Eleetar i yi Pool akiñje i Tit 1:2 - Kwatay (Kuwaataay)

² Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Eleetar i yi Pool akiñje i Tit 1:2 ပူးပေါင်းရင်းမြစ်များ

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Májiye 25:46

Yesu n'áwutiyen aane: —Abe boko bija tu kúnuur kéehabanaariit ku, kéejube ku keefin keeja tu buroŋ béehabanaariit bu.

Mark 10:17

Yesu ásitina bija bu, ake ániine n'áteyin abin áreeŋin, n'asaaho éejiŋgitan hágilao abe n'aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Mark 10:30

o kabaju hahiye buroon bondu kireeŋ téemeer: sunuuf, bakati, bákaniin, síñaay, biñi, ni kitaaŋaat; éehihinooree yooŋ bare. Abe kóyinokoyin, n'aŋ'awunee buroŋ béehabanaariit bu.

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Saaŋ 17:2

Ábuki a̱wunowun sembe tu kúŋgowulan ku fe, kaanuku aŋ'abin awun bakan k'a̱saano ku fe buroŋ béehabanaariit bu.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Saaŋ 5:39

Aŋ'ariŋesoor ti *Míkiñjin mu ábuki aŋ'ariene man múnooni kákinineŋ n'aribaj buroŋ béehabanaariit bu. Abe Míkiñjin mondu míhaminahamin uŋu húuma hu!

Saaŋ 6:54

An eeteŋe u eni íima, abe n'áhujo yooŋ halan húuma, abaja buroŋ béehabanaariit bu, abe íñje karitano t'eket i tu hunak hiraanu hu.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Epotor i 15:18

Íñje isoke fu bo, íñje Atemit, abe íhinahin ésuk i kéemeyi bo huta hu kóŋkeyin.»

Eleetar i yi Pool akiñje i bakate ku Rom 1:2

Hirim hondu Heetoofe hu, afiyee naane Atambatun atiŋge i *eyiŋana yeene keesok ti *Míkiñjin Meenabe mu kaanuku o káboñina úne ho.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

Eleetar i yi Pool akiñje i bakate ku Rom 5:21

Náami naane kaahoofoor ku kíbajaanie i sembe kiyak uŋu kuyool, kajaku k'Atambatun kaŋk'áwufoor kibaja yooŋ sembe site káhinu ésuk i kéejub te o. Iŋ'ite ho h'úyinie fu kaŋaasu t'Anahaan ite úne Yesu Kiris núubaj buroŋ béehabanaariit bu.

Eleetar i yi Pool akiñje i bakate ku Rom 5:4

kámuñu n'abuk kajoku alitee; kajoku alitee n'abuk eyakar.

Eleetar i yi Pool akiñje i bakate ku Rom 6:23

Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

1 Tesalonik 2:15

Esuwif i kayoolayool *eyiŋana yite Atambatun, n'Anahaan u Yesu, abe ni káhihinoor uni. Katoofut Atambatun tuf, abe boko enatoora yite kúŋgowulan ku fe!

1 Tesalonik 5:8

Bare úne, kaajiŋgan kíkinie fu úne, abe úwarawar kajoku kikaw úne. Úwarawar kasolu káyilen ku ni kámaŋioori ku naane uu úsol ebaŋgal kaanuku eŋ'eram úne. N'úsol yooŋ eyakar ite úne yite kafaku ku naane uu úsol ékuhe yite hitiik.

1 Timote 6:12

Á̱tuum étuum yeejake i yey'ebin ni káyilen ku. A̱jok buroŋ béehabanaariit bu, ábuki Atambatun aruwiruw kaanuku a̱abaj bo. Abe a̱binabina á̱hamin atoof aa ti káyilen kúuwe tu buhooŋu bakan keehooje.

1 Timote 6:19

Káhinu iyu, n'iŋi kakuukan ebaj yeejake abe n'eyan bija tu kuwaatu, abe n'iŋi káyini kabaju buroŋ bite bu nu múniyo.

2 Timote 1:1

Íñje Pool eeemo u *apotor ite Yesu *Kiris naane t'Atambatun ámaŋie du ikiñje fee, íñje eeboñee u kawaare tu buroŋ b'aane bu o kawunu úne, úne kéehine ku t'afeeneŋ ni Yesu Kiris.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

2 Timote 2:13

Ufut'úyemi bakan kéejube, o abaa káyemi an éejube, ábuki ayinaat kawasu báhamin b'asoke.»

2 Timote 2:15

Á̱hin wáhowah a̱atoof Atambatun, naane aroka eejake, eeyakut bufuño, abe n'aŋ'aliiken ésuk i Hirim hite múniyo mu ajoŋoor júl.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Eleetar i yi Sud akiñje i 1:21

Kámaŋi k'Atambatun ámaŋiuun ku, arijokoor te ko, ti kanahan yooŋ hunak h'Anahaan ite úne Yesu Kiris, ti kajaku koone, aja hu kawunuuun buroŋ béehabanaariit bu.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.