Eleetar i yi Pool akiñje i Tit 2:11 - Kwatay (Kuwaataay)

¹¹ Atambatun áwufoorawufoor ésuk i kajaku koone kéeyinie ku kafakaniin kareyi fe.

Eleetar i yi Pool akiñje i Tit 2:11 ပူးပေါင်းရင်းမြစ်များ

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Mark 16:15

Ahaban n'aaniin: —Arija tánotan fe t'etaam i, abe n'ariwaare ésuk i fe Hirim Heetoofe hu.

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Hirim Heetoofe hu hi Luk akiñje hu 3:6

Abe kúŋgowulan ku fe kajuku *Afakana u a Atambatun aja u káboñina.”»

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 1:9

Meejaaŋe mondu míyemie fu mite mu nu múniyo, mo meebine mu t'etaam ye kajaaŋan kúŋgowulan ku fe.

Epotor i 11:23

H'areeŋe hu bo ayak ajuk naane Atambatun ásoniyane i kéeyilene ku, nu hutoofo dómbokun. N'ayaŋgananiin kikaw kareyi fe aaniin kajok alit tip t'Anahaan u nu suhol séehabaneina.

Epotor i 13:43

Hi kayisooree hu, keehooje t'Esuwif i, ni keeyoosee ku bítim bu kéeyemi Esuwif ni kariboor nu Pool ni Barnabas. *Epotor i t'ésubaiin n'iŋi kafin káhamin nu boko, abe n'iŋi kaaniin káñiŋkaan keenaŋ eyakar yeeniin ti kajaku kite k'Atambatun.

Epotor i 13:47

Ábuki bonde b'Atemit asoke fu uni. Aanaan: «Íhinihin á̱ayemi meejaaŋe mu ti kéemeyiitam ku, kaanuku a̱aja a̱sok ésuk i tánotan fe t'etaam ye buŋ b'iyakiin fu kafakan.»

Epotor i 17:30

Hítiyar hu, Atambatun aboŋketaboŋket bondu fe, ábuki ésuk i kámeyiit bimbi káhin. Bare hahiye áwufoora ésuk i fe bakate ku tánotan kaanuku kawarawar buwatanooro kinij kooniin keejakut ku.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Eleetar i yi Pool akiñje i bakate ku Rom 10:18

Hahiyu eene i: bakate ku *Israyel kajamut fíya báhamin bu? Áyine wala, kajamajam bo! Míkiñjin mu meenaan: «Wuji wute kiŋki kawaare hirim hu wujameejam t'etaam i ereyi fe, abe báhamin booniin bireeŋareeŋ tánotan t'etaam i.»

Eleetar i yi Pool akiñje i bakate ku Rom 5:15

bare kawayawayo tu dómbokun. Katin kite Adam kiŋaaŋut káyemi naane b'Atambatun bamb'awun fuufu. Múniyo bakan keehooje kaketaket iŋi katin kite an afeeneŋ ondu. Bare kajaku k'Atambatun kaŋk'áwufoor kihaŋahaŋ tu dómbokun, abe bamb'awun bakan keehooje-hooj fuufu, áŋaasann bo t'an afeeneŋ taŋ eeemo u Yesu *Kiris nu busooñ bihaŋ.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

Galasi 2:21

It'iteñeko hikee kajaku k'Atambatun áwufoore ku. Ábuki arko Eluwa yite Moyis eja fu kákinineŋ Atambatun n'ajok ésuk i bakan kéejube, náami kame Kiris aketaket fuufu.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.

1 Timote 2:4

Ámaŋamaŋi kaanuku ésuk i fe keefak, abe ni kámeyi múniyo mu.

2 Timote 1:10

Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

Esuwif i 12:15

Arinaŋ toko kikawuun, kajaku kite Atambatun, an atum'áwuŋg ko hiñaawu. An t'aruun atum'áyemi naane nunukanuk nite miriyaay méetike; n'aŋ'átifen bakan keehooje ni kátiku koone.

Esuwif i 2:9

Újakutanajakutan bare bonde: Yesu awananeewanan kawanan keefiyeit, emalaka i keehaŋo. Ti kajaku kite Atambatun, n'aket bija tu kúŋgowulan ku fe. Bare hahiye uŋ'újuk kaanuku ánikanee dómbokun naane áyi iŋi sílaam s'ajuke su t'eket yeene.