Eleetar i yi Pool akiñje i Tit 3:5 - Kwatay (Kuwaataay)

⁵ N'afakan úne, káanukiiit man aŋarkeyi naane úne úhine ajakee, bare aŋarkeyi naane am ayubiyene úne. Ti sembe site Búwejet Beenabe bu t'añawe fu úne. Búwejet Beenabe bu ifi bíhin n'úbukee ti kátiyar, abe nu buwun úne buroŋ bíyeni.

Eleetar i yi Pool akiñje i Tit 3:5 ပူးပေါင်းရင်းမြစ်များ

Májiye 3:11

Íñje, ibosteuunboste nu móhujo iŋi káwufoor kaanuku ariwatanoorawatanooro kinij koonuun. Bare ake bibin eehaŋam sembe. Ihaŋahaŋ káteti te o kaanuku íijendin sikaku soone. O kabosteuun nu Búwejet Beenabe bu, ni sineemak.

Hirim Heetoofe hu hi Luk akiñje hu 1:50

Aŋ'ayubiyen ko kireyi fe keejoko ku nu sumoŋu súsuba.

Hirim Heetoofe hu hi Luk akiñje hu 1:54

Abinabin káyokunan *Israyel bakan koone kéejeŋgino ku.

Hirim Heetoofe hu hi Luk akiñje hu 1:72

Asokasok kaanuku o káwufoor sifaaf úne kajaku koone, abe o bíbaŋino *kaajamoor keenabe ku ki kajamoore ku.

Hirim Heetoofe hu hi Luk akiñje hu 1:78

Ábuki Atambatun ite úne áneenaneeni aa, abe n'ajak. O káboñina úne Afakana, eeemo naane taanak tu kane túnuutin.

Eleetar i yi Pool akiñje i bakate ku Rom 11:14

Iŋ'íhin bo kaanuku man ti bíyinie kabaju, bakan k'írihine ku eheet efeeneŋ ni kahiñan, íihin bakaake tu boko keefak.

Eleetar i yi Pool akiñje i bakate ku Rom 11:6

Abe makamu ajifaniinjifan aŋarkeyi naane ajakajak, n'aŋ'áami kame akuuseit tu buroon bi káhine eejifaniin. Arko yéeni iyu af'ajifaniin, n'aŋ'áami kajaku koone am áyekiiin ko, kíteiit fuufu.

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Eleetar i yi Pool akiñje i bakate ku Rom 3:28

Uŋ'úene Atambatun ajokajok húŋgowulan an éejube iŋi káyilen koone ti Yesu Kiris, káanukiiit man iŋi naane ájeŋgine i Eluwa i.

Eleetar i yi Pool akiñje i bakate ku Rom 4:5

Bare an éesike eyakar yeene anaŋ t'Atambatun, abe ajokooreit an éejube t'Atambatun uŋu burok beejake bamb'áhin, Atambatun aa ajok ehoofoora i kéeyilene ku te o bakan kéejube, kajuku ti káyilen koone n'aŋ'ajoko an éejube.

Eleetar i yi Pool akiñje i bakate ku Rom 9:11

kabukoorutee, Atambatun n'aano: «Aŋgilij u kahaŋu aneemak u.» H'asoke hii, boko ti kátumboorut kaŋaaŋ káhinu meejake man yooŋ meejakut. Atambatun áhinahin ii éewufoor kaanuku aŋ'áhin naane hutoofo i. Aŋ'ajifan kúŋgowulan ku naane ámaŋie i, káanukiiit iŋi beejake bi káhine.

Eleetar i yi Pool akiñje i bakate ku Rom 9:16

Náami bondu biŋeñenut ti sembe site húŋgowulan man yooŋ ti kámaŋi koone, bare t'Atambatun kep aa ayubiyen.

Eleetar i yi Pool akiñje i bakate ku Rom 9:30

Náami uŋ'úene yooŋ buŋ? Keenooto ku Esuwif kaŋesut káyemi bakan kéejube t'Atambatun, bare Atambatun ajokiinjok bakan kéejube iŋi naane káyilene i ti *Kiris.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Efees 2:4

Bare Atambatun aŋ'ayubiyen úne dómbokun, abe n'átumb ámaŋi úne naane, asooñen

Efees 4:23

Biyinoor boonuun buwarawar káyemi bíyeni.

Efees 5:26

Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

Kolos 3:10

Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Eleetar i yi Pool akiñje i Tit 3:4

Bare Atambatun *Afakana ite úne n'áwufoor úne kajaku koone, nu buŋ b'ámaŋie fu húŋgowulan ariike.

Esuwif i 10:22

Náami úloh Atambatun nu suhol séejube, kikaw úne yooŋ kiyaŋg piŋ núuyilen, ábuki halan hite *Kiris hukuuranakuuran suhol site s'úne ti biyinoor bánoban beejakut, abe sini site s'úne siñaweeñaw yooŋ nu móhujo meekuure.

Esuwif i 4:16

Náami útof, utum'úkoleyi kalohu Atambatun Áyi u aa áwufoor ésuk i kajaku koone. O kayubiyen úne, abe n'áwufoor úne yooŋ kajaku koone, kaanuku uŋ'úbin úramee kane úmiñjo.

Esuwif i 6:6

Bare ifi kawas káyilen kooniin, an at'áyini kasooñu áhiniin keewatanooro, keewas buroŋ booniin, ábuki anokooreenokoor kite kasooña katib Añi ite Atambatun *t'ekuruwa i, kéehin ésuk i yéesuwo.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Piyeer 2:10

Hítiyar hu áriyemiit bakan bakate Atambatun, bare hahiyu áriyemia bakan koone; hítiyar hu Atambatun ayubiyenutuun yéeni, bare hahiye ayubiyenuun.

1 Piyeer 3:21

Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.