Eleetar i yi Pool akiñje i Tit 3:2 - Kwatay (Kuwaataay)

² Itim kasok t'an beejakut, itim yooŋ káyemi eloba, bare káyemi bakan kéeneenie, abe ni káwufoor ésuk i fe kunoŋk keejake.

Eleetar i yi Pool akiñje i Tit 3:2 ပူးပေါင်းရင်းမြစ်များ

Májiye 11:29

Arijam t'íñje, abe n'ariwasam íiwuforooruun, ábuki íneenaneeni abe iŋ'ímuñ yooŋ; n'aŋ'ariyih.

Epotor i 23:5

Pool n'ásafin aane: —Kújakuwe, ímeyiit yéeni kaanuku akina aamo fu asaraha ómbokun u. Ábuki *Míkiñjin mu meenaan: «A̱warut kasoku beejakut t'aseef ite ésuk íiwe.»

1 Korent 6:10

nu búkuw bu, ni kiŋki kamero buroon bite bakaaku, n'éwusana i, ni kiŋki kasok ti bakaaku, ni kéejubut ku, bokondu fe iti kamaat hikee ti Jáyi jite Atambatun.

1 Korent 9:19

Inooto ásukateen ite an fe, bare íhinoorahinooro ásukateen ite ésuk i ereyi fe, kaanuku man n'íñakin bakan keehooje-hooj bibin ti Yesu Kiris.

2 Korent 10:1

Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak:

2 Korent 12:20

Íkolakoleyi n'ija ibin, n'íŋaabeinuun tu buroŋ beetoofutam, aruun yooŋ n'arijamam ti kasokuuun beetoofutuun. Íkolakoleyi bíŋaabeina t'aruun síheñjeŋoor, ni bíhiñanoor, ni kayiŋatoor, ni kabatikanoor, ni bílafatinool, nu búsokoor meejakut, ni biyitooro, ni kajoŋooraate.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Galasi 6:1

Kújakuwe, an af'ajokee ti káhinu bike beejakut, arijoŋoorano aruun kaŋk'árijeŋgin Búwejet bite Atambatun. Abe bare n'arisaaho te o. Bare arinaŋ kikawuun atum'aribin ariney yooŋ ti kaahoofoor.

Galasi 6:10

Náami kóyin k'úbaje bítim kep, úhin meejake bija t'ésuk i ereyi fe, áhaŋum ti *kéeyilene ku naane úne.

Efees 4:2

Ko kireyi fe áritetianooro, árineeni yooŋ, abe n'aŋ'árimuñ. Árimaŋioori, abe n'aŋ'árimuñalool.

Efees 4:31

Arinuutan méetike meeemo mu tu suhol soonuun, ni kajoku an tu suhol soonuun, ni kayiŋat, nu sulob, ni bílafatinool, ni bánafut bánoban.

Fílip 4:5

Áriwufoor ésuk i fe kaanuku árineenaneeni. Anahaan u bibin memee.

1 Tesalonik 2:7

Abe bare naane iriemo i *epotor bakate *Kiris, írinooniuun yéeni kanoŋkooran áriihin doon fe d'iriyakuun kasoku. Bare h'íriyemie hu t'aruun, irisaahasaaho t'aruun tíŋ, naane anaare aa asaaho ti bakañio.

1 Timote 3:11

Haare hu yooŋ kiŋki kajokoor kikaw kite sijaŋgu su kawarawar káyemi keejoŋoore, abe kawarut yooŋ kasoku t'an. Kájokumooro, abe kájub tu buroon bu fe.

1 Timote 3:3

Awarut káyemi áhujaa ómbokun, awarut yooŋ káyemi aloba, bare awarawar káneeni, abe n'áyemi an ite káasuumaay. Awarut kanaŋu hikawo ti sírirem.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.

1 Piyeer 2:1

Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.

1 Piyeer 3:10

Bonde busokee fu ti *Míkiñjin mu. Meenaan: «An af'ámaŋi kabaju buroŋ beejake, abe n'ajuk yooŋ kunak keetoofe, awarawar kawasu husoku ti bakan, ni haajuus.

1 Piyeer 3:8

Hirim húuma hiraanu hu honde: aribaj biyinoor bifeeneŋ, abe n'arijamoor yooŋ. Árimaŋioori naane bakati; áriyemi bakan kéeneenie, abe atum'ariyitooro hágila bakanuun kúŋgowulan.

1 Piyeer 4:4

Abe hahiyu naane aŋkut i árihin buroon beejakut bu ni kéeyilenut ku, kajahalaa, abe bokondu ti kálafatinuun.

2 Piyeer 2:10

O kahaŋu kaniju ti kiŋki kanaban wúfaŋi weejakut wute siniiin, abe n'iŋi kahuuf hiseefaate hu. Bokondu kiŋki kaliiken ésuk i bite haajuus hu kákoleyiit Atambatun, abe yooŋ iŋi kayitooro. Kájeŋginaariit bakate ku t'etiir kéenike ku, bare iŋi kátumb kálafatiniin.

Eleetar i yi Sud akiñje i 1:10

Bare háyine hondu iŋi kálafatin bi kámeyiit bu. Abe buroon bimbi kanoŋkooro kéehin naane bíndakakureŋ bu, bondu yooŋ bija fu kátowutaniin.

Eleetar i yi Sud akiñje i 1:8

Háyine hondu kéeyooseina ku t'aruun, iyu yooŋ ifi káhin: kíyawutu kooniin iŋi kitiŋgiin keebuusatan siniiin. Iŋi kahuuf sembe site Atambatun, abe n'iŋi kálafatin emalaka i kéenike ku keeemo ku t'etiir.