Eleetar i yi Pool akiñje i Tit 1:4 - Kwatay (Kuwaataay)

⁴ Áñuumo Tit, íñj'endu ti kákiñjini eleetar yende. Awe a̱amo fu añiam nu múniyo, ábuki á̱yilenayilen ti Kiris naane íñje. Atambatun Faaf u, ni Yesu Kiris Afakana ite úne kaja kásoniyani, abe ni kawuni káasuumaay.

Eleetar i yi Pool akiñje i Tit 1:4 ပူးပေါင်းရင်းမြစ်များ

Hirim Heetoofe hu hi Luk akiñje hu 2:11

*Afakana oonuun abukee úmiye ti hikinu hu ti *Dafit ákinaanie du. O aamo fu *Kiris, Anahaan u.

Saaŋ 4:42

N'iŋi kaane anaare u: —Hahiye íriyilena, káanukiiit iŋi b'a̱soke bu uni barebare; irijama yooŋ kumuum uni naane aa asok. Írimoomi kaanuku nu múniyo akina aamo fu Afakana ite ésuk i.

Eleetar i yi Pool akiñje i bakate ku Rom 1:12

Bonde b'ímaŋie fu kasoku: eene ímaŋamaŋi kaanuku núuhaŋ kayaŋgananoor kikaw íñje n'aruun ti káyilen k'úbaje ku.

Eleetar i yi Pool akiñje i bakate ku Rom 1:7

Aruun keeemo ku *Rom k'íkiñjina fee, aruun k'Atambatun ámaŋie ku arireyi fe, abe n'aruwuun kaanuku áriiyemi bakan koone. Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

2 Korent 12:18

Íwasiyanawasiyan Tit kaanuku eebin t'aruun akina n'ati úne i isokuun u. Tit abuutuunbuut fíya éesikuun dike doon? Árimoomi kaanuku aaa. Kaayinoor kite k'uni kifeeneŋ ku, bija yooŋ máhinar mite m'uni fe.

2 Korent 2:13

Bare ehelam ebebut, ábuki ijukut bo ati úne Tit. Iŋ'ite ho h'eene fu bakate ku Trowas *kéeyilene ku iriwasoor, abe n'ija Maseduwan.

2 Korent 4:13

*Míkiñjin mu meenaan: «Íyilenayilen, iŋ'ite ho h'íhamine fu.» Abe makamu káyilen kondu koko k'iribaje fu, uni yooŋ káhamin.

2 Korent 7:6

Bare Atambatun aa abeetoor keeemo ku kikawiin uŋkut kusok, n'abeetoor uni éehin Tit éereeŋin.

2 Korent 8:16

Úene Atambatun eyeehen, akina éehine u Tit éehabanein t'eholo kaanuku éeyokunanuun, naane uni yooŋ írihabaneina i!

2 Korent 8:23

N'afin áami Tit, uni if'iriboor, abe aŋ'arok n'íñje bija t'aruun. Bakati úne bakaaku kéeriboorina ku ne o, kéeyilene ku káboñiniin fu, abe iŋi karok bija ti kánikan kite *Kiris.

2 Korent 8:6

Tit ajabe fu asiiŋan t'aruun bateg bu bite káyokunan kite bakate ku Serusalem kéeyilene ku. Iŋ'ite ho h'íriwasiyano fu irieno ábatikein t'aruun eebin éereeŋinan burok bondu beejake bii.

Galasi 2:3

Tit i iririboore u eeemo u Agerek, kálaamanuto yooŋ kaanuku man *n'atey karam.

Galasi 3:26

Arireyi fe aruun bakañi Atambatun aŋarkeyi naane áriyilenayilen ti Yesu Kiris.

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.

Efees 1:2

Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

Kolos 1:2

aruun bakate ku Kolos k'Atambatun akino ku. Aruun bakati uni ni bákaniin uni kéejeŋgine ku Yesu Kiris: Atambatun Faaf úne aja ásoniyanuun, abe n'awunuun káasuumaay.

1 Timote 1:12

Íñj'endu ti kaanu Yesu *Kiris Anahaan ite úne eyeehen, akina eewunam u sembe íihin burok boone. Íñj'endu ti kaanio eyeehen naane ajokam i an éejube, abe n'ajifanam iirok bija te o.

2 Timote 1:1

Íñje Pool eeemo u *apotor ite Yesu *Kiris naane t'Atambatun ámaŋie du ikiñje fee, íñje eeboñee u kawaare tu buroŋ b'aane bu o kawunu úne, úne kéehine ku t'afeeneŋ ni Yesu Kiris.

2 Timote 1:2

Íñje íkiñjini fee awe Timote eeemo u naane añiam ímaŋie-maŋie u. Atambatun Faaf u, ni Yesu Kiris Anahaan ite úne kaja kásoniyani, ni kayubiyeni yooŋ, abe ni kawuni káasuumaay.

2 Timote 4:10

Ábuki Demas ateyamtey aŋarkeyi naane buroon bite bu t'etaam ye b'ámaŋie fu, abe aja Tesalonik. Kiresens aja Galasi, abe Tit aja Dalmasi.

Eleetar i yi Pool akiñje i Tit 1:3

H'aamo hu hífiiteniin hu hireeŋa, Atambatun *Afakana ite úne n'áhin Hirim hoone héemeyiee. Hirim hondu, n'asaanam ho aane isok ho ésuk i.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

2 Piyeer 3:2

Áribaŋino báhamin *b'eyiŋana yite Atambatun keenabe ku kabine bu kasok kóŋkeyin, n'eluwa yite Anahaan u *n'Afakana u yooŋ toko, *y'epotor i k'Atambatun áboñinuun ku kaliikenuun i.

1 Saaŋ 5:14

Bonde bíkinineŋe fu kikaw úne ni kiyaŋg t'Atambatun: úmoomi kaanuku uf'úlawo dike doon deeriibe ni kámaŋi koone, o kajamatan úne.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.