhothama, bakhuleka.

1 kwabaseKorinte 5:7

Khiphani imvubelo endala, ukuze nibe yinhlama entsha, njengalokhu ningabangenamvubelo. Ngokuba iphasika lethu lihlatshelwe uKristu;

UDuteronomi 16:2

Ngakho uzahlabela uJehova uNkulunkulu wakho iphasika endaweni yezimvu leyenkomo endaweni uJehova azayikhetha ukuthi abeke khona ibizo lakhe.

UDuteronomi 16:5

Ungalihlabeli iphasika kuwo wonke amasango akho uJehova uNkulunkulu wakho akunika wona.