2 iziKronike 15:7 - Contemporary Zulu Bible 2024

⁷ Ngakho qinani, izandla zenu mazingadangali, ngokuba umsebenzi wenu uyakuba nomvuzo.

IBHAYIBHELI ELINGCWELE

⁷ Kepha nina yibani namandla, zingadangali izandla zenu, ngokuba umsebenzi wenu uyakuba nomvuzo wawo.”

IsiZulu 2020

⁷ Kepha nina yibani namandla, zingadangali izandla zenu, ngokuba umsebenzi wenu uyakuba nomvuzo.”

2 iziKronike 15:7 ပူးပေါင်းရင်းမြစ်များ

UGenesise 15:1

Emva kwalokho kwafika izwi likaJehova ku-Abrama ngombono, lathi: “Ungesabi, Abrama, ngiyisihlangu sakho, nomvuzo wakho mkhulu kakhulu;

1 iziKronike 28:20

UDavide wayesethi kuSolomoni indodana yakhe: “Qina, ume isibindi, ukwenze; ungesabi, ungapheli amandla, ngokuba uJehova uNkulunkulu, uNkulunkulu wami, unawe; akayikukuyeka, akushiye, uze uqede wonke umsebenzi wenkonzo yendlu kaJehova.

2 iziKronike 19:11

Bhekani, umpristi omkhulu u-Amariya uphezu kwenu kuzo zonke izindaba zikaJehova; noZebadiya indodana ka-Ishmayeli, umbusi wendlu yakwaJuda, kuzo zonke izindaba zenkosi; namaLevi ayakuba phambi kwakho. Yiba nesibindi, futhi uJehova uyakuba nabahle.

2 iziKronike 32:7

Qinani, nime isibindi, ningayesabi, ningathuki ngenkosi yase-Asiriya naso sonke isixuku esinayo, ngokuba abanathi baningi kunabanaye.

AmaHubo 19:11

Futhi, inceku yakho iyaxwayiswa yizo, futhi ukuzigcina kukhona umvuzo omkhulu.

AmaHubo 27:14

Lindela uJehova, ube nesibindi, uyakuqinisa inhliziyo yakho; lindelani uJehova.

AmaHubo 58:11

Ngakho omunye uyakuthi: Impela, kukhona umvuzo kwabalungileyo; impela unguNkulunkulu owahlulelayo emhlabeni.

UJeremiya 31:16

Usho kanje uJehova, uthi: “Bambisa izwi lakho ekukhaleni namehlo akho ezinyembezini, ngokuba umsebenzi wakho uyakuba nomvuzo,” usho uJehova; futhi bayobuya ezweni lesitha.

UDaniyeli 10:19

wathi: “O othandekayo, ungesabi; ukuthula kini, qinani, yebo, qinani. Lapho ekhuluma kimi, ngaba namandla, ngathi: “Mayikhulume inkosi yami; ngoba ungiqinisile.

UZakariya 8:9

Usho kanje uJehova Sebawoti, uthi: “Maziqine izandla zenu nina enizwa lawa mazwi ngalezi zinsuku ngomlomo wabaprofethi ababekhona mhla kubekwa isisekelo sendlu kaJehova Sebawoti, ithempeli lalingakhiwa.

Mathewu 5:12

Jabulani nithokoze, ngokuba umvuzo wenu mkhulu ezulwini, ngokuba babazingela kanjalo abaprofethi abanandulele.

Mathewu 5:46

Ngokuba uma nithanda abanithandayo, ninamvuzo muni na? Abenzi njalo nabathelisi na?

Mathewu 6:1

Xwayani ukuba ukulunga kwenu ningakwenzi phambi kwabantu ukuba nibonwe yibo; uma kungenjalo, aninamvuzo kuYihlo osezulwini.

Mathewu 6:18

ukuze ungabonakali kubantu ukuthi uzilile, kodwa kuYihlo osekusithekeni;

Mathewu 6:4

ukuze isipho sakho sibe sekusithekeni, noYihlo obona ekusithekeni uyakukuvuza.

Mathewu 6:6

Kepha wena, nxa ukhuleka, ngena ekamelweni lakho, uthi usuvale umnyango wakho, ukhuleke kuYihlo osekusithekeni; futhi uYihlo obona ekusithekeni uzokubuyisela obala.

NgokukaLuka 6:35

Kepha thandani izitha zenu, nenze okuhle, nitsheleke ningathembi lutho; umvuzo wenu uyakuba mkhulu, nibe-ngabantwana boPhezukonke, ngokuba yena unomusa kwabangabongiyo nababi.

1 kwabaseKorinte 15:58

Ngakho-ke, bazalwane bami abathandekayo, yibani ngabagxilile, abangaxegiyo, abavame njalo emsebenzini weNkosi, nazi ukuthi ukusebenza kwenu akusilo ize eNkosini.

1 kwabaseKorinte 16:13

Lindani, nime niqinile ekukholweni, nibe ngamadoda, nibe namandla.

1 kwabaseKorinte 3:14

Uma umsebenzi womuntu awakhileyo phezu kwalokho umi, uyakwamukeliswa umvuzo.

1 kwabaseKorinte 3:8

Kepha otshalayo noniselayo bamunye, kepha yilowo nalowo uyakwamukeliswa owakhe umvuzo ngokomshikashika wakhe.

Kwabase-Efesu 6:10

Elokugcina, bazalwane bami, qinani eNkosini nasemandleni akhe amakhulu.

KwabaseKolose 3:24

nazi ukuthi niyakwamukela umvuzo wefa eNkosini, ngokuba nikhonza iNkosi uKristu.

KumaHeberu 10:35

Ngakho-ke ningalahli isibindi senu esinomvuzo omkhulu.

KumaHeberu 6:10

Ngokuba uNkulunkulu akayena ongalungile ukuba akhohlwe umsebenzi wenu nomshikashika wothando enalubonakalisa kulo igama lakhe, ngokukhonza abangcwele, nisabakhonza.

UJoshuwa 1:6

Qina, ume isibindi, ngokuba laba bantu uyakubanika izwe engalifungela oyise ukubanika lona libe yifa labo.

UJoshuwa 1:7

Qina kuphela, ube nesibindi kakhulu, ukuze wenze ngokucophelela ngokomthetho wonke uMose, inceku yami, akuyala ngawo: ungaphambuki kuwo uye kwesokunene noma ngakwesokhohlo, ukuze ube nempumelelo nomaphi lapho uya khona.

UJoshuwa 1:9

Angililayanga yini? Qina, ume isibindi; ungesabi, ungapheli amandla, ngokuba uJehova uNkulunkulu wakho unawe nomaphi lapho uya khona.

UJoshuwa 14:14

Ngakho iHebroni laba yifa likaKalebi indodana kaJefune, umKhenazi, kuze kube namuhla, ngokuba wamlandela uJehova uNkulunkulu ka-Israyeli ngokupheleleyo.

2 kaJohane 1:8

Ziqapheleni ukuthi singalahlekelwa yizinto esizisebenzileyo, kodwa ukuze samukele umvuzo opheleleyo.

URuthe 2:12

UJehova makakuvuze ngomsebenzi wakho, umvuzo opheleleyo uphiwe nguJehova uNkulunkulu ka-Israyeli, othembele phansi kwamaphiko akhe.